منتديات بنات

منتديات بنات (http://www.bnaat.com/vb/index.php)
-   القصص والروايات (http://www.bnaat.com/vb/forumdisplay.php?f=30)
-   -   روايه حبك ذبحني/بقلمي (http://www.bnaat.com/vb/showthread.php?t=177491)

بقايا حنين 28-11-2016 03:34 PM

روايه حبك ذبحني/بقلمي
 
السلام عليكم
انا حبيت انزل لكم روايتي بقلمي انا اخرجها في اكثر من منتدى بنفس الاسم
روايه حبك ذبحني/بقلمي
للكاتبه:بقايا حنين

الحين بخرج البارت الاول واذا اعجبكم بخرج الثاني:bnaatcom95:


روايه حبك ذبحني/بقلمي
البارت الاول

.....في مكان ما الساعه(10:30) صباحا.....

ريم بصراخ :بنات وجع قوموا يكفي نوم{وراحت تسحب عنهم اللحاف}عهوده،سارونه،سموره،تأخر الوقت ترى موزه بتهزئنا

عهود:ريم عن اللعانه خلي عنش اللحاف
ساره:والي يعافيش ترانا نمنا متأخرين
سمر بضيق:اوووووف وهذي موزه متى بتتركنا لحالنا
ريم:خلاص بنات يالله خلونا نخرج ترى البنات مجتمعين نسيتوا انه اليوم اجتماع او محاضره موزه خانو
البنات:يالله قمنا
غسلن وجيههن ورتبن الغرفه وخرجن

......في الصاله......
البنات اللي بالبيت{بيت الرعايه}مجتمعين والمديره موزه جالسه تتوعد في ريم وساره وسمر وعهود لانهم تأخروا
اول ماخرجن: البنات:صباح الخير
موزه:لا بدري ليش ماجلستوا فوق ابرك
عهود بهمس:يكون احسن من مقابله خشتش
نغزتها ساره:عهوده اسكتي لاتسمعنا وتسوي لنا سالفه
موزه:قلتوا شيء
ساره:ابد سلامتش
موزه:رح تجلسون والا اجيب لكم السجاد الاحمر تمشوا عليه

البنات اللي بالصاله جلسوا يضحكون وكلهم ياكرههم لريم وعهود وساره وسمر ويحسدونهم على صداقتهم

البنات جلسوا على كنبه فاضيه
وبدت موزه تتكلم نفس الكلام حق كل مره وفجاءه جابت طاري الدوام البنات كلهم جلسوا يسمعون
موزه:بما انه خلصت اجازه عيد الاضحى فما ابي اي وحده من اللي يشتغلون تداوم مره ثانيه احنا مو مقصرين عليكم اجلسوا بالبيت واذا احتجتوا شيء تكلموا غير بنات الثانويه والجامعه عادي يداومون

سمر:نعم نعم اظن اني ماسمعت
عهود:وليش هالقرار جاء الحين وصار لنا فوق السنتين نشتغل ومافي احد حكى شيء
موزه:اسكتي انتي وياها اشوف طلع لكم لسان ليش انتوا تكلمتوا والبقيت ساكتين هذا القرار مارح يتغير واللي يعجبه اهلا وسهلا واللي مايعجبه برع ويالله افطروا واللي تبي تجلس تجلس واللي بترقى غرفتها الله معاها

ريم وساره وباقي البنات جلسوه على الطاوله وعهود وسمر راحوا للدرج بيصعدون وقفهم صوت موزه:خير ان شاء الله وليش مارح تفطرون
سمر:الحمدلله شبعانين كلامش يشبع وزياده
موزه:بقلعتكم

وراحوا غرفتهم

............الشخصيات..........
البنات الاربع عمرهم20 سنه

ريم:بنت مره طيبه وماتحب المشاكل وهاديه ومررره رومانسيه تشتغل في بنك يعني تخدم العملاء
سمر:بنت عنيده وعصبيه هي ماكانت كذا من قبل بس الظروف هي السبب ولكن قلبها ابيض تشتغل دكتوره اطفال
ساره:بنت مرره كيووت وبارده وسايبه الدنيا على الله وتشتغل مع ريم بالبنك
عهود:بنت تحب تكون لها سلطه ورأي وعربجيه بزياده وتشتغل في احد الشركات
موزه:مديره البيت وتحقد كثير على سمر وعهود عشان انهم مايسمعون كلامها بعكس ساره وريم
وباااقي الشخصيات بتعرفونها مع الاحداث

نرررجع لغرفه البنات
سمر:وين نحنا ان شاء الله لو تموت ما اترك وظيفتي
عهود:ايه صح خلاص من تجي سارونه وريومه نقولهم ان نحنا رح نطلع من هالبيت

هذا اول بارت اتمنى اشوف ردودكم عشان اتشجع واكمل


الساعة الآن 06:01 PM.

Powered by vBulletin Version 4.2.0
Copyright ©2000 - 2024, Jelsoft Enterprises Ltd .