منتديات بنات

منتديات بنات (http://www.bnaat.com/vb/index.php)
-   الرأي والرأي الاخر (http://www.bnaat.com/vb/forumdisplay.php?f=62)
-   -   ويــه .. طقّتنِي بعِين !! (http://www.bnaat.com/vb/showthread.php?t=171225)

ќłч łʓчσσп̲ĸ̲̅ 20-09-2014 12:21 AM

ويــه .. طقّتنِي بعِين !!
 
السَلامُ عليكُم
أسعَد الله أوقاتكُم بكُل خير


:bnaatcom0130:


بدايَةً .....
دائماً نسمَع : ويه .. طقّتنِي بعيِن ،، عينٍ عالنبِي ما صلّت .............الخ
صَحيح العينُ حَق ، والرسُول صَلى الله عليه وسلَم أمرنا بالذكر عشَآن نحصّن نفسنَآ من الشرُور
واللي من ضمنها العِين ،
وإن الواحد لازم يتحصّن .......... الخ من الكلام اللي كلّنا صامّينه عن ظهر قَلب


لكن معلييييشش ،، !! أشُوف هالشيء زايد عن حدّه بالمرّه ،،!!


:bnaatcom44:
رثعَت بنتها قالت عين .. حسدُوها نشيطَة !!
وجعتها يدها وبدُون لآ تفحَص وبدُون لاتشُوف هِي وش مسويّه بهاليد المسيكينَة

قالت عين ..الحريم عجبهُم طبخِي !!
انكسر مناكيرها قالت عين .. فلانة عجبهَا !!


أعُوووذ بالله ....مَرض ورّبي !!
أدرِي والله إن العين ماترحم ويآما ناس دخّلتهم قبُورهم ،، !!
بَس معليش الشيء لازاد عن حدّه قلب ضده هذي اسمها [ وسوَسة ] ياعزيزتِي ،،!!
:bnaatcom13:
إقتباسَ


اقتباس:
قبل فَترة صَار لِي موقف وهُو اللي خلاّني أتحمّس أنزل عنّه هالموضُوع

اقتباس:


والمِشكلَه إنه من وحدَة قررريبَة لِي حيل :"(
بَس فعلاً هالمواقف كفيلَة إنها تعطِي درُوس للشَخص وحتَى إن كان مُو هو الشخص السَلبِي بالموقف .


كنت أسُولف معها وكانت تشاورنِي بسالفَة لبسَها وكذا وإنه بيجونهُم ضيوف
قلت لها ماشاء الله عليك مُزّة لا تنسِين الأذكار
قالت أنا أقرأ على نفسِي حتّى منّك بمعنَى كلامها وطبعاً بطريقَة غير مُباشرة
لاكن المغزَى وصل .


تعرفُون احساس اللي هُو خيبَة ! ولاجت من اللي تعزّينَه بعد
:bnaatcom3:
لاكن أحّس إنّي استاهل !! ودَرس لِي بَعد ...... تَدرون لِيش ؟َ!
لأنّي أنا اللي جنيت علَى نفسِي بهالشيء بأسلُوبِي ...عارفِين كيف ؟!



بكل بَساطة إذا شفتها مغيرَة طريقة مكياجها أو قآصّة شعرها أو .. أو ...، أحب الفت لَها
إن لي عين تتذّوق الجمال وتقدّر التغيير :
ماشاء الله حلوَة عليك رسمَة الكحل هذي عليك
ماشاء الله حلُو عليك هاللُّون
طلّة أميريّة اليُوم
حلوَة البنت قمَر لا اله الا الله ، ماراحت بعيد عن أمها ....الخ


وهذا أسلُوبي تقريباً مع الغالبيَة اللي أمُون عليـهم طبعاً
مو عَن فجاعَة والله ......لاكن مثل ما أحب لنفسِي ومثل ما أحب إن غيري
يلتفت لهالشغلآت اللي جالسَة أزينهَآ وأعتبرَه شيء من الاهتمام
بالمٌقابل أعامل غيري فيـه


ولوهلَة حسّيت إن الخلل فِيني أنا وبتعامُلِي .....لاكن الخلل الخلل إني ماحطيت
هالأسلُوب بمكآنَه المُناسب !


لأن الناس الحيِن للأأسَف صايرَة تقدّم سُوء الظن دائماً
علَى حُسن الظّن ..و تبرّر علَى كيفها نويا غيرها بدُون لاتدرِي وش المقصد من أي تصرّف صادر !!




:bnaatcom13:
فالأحرَى على الوآحد هالأيّام إنّه يبعد عن الشر ويغنّي لَه علَى قُولتهم
بلا مايدخل نفسَه في ظنُون غيره




وأرجَع للمحوَر الأساِسِي حَق الهلوَسَة والوسوَسَة هههههههههههه عجبنِي الاسم
الزبدَة .. إلى متَى بنتعامل بذاك الأسلُوب الأبلَه
وإلى متَى بنقابل هالنماذج ونظطر نتعامل معهُم ونسايرهُم !!
وإلَى متَى كل ما جاملنا احد ونطقنا قالوا عين !!


خُذوا الموضوع فضفَضة + نقآش

الناعسه 20-09-2014 02:56 AM

رد: ويــه .. طقّتنِي بعِين !!
 
وعليكم السلام ورحمة الله وبركاته
اسعد الله اوقاتك بالخير

كلامك صحيح وبالاونه الاخيره زاد عن حده

لو الواحد يهمل بدارسته ويسقط قال عين

والي يقهر زي ماذكرتي

مع انك تذكري الله وتقولي ماشاء الله فستانك حلو

لو يصدف وينشق او يكب عليه شي قالت عين حاره
رغم انك قايله ماشاء الله وممكن بعد مجرد مجامله

لذالك لو كل وحده قرت وردها وتوكلة على ربها ماكان الوسوسه وصلتها لكل هذا

لكن مانقول الا عشنا وشفنا

سيحة بال 20-09-2014 03:35 PM

رد: ويــه .. طقّتنِي بعِين !!
 
وإلى متَى بنقابل هالنماذج ونظطر نتعامل معهُم ونسايرهُم !!
وإلَى متَى كل ما جاملنا احد ونطقنا قالوا عين !!

جد فيه ناس كل شيء عندهم عين
حتى لوتشرق بالماء قالت عين
وزي ماقالت نعوسه لو اهملوا دراستهم وسقطوا قالواعين
لوانكسرالصحن قالواعين
ووووو هلم جرا
والمشكله مايكتفوا بأنفسهم يروحوا للناس
ويقولوا ليش تسووا كذا وكذا ماتخافوا من العين
معليش لوكلنا نفكر ان كل شيء راح يصيبنا
من العين كان جلسنا في البيت ونوسوس ولانسوي انجازات ولاشيء
وصح العين حق وفيه ايات واحاديث تدل على ذلك
لكن عندما نحافظ على اذكارالصباح والمساء ونحصن انفسنا
و نؤمن بان الله خير حافظ لنا وان الامة لواجتمعت
على ان يضرونا بشيء لم يضرونا الا بشيء
قد كتبه الله علينا ،، لعشنا بسلام بعيدا عن الوساوس ,

طرح مهم وراائع ،،بارك الله فيك .


غيوم المساء 20-09-2014 05:01 PM

رد: ويــه .. طقّتنِي بعِين !!
 
جزاك الله خير ا
بالفعل ماتقولينه وباء يشتاح مجتمعاتنا العربيه
كلام رائع وطرح اروع
ننتظر جديدك بشوق

ќłч łʓчσσп̲ĸ̲̅ 21-09-2014 06:04 PM

إضافة رد: ويــه .. طقّتنِي بعِين !!
 
نورتوا حبايب قلبي


الساعة الآن 11:57 AM.

Powered by vBulletin Version 4.2.0
Copyright ©2000 - 2024, Jelsoft Enterprises Ltd .