منتديات بنات

منتديات بنات (http://www.bnaat.com/vb/index.php)
-   القصص والروايات (http://www.bnaat.com/vb/forumdisplay.php?f=30)
-   -   روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ (http://www.bnaat.com/vb/showthread.php?t=171332)

زهرة الورود 17-10-2014 10:55 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
اقتباس:

المشاركة الأصلية كتبت بواسطة فُجَر (المشاركة 2677810)
كمليي
يعطيك العافيه

شكرا على الرد واتمنى دوم اجوف هالردود الحلوة منك ومن الكل،الله يعافيكي

وعد الرشيد 18-10-2014 02:48 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
بسرعه كفايه احنا

زهرة الورود 18-10-2014 04:37 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
.
.
البارت العاشر
.
.
وصل وسيم البيت
وكالعادة الشباب يلعبون بلاستيشين
محمد:العب عدل عزوز
عزيز:انت العب عدل
جاسم:اثنينكم ماتعرفون تلعبون
تركي:يعني انت تعرف تلعب احسن منهم
جاسم:اكيد
تركي:اقول روح مناك محد يعرف يلعب
وسيم:والله اذيتونا ماتقومون تروحون اتجابلون دراستكم واشغالكم
محمد:خلصنا دراسة
جاسم:وسيم يلا قوم نتعشا احنا جاهزين قوم بدل
وسيم:هي انتوا من صجكم بتروحون بهالملابس مال امس اقول قوموا بدلوا ولبسوا شي عدل ترة مافي طلعة
تركي:اوكي اوكي خلاص وله تكنسل الطلعة
وسيم:انا انطركم بالسيارة
&&&&&&&&&&&&&&&&&&&&&&&&&&&&&
عند البنات
كانوا قاعدين يذاكرون داخل اما سمر كانت تذاكر في حديقة البيت
طلع وسيم من البيت وجاف سمر في الحديقة وقاعدة تذاكر
وسيم في نفسه:اروح او لا،انزين ليش انا ارتحت الى هالبنت،لايكون معجب فيها،لالالا شنو اعجب فيها اصلا ماعرفها عدل شلون انعجب فيها،بس عمري ماجفت بنت بهالجمال،بروح اسلم عليها وبمشي
وسيم راح لعندها كانت قاعدة الكرسي
وسيم:سلام عليكم
سمر:وعليكم السلام
وسيم:اسف على الازعاج اذا زعجتك او شي
سمر:لا عادي
وسيم:بالتوفيق ان شاء الله
سمر:شكرا
وسيم:انا بروح المطعم مع الشباب تجون معنا
سمر:لا مانقدر علينا مذاكرة
وسيم:اوكي مرة ثانية ان شاء الله
جاسم بصراخ:وسيم يلا جهزنا
وسيم:انزين جاي
سمر:يلا روح
وسيم:اوكي يلا مع السلامة
سمر:مع السلامة
وسيم راح وركب السيارة
&&&&&&&&&&&&&&&&&&&&&&&&&&
في بيت وسيم
ريم:مامي وين فواز
ام وسيم:في غرفته
ريم:وهذا من جه وهو في غرفته انا رايحة له
ام وسيم:خلي يمكن تعبان
ريم:يتدلع بس
ريم ركبت ركيض على جناح فواز
دخلت وكان الممر هدوء دخلت غرفته ولقته نايم
ريم بصوت واطي:ههههه هذا نايم
ريم:فواز قوم قوم
فواز من غير مايفتح عينه:خير ريم ترة مالي خلقك روحي عن ويهي احسن لج
ريم:واذا مارحت
فواز:بتجوفين شي ماجفتي
ريم:ماتقدر تسوي شي
فواز قام من السرير وريم تركض وفواز يلحقها لين ماطلعت من الجناح وهي تركض صدمت في جسم واحد
ريم:آآآخ وسيم شنو يابك الحين
طلال:انا مو وسيم انا طلال
ريم وقلبها يدق:طلال..ااا..انا اسفة كنت اركض وماجفتك فصدمت فيك
طلال:لا عادي...انتي بخير
ريم:اي
ريم راحت بسرعة على غرفتها ووجها صار احمر من كثر الخجل
&&&&&&&&&&&&&&&&&&&&&&&&&&&
بعرفكم على طلال
(طلال:عمره 20 سنة،ابوه متوفي وامه عايشة،يدرس في الجامعة تخصص طب،شكله كيوت وحلو والبنات ميتين عليه في الجامعة،عيونه بنية وشفايفه بالون الفراولة وطويل ومعضل يعني جسمه رياضي.)
&&&&&&&&&&&&&&&&&&&&&&&&&&
في الصبــــــــــــــــــاح
سمر:بنات يلا قوموا مدرسة
دخلت غرفة نور وحنان
نور:انا جاهزة جوفي
سمر:اوه غريبة مو من عاتدش
سمر:ووين حنان
حنان طلعت من الحمام
حنان:انا اهني بس بلبس وبنزل
سمر:غريبة اليوم صاحين من وقت شفيكم
نور:مافينا شي يعني ماتبينا نقعد من وقت وتبينا ننام حاضرين
سمر:لا لا خلاص ههه
سمر طلعت من غرفة نور وحنان ودخلت غرفة نوف ومريم
سمر:نوف مريم قوموا جهزوا انفسكم بنروح المدرسة
مريم:انا جاهزة وخلصت بس قاعدة اذاكر
نوف:وانا كمان ،سمر استوى الفطور او لا
سمر:اي جاهز
سمر: ان شاء الله كل يوم جدي نشيطين
مريم:هههه يارب
سمر:انا رايحة ابدل
مريم ونوف:اوكي
&&&&&&&&&&&&&&&&&&&&&&
وسيم:تركي
تركي:نعم
وسيم:يلا نروح الشركة عدنا صفقة اليوم مهمة
تركي:انا بروح شركتي باخذ بعض الاوراق وبجي
وسيم:اوكي لا تطول،اي واسمع اليوم فواز بيجي ينام عندنا
تركي:حيا الله والله وحشني فواز
وسيم:انزين يلا نروح
&&&&&&&&&&&&&&&&&&&&&&&&&&&&&&&
سمر:افف طول السايق مريم دقي عليه جوفيه وينه
مريم:تلفوني داخل بروح اجيبه
راحت ودخلت داخل البيت علشان تجيب التلفون
نوف:ياربي ننطر في هالبرد
مريم راجت ركيض
مريم:ايقول تعطل الباص ووداه علشان ايصلحه وراح يستوي باجر
سمر:افف الحين شلون نروح المدرسة
حنان:بسيارتج سمر
سمر:سيارتي في الصيانة
نور:اوه انا اقول مانروح اليوم احسن
سمر:لا شنو مانروح والاختبار ماراح يعيدوه لنا
في نفس الوقت تركي ووسيم طلعوا
تركي:اوه وسيم جوف البنات واقفين برة شكلهم ينطرون الباص
وسيم طالع ساعته
وسيم:لا الباص يجي قبل هالوقت وتأخر واهو يوصل من وقت اكيد صار له شي في الطريق
تركي:تعال نسألهم
وراحوا لهم
تركي:صباح الخير
البنات:صباح النور
وسيم:عسا ما شر شصاير
سمر:لا ولشي
تركي:عجل ليش واقفين برة الباص شكله تأخر عليكم مو
نوف:ااا
قاطعتها سمر
سمر:لا بعد شوي راح يجي
وسيم:تبون اوصلكم في طريجي
حنان:لا ماليه داعي مانبي نتعبك
وسيم:لا انتوا عليكم امتحان والباص بيتأخر وراح يبتدي الامتحان ويروح عليكم خلوني اوصلكم احسن
نوف:اوكي
سمر:لا ماليه داعي
وسيم:البنات كلهم بيجون معاي لا تعاندين وتعالي معاي
سمر:قلت لك ماليه داعي والبنات ماراح يروحون
نور:يلا سمر بله هالعناد ترة الامتحان شوي ويبدي وماراح يعيدوه
سمر:انزين
وسيم:تركي انت روح بسيارتك انا اوصلهم واجي الشركة
تركي:طيب
ركبوا البنات ورا وسمر للحين واقفة وماركبت
وسيم:دخلي
سمر:مابي
وسيم:لا تعاندي ودخلي
سمر:قلت لك مابي
وسيم نزل من السيارة وبطل الباب الي قدام
وسيم:تفضلي
سمر:.............................
نوف:سمر يلا ركبي ترة بنتأخر
وسيم مسكها من ايدها ودخلها السيارة وسكر الباب وراح ركب السيارة
طول الطريق اهي تطالع الدريشة وساكتة ووسيم يطالعها شوي ويشيل عيونه والبنات طايحين سوالف ورا
&&&&&&&&&&&&&&&&&&&&&&&&&&&&&
تــــــــــــــــــــــــــابع

زهرة الورود 18-10-2014 04:39 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
جاسم:عزوز قوم محمد قوم علينا محاضرات بتبتدي
عزيز:خلني انام شوي بس خمس دقايق
محمد:اي او اقولك خلها عشر دقايق
جاسم:بمشي عنكم ها
محمد:لا لا كلش وله تمشي قمت قمت
عزيز:اي انا بروح الحمام باخذ شور وبطلع بس انطرنا
جاسم:بسرعة
&&&&&&&&&&&&&&&&&&&&&&&&
وصلوا المدرسة
نوف:شكرا وسيم على التوصيلة
وسيم:العفو
ونزلوا البنات من السيارة بس سمر كانت سرحانة لعالم بعيد ماتدري انهم وصلوا
وسيم:سمر ..سمر قومي وصلنا
سمر:اي هاا شكرا راح ارد لك هذا المعروف
وسيم:ماليه داعي هذا واجبنا مدام احنا جيران واصدقاء
سمر:لا راح ارده وغصبن عنك
وبسرعة نزلت من السيارة
وسيم:عنيدة هالبنت
&&&&&&&&&&&&&&&&&&&&&&&&&
دخلوا المدرسة وراحوا ركيض على الصف طبعا مافي طابور مدام وقت امتحانات
كانت مراقبتهم ابلة جميلة
كانت توها توزع الاوراق ودخلوا البنات
ابلة جميلة:ليش متأخرين ماتدرون عليكم امتحان
نوف:اي ابلة ندري بس الباص تأخر علينا
ابلة جميلة:يلا قدامي كل وحدة تروح مكانها
راحوا قعدوا محلهم ووزعلت الابلة الاوراق
سمر تحل الورقة بثقة لان دارسة عدل واهي شاطرة (أشطر وحدة في المدرسة)
نوف كالعادة يا براشيم يا غش من البنات
مريم تحل الاسئلة الي تعرفهم والي ماتعرفهم تحل جواب وبس
حنان ونور يغشون من بعض
&&&&&&&&&&&&&&&&&&&&&&&&&&
في الجامعة
جاسم:عزيز جفت فصول
عزيز:لا اليوم شكله ماحضر
جاسم:مو من عادته يغيب
محمد:وانت شتبي فيه
جاسم:عندي وياه موضوع
عزيز:موضوع شنو
جاسم:وانت شدخلك ...يا الله على الفضول
عزيز:كيفي يا اخي
محمد:اقول قوموا روحوا محاظرتكم
جاسم:انا ما بروح
&&&&&&&&&&&&&&&&&&&&&&&&&&&&&
سمر خلصت الامتحان وطلعت بس البنات للحين يحلون وراحت قعدت على كرسي
وفيدها الكتاب تحقق من الاجوبة
مرت سارة وشلتها على سمر
سارة:وي جوفوا يا زعم تدرس
سمر:......................
سارة اخذت الكتاب من سمر
سمر:ليش اخذتيه جيبيه
سارة:ماراح اعطيج اياه شنو بتسوين
سمر:انا قلت لج جيبي
سارة:اووف ريحتج وايد خايسة انتي ماتتسبحين
سمر:مو مثلج
سارة:شذى لازم ننظفها مانبي بنات قذرات في مدرستنا
سمر:محد القذر غيرج
سارة:الحين براويج القذرة شنو بتسوي
عبير عطتها غرشة ماي باردة
سارة فتحت الغرشة وكبتها على سمر
سمر:هي انتي من مفكرة نفسج
سارة:راح تعرفين لما ترجعين الفصل
وراحت سارة مع شلتها وسمر تفكر في كلامها وشنو ناوية تسوي
طلعوا البنات وجافوا سمر مبللة ماي
نوف:سمر شفيج ليه انتي مبللة ماي
مريم:من الي سوة جدي
سمر:سارة
حنان:انا قلت لج راح تأذيج
نور:يلا تعالي الحمام نظفي نفسك
&&&&&&&&&&&&&&&&&&&&&&&&&&
بعد مانتها الدوام الكل رجع على البيت
الشباب والبنات ناموا ماعدا سمر ووسيم
سمر تذاكر ووسيم جالس عليه شغل
وسيم وهو مشغول بأوراقه جت على باله سمر وتذكر لما كانت بسيارة وهي رافضة تركب معاه
وسيم:انا لازم اروح اعتذر منها انه مسكت يدها
&&&&&&&&&&&&&&&&&&&&&&&&&&
كانت قاعدة في الصالة وتذاكر سمعت رن الجرس قامت وفتحت
سمر:نعم
وسيم:مافي تفضل
سمر:تفضل
وسيم دخل البيت واندهش بترتيبه والتناسق الالوان
سمر:تفضل اقعد
وسيم قعد
وسيم:ما شاء الله البيت حلو
سمر:تسلم
وسيم:اله وين البنات
سمر:نايمين
وسيم في نفسه:زين علشان ناخذ راحتنا
وسيم:اسف
سمر:على شنو
وسيم:على انه مسكت يدج اليوم علشان تدخلي السيارة
سمر:لا عادي
وسيم:لا امبيج تسامحيني
سمر:قلت لك عادي
وسيم:اول قولي مسامحتك
سمر:مسامحتك زين جي
وسيم:اي
قطع عليهم السوالف تلفون سمر
سمر:عن اذنك
وسيم:اوك
سمر راحت بعيد علشان لا يسمعها وسيم
سمر:الو
..................:الو بالحلوة
سمر:من معاي
....................:افا ماعرفتيني
سمر:لا منو معاي
.....................:سارة بكل سهولة نسيتي صوتي
سمر:خير ليش داقة عليي؟ومن وين جبتي رقمي؟وشنو تبين مني؟
سارة:ابغيج تجين بيتي
سمر:ليش
سارة:عازمتج فيها شي
سمر:ماراح اجي
سارة:عجل تحملي اذى الناس الي تحبينهم ومنهم رفيجاتج
سمر:ماتقدرين تلمسين شعرة منهم يالحقيرة
سارة:اقدر انا مايصعب عليي شي واتمنى تجين الحين
سمر:وشنو يخليج متأكدة اني بجي
سارة:عندي ضمان انه ماراح تهدين رفيجتج نور عندي
سمر:نور...نور في البيت الحين
سارة:ههههه روحي تأكدي يا حلوة
وسكرته في ويها
سمر:الو الو وينج
سمر راحت غرفة نور وحنان لقت حنان بس في الغرفة مالقت نور
سمر:وين راحت انا جايفتها بنفسي رايحة تنام معقولة طلعت بدون ماتقول ليي....انا لازم اروح مستحيل اخليها تلمس نور
سمر طلعت من الغرفة وراحت الصالة وهي تلبس عبايتها
سمر:انا اسفة وسيم بس جاني اتصال مهم لازم اروح راح اكلمك بعدين
وسيم:وين بتروحين
سمر:بعدين بعدين وسيم
وراحت ركبت تكسي
وسيم لاحظ عليها التوتر والخوف وهو يعرف انه اهلها في فرنسا يعني بتكون رايحة لمن
وسيم جات على باله يركب السيارة ويلحقها بدون ماتحس ويعرف شنو السالفة
&&&&&&&&&&&&&&&&&&&&&&&&&&&&&
الاسئلة
هل تتتوقعون وسيم بيلحق سمر؟
وهل سارة بتسوي شي لنور؟
وسارة شنو تبي من سمر؟
اذا تبون البارت اطول امبي اجوف الردود

زهرة الورود 19-10-2014 03:38 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
.
.
البارت الحادي عشر
.
.
سمر:لو سمحت سرع شوي
التكسي صار يسرع ووسيم يلحق وراه بعدها طاف التكسي وصارت الاشارة حمرة ووسيم وقف
وسيم:اووف مو وقتج انا لازم الحقهم
&&&&&&&&&&&&&&&&&&&&&&&&&&&
البنات صحو من النوم
مريم:بنات وين سمر ونور
حنان:اي وين راحوا
نوف:انزين دقوا عليهم
مريم:لحضة انا بدق على سمر وحنان انتي دقي على نور
حنان:نور تلفونها اهني
مريم:انا بدق على سمر
دقت بس كان التلفون مغلق دقت تقريا حوالي 15 مرة
&&&&&&&&&&&&&&&&&&&&&&&&&&
سمر وصلت المكان الي طلبت منها سارة انه تجي اليه
ودخلت ولقت البيت حالته حالة ووصخ
سمر:في أحد اهني
طلعت لها سارة
سارة:نورتي البيت والله
سمر:وين نور
سارة:في الحفظ والصون
سمر:هديها تروح
سارة:بخليها تروح بس لاتحاولين تهربين
اشرت على اثنين صبيان يربطون سمر
سمر:وخروا عني شتبون فيني
سارة:اشرت على شذى وعبير انه يرجعون نور البيت وهي مغمضة عينها علشان لاتجوف المكان
سمر:شنو تبين مني بضبطت
سارة:شي واحد
سمر:شنو
سارة:انتقم منج
سمر:لا تحاولين تقربين مني فاهمة
سارة كان عندها مسدس وشوي شوي تقرب من سمر
سمر:لا لا لاتقربين اكثر
سارة:الحين خايفة مو قلت لج امبي انتقم منج
سمر بدت تبكي:انتي ليش جدي ليش ماتحسين بالناس انتي ماعندج ضمير اصلا انتي ماتعرفين يعني شنو ضمير...ارجوش امبي اعيش
سارة اثر فيها كلام سمر بس ماحولت تبين هذا شي وبدت تسترجع قوتها
سارة حطت المسدس على جبهت سمر
سارة:في لج امنية قبل ماتموتين
سمر:حرام عليج الي تسوينه والله حرام ....حسي بالناس لو شوي على الاقل....انا عندي ام وامي تخاف عليي مايرضى قلبج تحرقين قلب امي بليز هديني واسوي لج الي تبينه
سارة:مستحيل تفلتين مني
سمر بدت تبكي اكثر
&&&&&&&&&&&&&&&&&&&&&&&&&&
مريم:بنات سمر ماترد
نوف بتوتر:ليكون صار لها شي
حنان:فال الله وله فالش
نوف:انزين دقي مرة ثانية
مريم:صار ليي داقة 20 مرة وماترد
رن الجرس
مريم:يمكن سمر ونور انا بفتح
مريم فتحت الباب ولقت نور على الباب
مريم:نور وين كنتي....ووين سمر....من وين جاية ردي
نور:سمر مخطوفة...خطفوني وهددوا سمر اذا ماجت بيقتلوني والحين سمر عندهم
مريم بخوف اكثر:ماتعرفين وين مكانهم
نور:لا
&&&&&&&&&&&&&&&&&&&&&&&&&&&&
سارة:يلا قولي امنيتج الاخيرة او ماتبين كيفج وفرتي لينا الوقت
شذى:واحد...اثنين
قطع عليهم صوت وسيم
وسيم:وقفوا...
وراح طيح المسدس من يد سارة
سارة:من انت وليشج اي اهني
وسيم:انا جاي انقذها
سارة:يعني مسوي روحك بطل
سارة :امسكوه
وقفوا بيمسكون وسيم بس وسيم وقف وضرب فيهم
سارة راح عند المسدس بتمسكه وتصوب على سمر بس وسيم راح لها وطيحها في المسبح.....وراح فتح الحبل ومسك سمر من يدها وطلعوا برا البيت وركبوا السيارة ومشوا
طول الطريق كانت سمر تبكي ووسيم يهدي فيها لما وصلوا البيت
نزلت من السيارة وهي تبكي
وسيم:سمر بس خلاص
سمر:..........................
سمر طقت الباب وفتحوا البنات الباب وراحت بسرعة على غرفتها بدون ماتكلم البنات
مريم:وسيم شفيها سمر
وسيم:خلوها ترتاح شوي .....ماصار شي
نوف:انت انقذتها من سارة
وسيم:اي جيت الحمدالله بالوقت المناسب والله اعلم لو تأخرت جان شنو صار
حنان:شكرا لك وسيم
وسيم:هذا واجبنا
وسيم:بس لما ترتاح خلوها تكلمني على هذا الرقم وطلع كرته وعطاه مريم
مريم:اوكي
&&&&&&&&&&&&&&&&&&&&&&&&&&&&
فواز:وين وسيم
تركي:مادري صحينا مالقيناه
فواز: انا داق عليه
ودخل عليهم وسيم
فواز:وسيم انت وينك مو قلت لي انك في البيت
وسيم:اي انشغلت اشوي
فواز:والله عجبني الحيي شكلي بسكن وياكم
جاسم:حياك،والله انك امفرفش مو مثل اخوك كلة مبوس
وسيم راح على غرفته بدون اي كلام وهو يفكر في سمر
فواز:شفيه
عزيز:مادري انت اخوه وانت ادره
فواز:انا رايح اجوفه
محمد:لا تنسا تخبرنا
فواز:هههه يعني يهمك
محمد:اي
فواز:ماشي
راح فواز وطق الباب على وسيم
وسيم:تفضل
فواز:شفيه اخوي العزيز
وسيم بابتسامة:مافيني شي
فواز:موع ليي هالحركات انا اخوك واعرف قول شفيك
وسيم:قلت لك مافي شي
فواز:علينا وسيم لايكون تحب (وغمز له)
وسيم:اخوك وينه وين الحب
فواز:واللة يحصل لك تحب
وسيم:تقدر تقول اعجاب
فواز:مو يمكن يتحول الى حب
وسيم:من صجك
فواز:اي ليش لا
وسيم:وانت شنو عرفك بسوالف الحب
فواز:ومنوم ايعرف الحين
وسيم:ههههه
فواز:اي جدي اضحك مو من مساعة امبوز
وسيم:انزين
فواز:انزين وين غرفتي
وسيم:قول لجسوم بيدليك
فواز:ان شاء الله ....يلا انا بطلع ارتاح
وسيم:اوكي
&&&&&&&&&&&&&&&&&&&&&&&&&
جالسة في الغرفة وتبكي ماتوقعت ابدا انه سارة تسوي هالحركات ومسدس وجي
البنات يطقطقون عليها الباب
نوف:سمر فتحي الباب
مريم:الله يعافيج سمر
نور:سمر فتحي الباب
حنان:بنات تعالوا خلوها ترتاح اشوي ولما تهدأ بنكلمها
مريم:اي يلا
&&&&&&&&&&&&&&&&&&&&&&&&&&&&&&&
الاسئلة
هل سارة راح تسكت لسمر؟
ووسيم صدق راح يحب سمر؟
وسمر بتدق على وسيم او لا؟
بنات وين الردود

f.m.m 20-10-2014 04:09 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
كمللللي
يعطيكي العافيه

زهرة الورود 20-10-2014 05:53 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
.
.
البارت الثاني عشر
.
.
في المساء
راحت مريم وطقت الباب على سمر
مريم:سمر فتحي الباب
سمر:خلوني بروحي
مريم:انا جايبة لك اكل
سمر:مابي مو مشتهية
مريم:البنات مو راضين ياكلون اله لما تاكلين انتي بالأول
سمر راحت وفتحت الباب
مريم:سمر فيج شي
سمر:لا
مريم:عجل ليشه الدموع
سمر حضنت مريم وبدت تبكي على جتفها
سمر:كانت راح تقتلني ماتوقعتها بخالحقارة
مريم:انتي ليش ماعلمتينا
سمر:ماحبيت وحدة منكم تتأذى
مريم:انتي كثير ضحيتي علشانا واحنا المفروض نساعد بعض
سمر:بس غصبن عني
مريم:انزين تعالي اكلي ترة البنات ماراح ياكلون
سمر:اوكي
مريم:اي لحضة وسيم عطاني رقمه يبيج تكلمينه
سمر:ليش
مريم:حاب يطمن عليج
سمر اخذت الكردت وحطته على الكمدينو وراحت تتعشا مع البنات
&&&&&&&&&&&&&&&&&&&&&&&&&&&&&
فواز:انتوا ابدا ماتذاكرون كلة قاعدين على البلستيشين
محمد:تعبنا من الدراسة
تركي:ليش انتوا جودتوا كتاب علشان تعبتوا
جاسم:وانت وش دراك بس
عزيز:يعني الحين يسوي نفسه الي كان مجود كتاب ومو جنه رسب مرتين
تركي:على الاقل ادرس مو مثلكم
فواز:شكلكم كلكم راح ترسبون هاا وسيم
وسيم ما كان معاهم وهو يفكر هل راح تدق عليه سمر او لا
فواز:وسيم وين رحت
وسيم حس بفواز يكلمه:هاا
فواز:لا شكلك مو معانا
وسيم:اي افكر بالشغل
تركي:وانت مااذيتنا بالشغل
عزيز:درينا انك تشتغل يا اخي ليش تحرنا
وسيم:وليش احركم انا رايح برة
جاسم:ليش تنطر احد يعني
وسيم:لا بس مليت من وجوهكم الكئيبة
عزيز:جوف من يتحجة بس
وطلع وسيم
محمد:انت شلون متحمل اخوك مادري
فواز:وانت شلون متحمل تعيش معاه مادري
تركي:ههههه العيشة معاه اوكي لان دائما سرحان وساكت ولاهي بشغله
محمد:وانت الصداق
جاسم:انا عندي اتصال بروح وبرجع
عزيز:تكلم اهني يعني من غير ضاري بتكلم
جاسم:وليش يعني ماعندي اله ضاري اكلمه
محمد:اي عندك حنان
تركي فتح اعيونه
تركي:من وين لك رقمها
جاسم:اخذته منها
تركي:يالخاين ليشم اعطيتني
جاسم:وليش اعطيك
عزيز:أنا عندي رقم نور
فواز:من هذول اكيد مرقمين لكم من المجمع هذاك
تركي:نو
فواز:عيل
محمد:جيران ساكنين جنمينا خمس بنات
فواز:حلوين او شيفات
تركي:عسل لو تجوفهم كل وحدة احلة من الثانية
فواز:انت كل ماتجوف بنت قلت هالكلام حتى لو كانت جيكرة
محمد:انت بس جوفهم وراح تعرف راينا
فواز:اعرف ذوقكم في البنات مايحتاج تعلموني
عزيز:اوكي بتراهن
فواز:أكيد وهالمرة انا بربح واذا ربحت تعشوني على حسابكم
تركي:واذا احنا ربحنا تنظف غرفنا لمدة يومين
فواز:اوكي مافق
&&&&&&&&&&&&&&&&&&&&&&&&&&&
كان قاعد في الحديقة ينتظر اتصال سمر وفجأة جاه اتصال بسرعة رد عليه
وسيم:الو شلونج الحين
السكرتير:الو استاذ وسيم
وسيم:امم انا اسف بس كنت ناطر اتصال من احد تفضل قول شعندك
السكرتير:حبيت ابلغك انهم وافقوا على الصفقة
وسيم:ومتى عندنا موعد معاهم
السكرتير:بعد اسبوع
وسيم:ان شاء الله وخبر الوالد
السكرتير:ان شاء الله يا طويل العمر
&&&&&&&&&&&&&&&&&&&&&&&&&&&&
سمر:الحمدالله
نور:وين سمر مااكلتي شي
سمر:مو مشتهية بروح غرفتي ارتاح
حنان:سمر اذا تعبانة باجر لا تداومين
سمر:لا ماقدر لازم اداوم ماقدر افوت الامتحان
مريم:براحتج.......روحي غرفتك ارتاحي
سمر:طيب
راحت غرفتها وقعدت تذاكر وانتهت الساعة 11....حطت اغراضها في الشنطة وجافت الكرت على الكمدينو....بس ماهتمت وراحت على السرير وطفت النور ونامت
&&&&&&&&&&&&&&&&&&&&&&&&&&&&&&
وسيم:يعني ماراح تطقين.....يمكن الحين تعبانة باجر اكيد راح تتصل ....بروح انام
&&&&&&&&&&&&&&&&&&&&&&&&&
تــــــــــــــــــــــــابع

زهرة الورود 20-10-2014 05:54 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
في الصباح
البنات كالعادة يصحون متأخر شوي
مريم:سمر خلج اليوم في البيت
سمر:لا
مريم:راح تأذيج
سمر:اخسر امتحاني علشانها وهالمرة راح اواجها بنفسي وراح اخليها تغير هالطبع الخايس
مريم:مستحيل تتغير سارة مهما صار
سمر:وانا راح اغيرها
مريم:ماراح تقدرين
سمر:متأكدة
مريم:اي
قطعت عليهم نوف:يلا الباص وصل
سمر:يلا مريم والبنات وينهم
نوف:راحوا يركبون الباص
سمر:اوكي يلا انا بلحقكم الحين اجيب جنطتي وبجي
نوف:اوكي يلا مريم تعالي
&&&&&&&&&&&&&&&&&&&&&&&&&&&
وسيم كان طالع بيروح الشغل وجاف البنات راكبين الباص وبعدها ركبت سمر حس فرحة جواته مايدري ليش وبنفس الوقت حس بخوف
يمكن اثرت فيه سمر وتحول الاعجاب الى حب كما قال فواز ....حس هالبنت غير عن كل البنات هذي البنت عنيدة وبنفس الوقت واثقة من نفسها وعندها الشجاعة وذكية يمكن هذي البنت الي يحلم فيها وسيم
&&&&&&&&&&&&&&&&&&&&&&&&&&&
فواز:هذول اوحوش او شنو الثلاجة خالية مافيها شي وامس كانت مشحونة اكل انا لازم اروح السوبر ماركت اخذ اكل مادري شلون عايشين جدي
محمد:شفيك تتحلطم
فواز:انتوا اوحوش او شنو
محمد:ليش
فواز:الثلاجة خالية
محمد:لا تخاف وسيم يعبيها كل يوم
فواز:والله اخوي فيه الخير هذا بيت اصغير وماتنظفونه شلون عيل لو فيلا
محمد:هههه خلها على الله يا خوي
فواز:ودلاك للحين نايمين
محمد:اي
فواز:متى يصحون
محمد:لما يشبعون
فواز:والجامعة
محمد:تأخير دائما
فواز:الله يعين بس
محمد:هههه
فواز:اله اليوم قاعد امبجر شعندك
محمد:عندي محاضرة الحين بروح
فواز:يلا بسرعة انا بروح عند الاهل جان تبيني اقطك
محمد:يا ريت
فواز:انا انطرك برا
محمد:طيب
&&&&&&&&&&&&&&&&&&&&&&&&&&
في المدرسة
انتهوا من الامتحان
ودخلت عليهم المشرفة والمديرة
المشرفة:يا بنات جاتنا هالورقة من وحدة من الطالبات واحنا مانعرف من هذي الطالبة
نور:طيب شنو مكتوب بالورقة
المديرة:مشرفة اقري لهم شنو مكتوب
المشرفة:مكتوب انه في بنت من صفكم تبيع سيديات وصخة على البنات
المديرة:واحنا نبي نعرف من هذي الطالبة يا تعترف او نعاقب الكل
البنات:ابلة مايصير
مشرفة:تقوم تعترف او نطلعها
طبعا سمر كانت لاهية في كتاب ماهمتها السالفة بكبرها
المديرة:ابلة نجاح وابلة جميلة والمشرفة فتشوا في شنط البنات
ابلة نجاح وصلت عند سمر وفتحت شنطتها ولقت السيديات
ابلة نجاح:معقولة انتي يا سمر انتي البنت المهذبة والشاطرة تسوين جدي
سمر:ابلة والله مو انا
ابلة نجاح:عيل منو واحنا بقينا السيديات في شنطتج
سمر:يمكن وحدة تبي تتبله عليي
ابلة نجاح:جدامي على مكتب المديرة
سمر:بس ابلة
ابلة نجاح:لا بس ولشي صدق ماتنعطون ثقة
&&&&&&&&&&&&&&&&&&&&&&&
الاسئلة
شنو بيصير مع سمر؟
تتوقعون من الي متبلي على سمر؟
وهل وسيم راح يصارح سمر بحبه لها؟
&&&&&&&&&&&&&&&&&&&&&&&&&&&
بنات بليز امبي تفاعل

زهرة الورود 21-10-2014 06:08 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
.
.
البارت الثالث عشر
.
.
في غرفة المديرة
المشرفة:راح نسوي نعطيكي فصل
سمر:مشرفة انا ماسويت شي وله ادري عن هذي السيديات
المديرة:بس احنا لقينا السيديات في جنكتج يعني لج
سمر:والله مو مالي انتوا تعرفوني عدل
المشرفة:للاسف ماتوقعناج جدي يا سمر
المديرة:على العموم راح نفصلش لمدة شهر والامتحانات راح تقدمينها مع الي يعيدون
سمر:بــس .....
المشرفة:خلاص روحي على صفج وباجر ماتين المدرسة
سمر راحت الصف
مريم:سمر شنو صار
نوف:شنو قالوا لج
سمر:فصلوني شهر
حنان:ليش انتي ماسويتي شي
نور:هذي اكيد سارة محد غيرها
سمر:انا اهمشي واثقة من نفسي انه ماسويت جدي وسارة بتتحاسب بعدين
&&&&&&&&&&&&&&&&&&&&&&&&&&&&
وسيم:تركي شلون الشركة
تركي:تمام
وسيم:طيب ابيك تداوم عني باجر
تركي:ليش
وسيم:راح ارتاح شوي في البيت
تركي:انا شعرفني اله شغلك
وسيم:السكرتير بيقول لك على كل شي
تركي:اوكي يلا مع السلامة
وسيم:مع السلامة
وسكروا الخط
&&&&&&&&&&&&&&&&&&&&&&&&
سمر راحت الحمام وتوها بتقفل الباب اله سمعت صوت الباب بقوة ينفتح
سمر:نعم شتبين
سارة:ابيج انتي
سمر:شنو تقصدين
سارة بدت تتقرب من سمر وسمر ترجع على ورا
سمر:شتبين وخري عني
سارة:مابوخر
سمر تتراجع لورا ولصقت في الجدار
وسارة حطت يدها على الجدار
سمر بصراخ:بعدي عني
سارة:اشش هههه لا تصرخين محد راح يسمعج
سمر:ممكن اعرف انت شنو تبين مني
سارة:قلت لج ابيج انتي
سمر:شنو تبين مني
سارة:شرايج نكون فرند انا اول مرة اعرض عليك هالطلب
وقربت سارة وجها من سمر اكثر
سارة:شو موافقة
سمر:مايشرفني بنت مثلج تصير فرند مالي
سارة:عجل تحملي الي راح يجيكي اول شي راح ااذي حبيبج
سمر باستغراب:حبيبي
سارة:اي حبيبج اممم اعتقد اسمه وسيم...كل مااجوفه يتقرب منج احس بقهر واحب افرق بين اثنين يعني عندج خيارين يا انج تكونين فريند لي او اذي وسيم اذا تقرب منج اكثر.....اعتقد ماتحبين احد يتأذى....اذا ماتبينه يتأذى بعدي عنه وكوني فريند
سمر:وليش تبيني اكون الفرند مالج
سارة:مادري بس احسج شجاعة وانا ابي اصدقاء جدي وعموما شرايج بالسيديات
سمر:انتي ليش تسوين جدي ماعندج ضمير
سارة:شنو معنات الضمير اول
سمر:ليش ....تبين تعرفين بقول لج
سارة:مو ناقصني محاضرات
سارة بعدت عن سمر بتروح ودارت
سمر:مو معناته انه حبيبج تركج تحاولين تفرقين بين اثنين يحبون بعض ....مو شرط انا ووسيم اي اشخاص اخرين غيري وعلى فكرة تراني موح حبيبة وسيم بس احنا مجرد جيران واصدقاء
دارت لها سارة وراحت لها ومسكتها من قميصها
سارة:اذا تكلمتين معي بهالاسلوب مرة ثاني بتجوفين شي عمرج ماجفتيه فاهمة
سمر:انا عندي سؤال.....ليش ماتتحاولين تتغيرين مو من جدي امج وابوج تبروا منج
سارة:انا حذرتج مرة بس مرة ثانية ان عتيها براويج وطلعت من الحمام واهي معصبة من سمر
سمر بدت تفكر بكلام سارة
&&&&&&&&&&&&&&&&&&&&&&&&&&&&
فواز:ريمو وجع
ريم بصراخ:اففف خير شتبي
فواز:وين امي
ريم:الحين انت منادني علشان تسالني هالسؤال انا عبالي جايب الهدايا
فواز:وانتي للحين مانسيتي الهدايا
ريم:وله بنسا
فواز:انزين وين امي
ريم:عند خالتي
فواز:خالتي منال
ريم:اي في غيرها
فواز:اي
ريم:انزين متى راح تجيب الهدايا
فواز:لما تعتذرين لي
ريم:على شنو
فواز:على يوم تقعديني
ريم:امم ماتذكر
فواز:اعرف انج مذكرة يلا اعتذري وبجيب هديتج باجر
ريم:ماني معتذرة ومالت عليك وعلى هديتك
فواز:اوكي لكن لا تقولي ليي باجر وين هديتي
ريم:اوكي بكلم باباتي اهو بيجيب الهدية من عندك
فواز:اي مو انتي دلوعة الوالد
ريم:يعني بحصلها بدون اعتذار
فواز:اخخخ منش بس راح اخليش تتأسفين بطريقتي
ريم:ماتقدر
فواز:ماعلي بروايج
&&&&&&&&&&&&&&&&&&&&&&&&&&
تــــــــــــــــــــــابع

زهرة الورود 21-10-2014 06:10 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
&&&&&&&&&&&&&&&&&&&&&&&&&&
انتهى الدوام
ورجعوا البيت
مريم:سمر شفيج ماتاكلين
سمر بتوتر:هاا....لا ولشي
نوف:انزين سمر الحين يعني باجر ماراح تداومين
سمر:لا
حنان:شلون عيل على الامتحانات
سمر:لااح يقدمونهم لي مع الي راح يعيدون الامتحان
نور:الله لا يوفقش يا سارة قولوا امين
البنات ماعدا سمر:آمين
نوف:بنات الشباب لهم فجة الحين لا يدقون وله يجون سالفتهم
مريم:ههههه يبون يصيرون اثقال
نور:شدعوة
حنان:سمر دقيتي على وسيم كان يبي يطمن عليج
سمر:لا مادقيت
مريم:ليش كان خايف عليج
سمر:مابي ادق عليه ....يلا الحمدالله
&&&&&&&&&&&&&&&&&&&&&&&&&&
وسيم:الو ..
السكرتير:هلا طال عمرك
وسيم:شخبار الشغل
السكرتير:ماشي مثل ماتبي
وسيم:انزين بس بقولك راح يداوم تركي باجر امبدالي وعلمه شنو يسوي
السكرتير:ان شاء الله طال عمرك تبي شي ثاني
وسيم:لا
السكرتير:مع السلامة
وسيم:مع السلامة
وسكر الخط
وسيم:ليش للحين مادقت عليي .....انا رايح لها
&&&&&&&&&&&&&&&&&&&&&&&&&
طبعا الحين وقت سمر لتمشي وراحت الممشى
وهي تمشي قاطعها وسيم
وسيم بصراخ:سمر...سمر
سمر سمعته ووقفت بس تذكرت كلام سارة وكملت طريقها
وسيم لحقها ووقف قدامها
وسيم:انتي ماتسمعين انا قاعد اناديج
سمر:نعم في شي
وسيم:اي ليش مادقيتي عليي
سمر:وانت منوع لشان ادق عليك
وسيم:صديق او جيران
سمر:مو محتاج تعرف اذا كنت بخير او لا وشكرا على انقاذك ليي بس مرة ثانية لا تجي وتنقذني وراح ارد لك هالمعروف
وسيم:انا مو محتاج تردين ليي هالمعروف
سمر:عجل
وسيم:انا خايف عليج بس
سمر بصراخ:مايحتاج تخاف عليي انا اعرف اتصرف بروحي....وانت اصلا ليش تخاف عليي
وسيم بصراخ وعصبية من كلام سمر:لاني احــ.................
وسكت
سمر:كمل شنو كنت بتقول
وسيم:لانا مجرد اصدقاء....والصديق لازم يساعد صديقه بوقت الضيق
سمر:مشكور مابيك تساعدني ووخر عني مابيك تكون صديقي من اليوم
وراحـــــــــــــــــــت
وقف وسيم مستغرب من تصرف سمر جدي حس بقلبه يعور يمكن سمر جرحته....طيب ليش اهو ماقال لها انه يحبها يمكن غروره ماسمح ليه بهالشي.....كان يتمنى الارض تنشق وتبلعه وله يسمع هالكلام من سمر
&&&&&&&&&&&&&&&&&&&&&&&&&&&
الاسئلة
من هالخيارين اي خيار راح تختار سمر؟
وهل سمر راح تغير سارة؟
وسيم هل بيعرف انه سمر انفصلت او لا؟
&&&&&&&&&&&&&&&&&&&&&&&&&&&
بنات وين الردود؟


f.m.m 21-10-2014 08:58 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
وااو البرتات روعه كملي

سمااهر 22-10-2014 07:25 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
كملي حبيبتي

زهرة الورود 24-10-2014 08:35 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
.
.
البارت الرابع عشر
.
.
في المســـاء
سمر كانت في غرفتها وتفكر في كلام سارة
اهي ماتحب تأذي احد وله تبي تكون الفرند مال سارة محتارة بين هالاثنين
قطع عليها حبل افكارها نوف
نوف:سمر
سمر:هلا
نوف:شفيج اناديج ماتردين
سمر:ماسمعتج ...المهم بغيتي
نوف:ابيج تساعديني في حل الواجب
سمر:اوكي روحي وانا اجيكي
نوف:طيب بس بسرعة هاا
سمر:انزين
&&&&&&&&&&&&&&&&&&&&&&&&&&&
في البحر وسيم كان اهناك لما يحس انه مخنوق يجي عند البحر
وسيم في نفسه:ليش اهي تغيرت جدي عليي....ليش ماتبي نكون اصدقاء....انا سويت شي غلط مثلا...ماعتقد
رن تلفون وسيم
وسيم:الو
فواز:الو هلا
وسيم:اهلين
فواز:انت وينك
وسيم:انا عند البحر
فواز:وليش رايح البحر بروحك جان قلت لي اجي معاك
وسيم:المرة الجاية ان شاء الله
فواز:فيك شي وسيم
وسيم:لا ليش تسأل
فواز:احس من صوتك انه في شي
وسيم:لا مافي شي
فواز:طيب متى بترد
وسيم:بعد شوي
فواز:طيب
&&&&&&&&&&&&&&&&&&&&&&&&&&&
شذى:انتي تتوقعي من هالخيارين شنو بتختار
سارة بثقة:اكيد الخيار الي امبيه
نورة:تعجبيني يا سارة دائما واثقة من كلامج
سارة:ههههه تسلمين حبي
عبير:سارة في واحد يبيج برا
سارة:اي يمكن هذا بوي فرند يلا باي بنات
البنات:باي
&&&&&&&&&&&&&&&&&&&&&&&&
في الصبـــــــاح
البنات راحوا المدرسة وسمر قررت تروح المجمع وتشتري لها جم بدلة وتشتري هدية لحنان لان قرب عيد ميلادها
&&&&&&&&&&&&&&&&&&&&&&
ووسيم طبعا اليوم ماداوم وراح للمجمع الي راح تروحه سمر
&&&&&&&&&&&&&&&&&&&&&&&
حنان:بنات تدرون المدرسة مو حلوة بدون سمر
نوف:اي والله وحشتنا
نور:بس الله ينتقم من كان السبب
مريم:والله سمر ماتستاهل
نوف:اي
حنان:انزين بنات شنو علينا الحين
مريم:كيم
نور:ويع اكره حصة عندي
مريم:وانتي كل الحصص تكرهينا
نور:مااحب شي اسمه دراسة
حنان:ههههه مادري شلون نجحت قبل وهي تكره الدراسة
نور:بعد خبرة
البنات:ههههههههههههآآي
قطعت عليهم الابلة
&&&&&&&&&&&&&&&&&&&&&&&&&&
كانت في المحل الي موجود فيه وسيم
وسيم التفت وجافها وسيم في نفسه:هذي شنو تسوي اهني المفروض الحين تكون بالمدرسة
راح ليها وسيم
وسيم:السلام عليكم
سمر:....................
وسيم:سلمنا
سمر مشت للجهة الثانية بدون اي كلمة
وسيم لحقها
وسيم:ليش مارحتي المدرسة
سمر:...................
وسيم:انا اكلمج
سمر:اعتقد انت ماتقرب لي علشان اكلمك
وسيم:يمكن انتي رفضتي صداقتش فيني بس انا مارفضت وعندي للحين انتي صديقتي
سمر:انا قلت لك مابي اجوفك بعد اليوم تكلمني
وسيم:ممكن اعرف السبب
سمر:مافي سبب بس انا مابي اكلمك وله حتى اجوفك
وسيم مسك يدها وراح ابها غرفة التبديل
سمر:انت شنو تسوي هد ايدي
وسيم قرب وجه من وجها
وسيم:اسمعيني انتي بتكونين صديقة لي
سمر:قلت لك مابيك تكون صديقي من اليوم ورايح
وسيم بعصبية:لا تحاولين تسوين شي مايعجبني لانج راح تندمين
وشد على يدها اكثر
سمر:ممكن تهد ايدي لانك قاعد تعورني
وسيم انتبه على نفسه انه قاعد يألمها وترك يدها
سمر طلعت من غرفة التبديل ولقت الجواب الي سوال سارة
&&&&&&&&&&&&&&&&&&&&&&&&&&
تــــــــــــــــــــابع

زهرة الورود 24-10-2014 08:36 PM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
فواز:انتي ليش ماداومتي
ريم:كيفي
فواز:يمة مايصير تخلونها على كيفها صراحة واجد امدلعينها
ريم:ليش تغار مني
فواز:عاد مالقيت اله اغار منج
ريم:انا افكر انت ليش قاعد للحين بدون شغل
فواز:وانتي شيخصج فيني
ام وسيم:وهي الصاجة ياوليدي
فواز:انا اول لازم اتعرف على طبيعة الشغل بعدين بداوم
ام وسيم:الله يسهل لك ان شاء الله
ريم:يمة انا دايما افكر من هذي تعيسة الحظ الي بتاخذ ولدج
فواز:والله من قدها الي بتاخدني اصلا كل البنات ميتين عليي ويبوني
ام وسيم:اي والله من قدها بتاخذ رجل اعمال
ريم:يمة انتي واجد تدلعين وسيم وفواز وانا مافي اله ابوي يدلعني
فواز:ههههه اكيد لان تحبنا اكثر منج
ام وسيم:يلا عاد عن المناجرة انا احبكم كلكم قد بعض
فواز:بس انا ازيد مو
ريم:لا انا اكثر
فواز:انا
ام وسيم تضحك على اهبال اولادها
&&&&&&&&&&&&&&&&&&&&&&&&&&&
بعد ماخلصت تسويق طلعت من المجمع التفت على السيارة المرسيدس والحرس امفتح لها الباب
وسيم طلع وراها
وسيم:ركبي
سمر:..................
سكتت ولفت الجهة الثانية
لحقها وسيم ومسك يدها
سمر:هدني...هدني....اترك يدي
مسك يدها وركبها السيارة وبعدها اهو ركب
وفتح النافذة الامامية للحارس وقال له:روح البيت
وسكر النافذة بعدها
سمر:نزلني
وسيم:ماراح تنزلين
سمر:ممكن اعرف انت شنو تبي مني
وسيم:ليش يهمج
سمر:اي اكيد
وسيم:انا ابيج انتي
وبحركة مفاجاة ماتوقعتها سمر انه وسيم سند راسه على كتف سمر
سمر:ااا....آآآآ
وسيم:لا تقولين شي ....انا محتاج لج سمر ....احس انج انتي الوحيدة الي تفهميني
سمر:ممكن تشيل راسك
وسيم:ماراح اشيله وبصير مثلج عنيد
سمر:ليش تتصرف حركات طفولية
وسيم:لاني بديت اعجب فيج
سمر وجها قلب احمر ماتدري شنو تقول طول الوقت وتفكر بكلام وسيم ومرة بكلام سارة ووسيم طول الوقت حاط راسه على كتف سمر يحس براحة مايدري ليش من بين كل هالبنات ارتاح لسمر بس
&&&&&&&&&&&&&&&&&&&&&&&&&&&&
الاسئلة
شنو بيكون جواب سمر لسارة؟
وهل سمر راح تتجاهل وسيم او لا بعد مااعترف ليها باعجابه؟
وشنو راح تهدي سمر لحنان في عيد ميلادها؟
بنات ابي ردود اكثر

وعد الرشيد 25-10-2014 07:26 AM

رد: روِآيّتُيّ آلَثًـآنٌيّة:(آلَصِـدُآقَة تُنٌقَلَبّـ آلَى آلَحً ـبّـ)بّـقَلَمِيّ
 
شنو بيكون جواب سمر لسارة؟
انها تكون الفرد تبعها
وهل سمر راح تتجاهل وسيم او لا بعد مااعترف ليها باعجابه؟
راح تحبه كمان
وشنو راح تهدي سمر لحنان في عيد ميلادها؟
اممممممممممممـ والله ما ادري البارتات روووووووووووعه
معلش على تأخر الردود بسبب الschool والله اكرهها يلا كملي


الساعة الآن 08:20 AM.

Powered by vBulletin Version 4.2.0
Copyright ©2000 - 2024, Jelsoft Enterprises Ltd .