البارت الثالث
طلعوا من الشقة وكل واحد يمشي بروحه وافكار تجيبه وتوديه
بعد نص ساعة وصلوا محطة الباص وكانوا ينطرون الباص
كل واحد فيهم واقف بعيد عن الثاني
ونواف كل عادة السماعات في اذنه
بعد عشر دقايق جاء الباص وركب نواف وبعدها نوف وعطو فلوس
كان الباص في ناس كثير
نواف قعد على الكرسي بس نوف ماقعدت جمبه
تمسكت بالكرسي بس
نوف في قلبها:حتى ماقال لي قعدي هالمغرور
دخلت بنت الباص وتحاول توصل لنهاية الباص بس مو قادرة بسبب كثرة الناس في الباص
وصلت لعند نوف ودفعتها على نواف وطاحت عليه بس نواف بسرعة مسكها من كتفها
نواف طالع في وجها بس مو قادر يشيل عينه من عليها ونفس الشي نوف ضلوا على هالحالة لدقيقتين
نواف حس على نفس وبسرعة قوم نوف من عليه
نوف صار خدها احمر من الاحراج ومو قادرة تنسا هذا الموقف
نواف ظل يناظر الدريشة وله كأنه صاير شي
بعد نص ساعة نزلوا الاثنين
نواف يمشي وراه نوف
وصلوا الجامعة ودخل نواف ونوف مع بعض واعين الكل عليهم بس ماهتموا وبعدها تفرقوا عن بعض
نوف راحت لصديقاتها في الكفتريا الي جمب البوابة
نوف:هاي بنات
البنات:................
نوف:انا اكلم منو
البنات:هاي
البنات كانوا يناظرون نواف وربعه الي واقفين قدام المبنى
نوف جافتهم كلهم يطالعون وراها دارت بتجوف من بيطالعون
نوف في قلبها:من دخلنا وكل البنات يطالعون فيه بس لو يعرفونه على حقيقته ماكان حبوه
نوف بصراخ:بنات
خلود:شنو بطيتي اذنه
نوف:انتوا شفيكم انا من جيت انتو امو معاي
شهد:تصدقين نوف هذا الي كان معانا في الطائرة
سارة:حلفي كان معاكم
شهد:والله
نوف:انتوا هي تراه مغرور ومتكبر وشايف نفسه
البنات بصوت واحد:شدراج
نوف:لان ...........
توها بتقول اله تذكرت كلامه في الشقة
خلود:لان شنو
نوف:لان يبين من شكله
مها:تصدقون هذا ابن عايلة غنية ومشهورة في الكويت وابوه عنده شركات كثيرة وهو البنات خاقين عليه ويقولون انه مخطوب لبنت بس محد يدري من هذي البنت ...صراحة انا احبه موت واتابع كل اخباره اول بأول
نوف انصدمت لما قالت مها انه عنده خطيبة
نوف في قلبها:بس انا ماجفت دبلة في يده ..معقولة اشاعة
شهد:انتي من وين تعرفين عنه كل هالاشياء
مها:اتابع اخباره كل يوم وانجنيت لما سمعت اكثر انه بيدرس بنفس جامعتنا ..احبه موت وراح اعترف له بحبي قريبا
البنات بصدمة:شنو
مها:شفيكم
نوف:شفيج توج تقولين انه مخطوب لبنت
مها بتوتر:اي بس انا احبه وبسوي اي شي علشانه وانا ماتهمني خطيبته
خلود:انتي انجنيتي
مها:اي مجنونة بحبه
مها حملت كتبها وراحت عنهم
سارة:لا هذي صج مجنونة
شهد:تتوقعون تسويها وتعترف
خلود:اي مها تسوي اي شي علشانها
نوف:بنات انا عندي محاضرة الحين اجوفكم بعدين
البنات:باي
نوف طلعت من الكفتريا وتمشي بغرور ومو مهتمة لناس الي تطالعها
دخلت المبنى وبعدها راحت لقاعتها ودخلت وقعدت على الكرسي في اخر القاعة
كانت القاعة خالية مافي اله غيرها
طبعا محاضرتها تبدي بعد عشر دقايق بس اهي تحب تجي قبل
بعدها بدت تفكر بكلام مها
دخل نواف القاعة بدون ما يلتفت على نوف وقعد في اول المقاعد
نوف قلبها يدق اكثر من يوم جافته والهدوء في القاعة ومافي غيرهم فيها
وبدأ الطلاب يجون القاعة
وبدأ وقت المحاضرة
^
بعد مانتهت المحاظرات الي عليها قعدت في الكفتريا
وبدأ المطر يتساقط
نوف:افف ماحملت مظلتي ..شلون اروح الشقة
دقت على البنات بس أجهزتهم مسكرة لان عندهم محاضرات
جافت من بعيد نواف بيطلع من الجامعة ومعاه مظلة بسرعة ركضت له وراحت جمبه عند المظلة
نواف وقف وطالها بغضب
نواف:خير
نوف:ماحملت مظلتي بروح
نواف:شسويلج
نوف:بروح معاك لمحطة الباص مع المظلة
نواف دفعها بعيد عنه وراح
تبللت تحت المطر بسبب نواف
لحقت وراه ودخلت تحت المظلة
نواف بعصبية:انا قلت لج روحي عني
نوف:انا مطرة اوقف جمبك يالمغرور
نواف ضحك بسخرية وقال:ماجفتي نفسج يالمغرورة
نوف:هي انت شايف روحك على شنو
نواف:لا تقطين روحج علي ادري انج معجبة فيني لان البنات مايقدرون يقاومون جمالي وفلوسي
نوف وقفت مصدومة من كلامه واهانته لها
نواف راح عنها وهي واقفة تحت المطر يتكرر في اذنها الكلام الي قاله لها
طلع شاب من الجامعة وجاف نوف شلون تبللت من المطر وقافة وتبكي
راح لها وحط المظلة فوقها
محمد:انتي بخير
نوف مسحت دموعها قبل لا يجوفها
نوف:نعم
محمد:انا جفتج تحت المطر بدون مظلة
نوف قاطعته:اي شكرا مو محتاجة بمشي تحت المطر
محمد:تبين بوصلج البيت
نوف:لا شكرا
نوف راحت وهي منقهرة
محمد انعجب في نوف من جمالها وغرورها وكل شي فيها ومن اول مادخلت الجامعة عجبته
نوف وصلت لمحطة الباص وكان جمبها نواف بس مالتفت عليها كلش
وصل الباص وركبوا الاثنين وقعد كل واحد في صوب
نوف ظلت تناظر الدريشة وحابسه دموعها بسبب اول مرة واحد يهينها وماوقفته عن حده وماتدري شنو السبب
وقف وراحت عند باب الباص
نوف:I want to get off here
(الترجمة:اريد النزول هنا)
فتحت السائق الباص ونزلت نوف
استغرب نواف وين تبي تروح وتحت المطر
بسرعة نزل من الباص ولحقها
نواف:وين رايحة
نوف:مايخصك وبعدين ليش نزلت روح
مد لها المظلة
نواف:خذي المظلة
نوف:مشكور مابي منك شي
وراحت نوف عنه
نواف لحقها وفتح المظلة ومشى معاها
نوف:انا قلت لك روح
نواف بغرور:احمدي ربج بعد انج تمشين معاي انا أبن ال ................. يعني ابن عايلة غنية مشهورة ..واعطيج مظلتي بعد
نوف بغرور:انا بعد بنت عايلة غنية ومشهورة ..وانا ماخصبتك تجي تساعدني
نواف:جوفي كل البنات يطالعوني ويضنون انج حبيبتي
نوف حست بنبضات قلبها تتسارع اكثر من يوم سمعت كلمة حبيبتي
نواف:شفيج لا تضنين انج حبيبتي اوكي لاني ابدا ماراح اواعد محدة مثلج
نوف:يعني انا الي بواعد واحد مثلك
نواف قلبه يدق اكثر مايدري ليش وله شنو السبب
نوف وهي تمشي مع نواف جافت اعلان عن طلب وظيفة مؤقتة
بسرعة راحت دخلت المحل
نواف:وين رايحة
نوف ماردت عليه
راح تفكير نواف في نوف بعيد ويتذكر كل لحظة معاها
قطع عليه تفكيره فهد
فهد:هلا نواف
نواف:اهلين فهيد
فهد:شعندك اهني
نواف:يوعان وابي اتغذى قلت ادور لي مطعم
فهد:وله يهمك تعالي وياي اوديك احسن المطاعم
نواف:اوكي بس انطرني دقيقة اهني
فهد:ماشي
دخل المحل الي موجودة فيه نوف
لقه بنت تشتغل في المطعم راح لها
نواف:I want you to</SPAN> give this girl and tell her parachute from Egoist</SPAN>
(الترجمة:اريدك ان تعطي هذه المظلة لتلك الفتاة(وأشر على نوف)وقولي لها من المغرور)
البنت:اوكي
طلع نواف من المحل وراح بسرعة تحت مظلة فهد
فهد:وين مظلتك
نواف:عطيتها بنت
فهد:منو(وغمز له)
نواف:لا يروح فكرك بعيد لبنت جفتها بدون مظلة وعطيتها اياه
فهد:لا كلش ماراح اصدق
نواف:يرحم امك امش بطني عورني من الجوع
فهد:لا تسلك يا نويف عارفك
نواف:امش بس
وراحوا الاثنين
^
^
كانت نوف قاعدة بروحها وتاكل جت لها البنت
البنت: This umbrella</SPAN> of people told me that I tell you she is arrogant</SPAN>
(الترجمة:هذه المظلة من شخص واخبرني بان اقول لك انها من المغرور)
عطت البنت نوف المظلة وراحت
نوف التفتت في المحل بس مالقت نواف ابتسمت
بعد ماخلصت اجرت مقابلة مع مشرف المحل واخبروها بأن قبلوها في الوظيفة والدوام طوال الاسبوع وراح يكون بعد الجامعة
^
بعرفكم على الشخصيات الجدد
فهد:عمره 19 وهو صديق نواف المفضل ودوم مع بعض.شكله:جسمه رياضي وشعره اسود ودايما سبايكي وعيونه مثل لون شعره وشفايفه حادة..طيب وحنون ودايما يوقف مع الحق وابو نواف صديق لابو فهد.
مها:عمرها 19 شكلها:شعرها يوصل لكتفها ولونه اسود وعيونها بعد وشفايفها بلون التوتي..وتغار من نوف وتكرهها كره بس نواف عادي معاها ..تسوي اي شي براسها وتموت بشي اسمه فلوس طبعا اهي عايلتها في الدرجة المتوسطة
خلود:عمرها 19 شكلها:شعرها لنص ظهرها ولونه بني غامق وعيونها بعد مثل لون شعرها وشفايفها فراولية .طيبة وحنونة وتحب البنات وتحب كل الناس وهي مخطوبة لولد عمها ويدرسون بنفس الجامعة.
سارة:عمرها 19 شكلها:شعرها قصير يوصل الى نص رقبتها ولنه اسود وعينها واسعة ولونها بنية وشفايفها بلون التوتي..طيبة مرا وتموت على الشباب الحلوين وتتمنى تجوف فارس احلامها.
***********************************************
توقعاتكم للبارت الجاي؟
وين الردود بنات ؟؟