نواف في المكتبة ويقرأ كتابه المعتاد الي قراه دايما
فجأة انطفت الكهرباء في كل انحاء الجامعة والطلاب صاروا يسببون الضجيج والخوف يعم على كل الطلاب والاساتذة تحاول تهدي الطلاب وتجمع الطلاب جميعا في المبنى خوفا عليهم
نواف تذكر بسرعة نوف لانها تخاف من الظلام بسرعة راح يركض يدورها في الجامعة
^
نوف خايفة وصوت الرعد يخوفها اكثر وبدت دموعها تنزل من الخوف
تحاول تدق على شهد بس تلفونها مغلق
^
نواف دخل داخل المبنى يركض وهو يدافع الطلاب علشان يلاقي نوف
واخيرا لقاها قاعدة وخايفة وتبكي من الخوف
نواف:نوف
نوف بسرعة ناظرته
نواف سحب نوف لحضنه وحضنها بقوة ويتمنى مايتركها ابدا
نوف مندهشة ومصدومة واقفة كالجماد
الكل يناظر فيهم ويبتسمون عالمنظرهم الجميل
بس نوف بسرعة دفت نواف عنها وبعدت عنه
انصدم نواف من ردة فعلها
نوف:شلون تتجرأ تقرب مني
الطلاب استغربوا من تصرف نوف
وعلى الاغلب بس العربيين الي يعرفون شنو صاير بين نوف ونواف اما الجانب مو فاهمين شي من كلام هالثنين
نواف:نو.......
قاطعته نوف:لا تحاول تبرر موقفك ..لاني فاهمتك زين ..دايما انت جدي حتى كلمة اسف ماتعرف تقولها ..جرحك لي ماراح انساه دايما كنت تذلني لاني حبيتك بس الحين لا انا اكرهك اكرهك
كلامت نوف اثرت في نواف ووقف مصدوم من كلامها وصارت تتردد كلمة اكرهك في اذنه عدة مرات
راحت نوف عنه ودموعها تنزل بتطلع من المبنى في هالمطر بجون مظلة لان مظلتها عند شهد كانت جاية معاها بس بمظلة اهي وياها فيها
التفت نواف عليها بتطلع من المبنى بدون مظلة بسرعة لحقها
نوف حست انه لحقها وصارت تمشي بسرعة علشان لا يوصل ها
نواف:نوف وقفي ..نوف قلت لج وقفي
نواف صار يركض بسرعة ووصل نوف ومسكها من يدها
طالع عينها الذابلة من دموعها الي تنزل
نواف:انا اسف
نوف ضحكت بسخرية وقالت:بعد مافات الفوت تجي تقولها لي
نواف:للحين مافات الفوت
نوف بغضب:انت دايما جدي دايما الصح وانا الخطأ
نواف بغضب:نوف انا اعتذرت منج واسف اذا جرحتج
نوف بغضب:ممكن افهم ليش تعتذر لي مع انك دايما تجرح الناس وماتعتذر لهم
نواف بغضب من نوف:لاني احبج
نوف وقفت مصدومة وكأن احد كب عليها ماي بارد
نوف بصدمة:تحبني
نواف:اي احبج ..كنت دايما اغار لما اجوفج مع محمد او مع احد غيره ودايما اخاف عليج من اي شي ودايما افكر فيج وعرفت اني احبج واسف على كل الي سببته لج من وجع صدقني
نوف صارت تضربه على صدره وهي تبكي وتقول:
ليش تأخيني جدي ليش ليش حبيتك ليش
ابتسم نواف على لومها وكأنها طفلة بريئة
مسك يدها ثنيتنهم وقال:اتمنى تسامحيني نوف وصدقيني انتي مو مطرة تحبين واحد مثلي
نوف حضنته بقوة:ماقدر ابعد عنك مرة ثانية لاني احبك
حضنها نواف وقال:وانا بعد احبج ولا تبعدين عني مرة ثانية
الطلاب صاروا يصفقون لهم وفرحانين على منظر هالاثنين
فهد:تصدقين انهم لايقين على بعض واخيرا رجعوا لبعضهم
شهد:اي الحمدالله وانا اتمنى لهم السعادة في حياتهم
^
بعد 6 اشهر
رجعوا نواف ونوف الى الكويت ونواف خطب نوف وتزوجوا
وسافروا مع بعضهم امريكا ليكملون دراستهم وابو نواف اشترى لهم فيلا في امريكا وعايشين بسعادة كبيرة .
شهد وفهد
انخطبوا لبعضهم وبعد شهر بيكون عرسهم ويحبون بعض موت وفرحانين بعلاقتهم .
مها
رجعت الكويت بعد ماعرفت بزواج نوف ونواف وكملت دراستها في الكويت وتحاول تتقرب من الشباب الاغنياء علشان فلوسهم
صقر
انحبس في السجن مؤبد بعد مانكشف انه عنده ملف اجرامي غير المخدرات ويتمنى يطلع من السجن
محمد
تزوج من الي خطبتها له امه وعايش حياته بسعادة وفرح وعنده بنوتة كيوت عمرها سنتين واهم ماعنده سعادة عايلته
^
نواف صحى من نومه وغير ملابسه ونزل وهو يشم ريحة الفطور الطيبة
نواف:صباح الخير حبيبتي
نوف:صباح الخير حبيبي
نواف:اليوم الفطور يشهي الصراحة تسلم يدج
نوف:هههه شكرا
نواف:نوف
نوف:هلا
نواف:لا ولشي
ابتسمت على هباله
نواف:نوف
نوف:هلا
نواف:احبج
نوف:وانا بعد احبك
نواف:وانتي بعد شنو
نوف:نواف
نواف:ما سمعت يلا عاد
نوف:احبك
نواف:بعد قوليها
نوف:احبك
نواف:وانا اموت فيج
^
النهـــــــــــــــــاية
اتمنى ان روايتي عجبتكم وهاهي الان تنتهي روايتي حبيتك رغم غرورك واتمنى انها تكون اعجبت الجميع وانتظروني في رواية جديدة باذن الله
واتمنى اني اجوف رايكم برواية
****