ودك تنامين؟؟؟ نامي......

[« همسة عتاب »]

(( بيت ابو سعود ))

( الساعة 7 )

كانت لينا تكلم صديقتها نور على التليفون ...

لينا متحمسة ومستانسة : قولي والله ........؟!؟!!؟
نور : والله العظيم ....
لينا : مين قال لكم
نور : المراقبة اليوم آخر الدوام يوم رحتي قالت لنا ...
لينا : عطتكم خطابات .......؟؟
نور : لأ .. بس تعطينا خبر يعني
لينا : حمستيني .. اقول .. انا الحين بسكر .. يللا باي
نور : باي

سكرت لينا متحمسة وطلعت تقول لدلع الخبر الحلو .. راحت غرفة دلع بس ما حصلت .. وبالتالي نزلت تحت ...

لينا تمشي ف الدور اللي تحت : دلع ... يا دلووووعة.. بقولك شي وينك .....؟؟؟

دخلت ام سعود اللي كانت ف الحوش معصبة : نعم .. خير .. وش هالصراخ ...؟؟
مدت لينا بوزها : يما الحين انتي نقص سمعك ..؟؟ انا انادي دلع ما ناديتك ....!!!
ام سعود فتح عيونها الثنتين : انتي شتقولين ..؟؟ انا امك يا قليلة الادب .. يللي ما تربيتي .... انا اوريك .. طيب يا لينا والله لا تندمين على الكلمة اللي قلتيها ..
لينا : اففففف .. خلصتي..؟؟

تركت ام سعود ومشت للباب .. ويوم طلعت خطوة انصدمت .. ما قدرت تتكلم ...

لينا باستغراب : دلع .... ليش قاعدة تمسحين الشبابيك ..؟؟ كل هذا زهق ؟؟

دلع سكتت ونزل راسها ...

ام سعود جات : انتي وش تبين منها ...؟؟؟ ها .. خليها تخلص شغلها ..
لينا ماهي فاهمة : ليش..؟؟ خلي الخدامات بنظفون الشبابيك .. ليش دلع ..؟
ام سعود بصرامة : ادخلي داخل وبلا لقافة يا لينا احنلك ..
لينا بعناد : ماني داخلة .. فهموني وش السالفة .. والا والله لا اعلم ابوي ..

سكتوا ام سعود ودلع .. توهم يكتشوفن انه لينا تهدد ...

لينا : دلع .. شعندك تنظفين الشبابيك ..؟؟ امي غصبتك ..؟؟ اذا امي غصبتك ترى اعلم ابو يوهو بيقول لها انها اذا هي ما تبغى الخدامات بنظفونها .. خليها تنظفهم بنفسهـــ ........

ما كملت كلامها لانه جاها كف حار من ام سعود .. خلاها تطير مترين ..

ام سعود : قسم بالله يا بنت ابوك .. يا تحترمين نفسك .. يا تحملي اللي بيجيك . انا ماني شغالة عندك تهزءين فيني وتتظنزين علي .. فاهمة ...؟؟
لينا وهي تركض لغرفتها : ماني فاهمة .. وولا عمري بفهم ليش انخلقتي ...؟؟

راحل لينا وبقت ام سعود تحط حرتها ف دلع .....

شوي الا يطلع سعود ويشوف اللي يصير ...

سعود خايف : ا .. مسا الخير
ام سعود : وانت رايح على وين ..؟؟
سعود : ا.. ب ... بروح مواعد ربعي ....
ام سعود : وكم يوم بتنام هناك ....؟؟؟؟
سعود : ماني نايم برجع ...
ام سعود : مافي طلعة اليوم اقعد ..
سعود خاف زيادة : يما مواعد الشباب شلون يعني ..؟؟؟
ام سعود زهقت : خلاص انقلع الله لا يردك ...
سعود " استغفر الله .. من زين الاخلاق بس !! " : مع السلامة ..

وراح ركب سيارته ومشى ..

اما دلع حزت بقلبها اللامبالاة حقت سعود .. اللي يتصرف وكانه ماله ذنب ف السالفة ومرتاح ع الآخر بينما هي تعاني وتعاني ....

___________________________________

[مجنونة الفلة]

حمستينا وقفلتي وانا اللي قاعدة استنى النهاية على كل حال يسلمو

[« همسة عتاب »]

لا تزعلي مجنونة الفلة الحين أكملها

[« همسة عتاب »]

(( بعد ساعة .. طريق الكويت / السعودية ))


اخذ عوض تليفونه واتصل على احمد اللي كان يسوق وراه .....

احمد : الو
عوض : هلا .. اخبار الطريق ..؟
احمد : والله تمام .. بس انتبه عوض .. تراك زايد ف السرعة شوي
عوض : تعبت ياخي .. الطريق مطبات والجو معفن .. ابغى اوصل بسرعة
احمد : ما قلنا شي .. بس هدي شوي ..
عوض : ابشر .. شوف قدامنا محطة .. انا بوقف وانزل اصلي العشا
احمد : خلاص بنزل معاك .. وبالمرة اشتري لي شي اشربه يصحصحني شوي .. لانه النوم جاني ..
عوض : اوكي ..

ويوم وصلوا للمحطة .. وقفوا الاثنين سياراتهم ونزلوا .. صلوا واشتروا اللي بيغوه .. وبعدين كملوا طريقهم ... اللي ما بقى عليه شي غير حوالي 75 كيلو ويوصلون الحدود السعودية ...

___________________________________

(( ورشة ابو بندر ))

( نفس الوقت )


كان رائد مندمج بالشغل .. وقاعد يقطع قطعة خشب طويلة توهم جايبينها من المصنع.. يوم دخلت عائلة .. ابو وام وبنت كبيرة وولد ف المتوسط ..

اول ما شافها رائد .. تذكر دانة وابتسم " جايك يا دانة ... اصبري شوي بس "
ناصر : اقول رائد .. روح شوف هالعائلة وش يبغون ...
رائد : اقول ناصر .. روح انت ( غمزله ) ترى عندهم بنت وشكلها حلوة ..
ناصر ضرب رائد على كتفه : خخخخ الله يقطع ابليسك .. اقول امشي بس .. روووح

ضحك رائد وقام نفض عن كتوفه الغبار .. وعن يده .. وراح للعايلة وهو لابس بنطلون جينز .. مع بلوزة بيضا بدون اكمام .. وكان شعره مبعثر من الشغل ..

رائد ابتسم : يا مرحبا .. نورتوا ..
الابو : تسلم والله ..
رائد : شلون اقدر اخدمكم ... ؟؟
الابو : نبغى نسوي دواليب ..
رائد : طيب .. تفضلوا معاي من هنا ..

دخل معاهم مكتب .. وجاب لهم مجلات وتصاميم لدواليب .. وعطاهم اياها .. وقعد يشرحلهم ويرد على كل اسئلتهم ...

الام : طيب عندكم من هالنماذج دواليب جاهزة عشان نشوفها .. لانه كذا ما نعرف كبيرة ولا صغيرة ..
رائد : أي عندنا .. تفضلوا معاي ..
قامت العائلة .. وراحت تشوف الدواليب ... وطول هالوقت ما شالت البنت عيونها عن رائد .. وهو لاحظ نظراتها عشان كذا ..

رائد : عن اذنكم بروح اكمل شغلي ... وبرسل لكم زميلي يكمل معاكم ..
الابو : روح مشكور ما تقصر ..

وهو رايح انتبه لتعصيبة البنت وانقهارها من حركته ... ابتسم لها بغرور ومشى ...

___________________________________

[« همسة عتاب »]

(( بيت ابو عوض ))

( بعد ربع ساعة )

كانت اروى تناقز يمين يسار .. تنتظر رجعة اخوها ...

ام اروى : اروى ىقعدي حولتي عيوني ...!!!!
اروى : يما حرام عليك . تاخر مرة
ام اروى : طيب يبغاله حوالي ساعة لسة عشان يوصل
اروى : قال لي شوي وبيدخل السعودية
ام اروى : طيب يبغاله وقت بعد لين ما يوصل الدمام .. وش فيك انهبلتي..؟؟؟
برطمت اروى : افففف .. يعني اشتقت لاخوي وش فيكم انتو ما تفهمون...؟!؟!؟!؟
ام اروى : يا سلاااام ... يالكذابة مشتاق للهدايا والصور .. مو لاخوك كل هالانتظار ..
اروى : والله حرام عليك . انا احب اخوي .. ( فكرت شوي ) بس طبعا احب الهدايا اكثر!!! خخخخ

قامت ام اروى ودخلت غرفتها .. اما اروى فمن كثر لقافتها اخذت التليفون ودقت على اخوها اللي كان بالطريق .....

عوض : الو ...
اروى : هلا بحبيبييييييي ... شخبارك....؟؟؟؟
عوض : ههههه هلا اروى .. بخير وانتي ..؟؟
اروى : تماااام ... وينك...؟؟ تاخرت ..
عوض : شسوي .. تاخرنا لانه وقفنا نتغدى ونصلي.. والحين باقيلنا انشالله نص ساعة وندخل السعودية ..
اروى : يعني ..؟؟
عوض : يعني انشالله .. ساعة .. ساعة ونص واكون واصل ..
اروى صرخت : ونااااااااااااسة .. انتبه ف الطريق ..
عوض : هههه لاتخافين .. جبتلك هدايا يا كثر .. اصبري انتي بس ..
اروى : حمااار والله مو عشان الهدايا .. يعني فيها شي اذا اشتقت لاخوي...؟!؟!؟!
عوض : تشتاق لك العافية .. ويللا سكري عشان اركز ف الطريق واوصل سالم وبسرعة..
اروى : اوووكي ... انتبه على الطريق ..
عوض : انشالله .. سلمي على الوالدة وابوي ...
اروى : يوصل ... باااااااي ...
عوض : اقول ..
اروى قبل ما تسكر : ها...؟؟
عوض : ..... ههه ولا شي .. نسي وش بقول ..
اروى : متاكد ..؟؟ اسكر يعني ..؟؟
عوض : ا .. اروى انا احبكم ..
اروى صدقت عمرها : حت احنا يا قلبي
عوض : ههههه ****ة .. ما صدقت يللا مع السلامة ...
اروى : مع السلامة ..

سكر عوض عن اروى وابتسم " يا حبني لهالعائلة .. الله يحفظهم يا رب "


___________________________________

(( بيت ابو فيصل ))

( الساعة 8 )


كانت نسايم ف الغرفة تطلع الثوب لابو فيصل عشان بيطلع الشغل ..

مسك ابو فيصل الثوب : الحين انتي غسلتيه ..؟؟
نياسم : أي ..
ابو فيصل : تعالي شوفي .. هذا مغسول ..؟؟؟
نسايم : والله نظيف
ابو فيصل : نظيف زي وجهك .. قال نظيف قال

رمى عليها الثوب وقال بحدة وعصبية : لما ارجع ابغى اشوفه يلمع زي الثلج ... فاهمة..؟؟
نسايم : يا علي والله العظيم انه نظيف ....
ابو فيصل : ولا كلمة ... تغسلينه من جديد تفهمين ..؟؟
نسايم سكتت : انشالله ...

طلع من الغرفة .. وبعد كم دقيقة سمعت صوت صقعة الباب اللي برى فعرفت انه طلع..

نزلت تحت .. وحصلت كل شي متغير .. التليفون مو موجود .. والتلفزيون مطفي والريموتات مو موجودة .. والكهربا حقت التلفزيون مقطوعة .. وباب غرفة الضيوف مقفول..

هزت راسها باسف : سويتها من جديد يا علي... الله يهديك يا رب..
قربت منها بنتها شوق : ماما ... ماما
نسايم : هلا ماما ... شفيك ...؟
شوق : ليش بابا شال التليفون ..؟؟
نسايم : لانه خربان يا حبيبتي ...وبيوديه يصلحه ..
شوق : اهااااا ...

وراحت شوق تلعب بالعابها من جديد ... اما نسايم فقعدت تندب حظها على الهزوج اللي كل قسوة الكون فيه .. واللي ما عمره عرف الرحمة ...

___________________________________