البارت الثامن عشر
في الصبــــــــــــــاح
قعد نواف من نومه ودخل الحمام اخذ له شور ولبس ملابسه وكشخ كالمعتاد
وفتح الباب وهو عينه على باب غرفة نوف وقف لدقيقة يتمنى انها تطلع مثل لما يكون في الشقة
رن تلفون نواف
نواف:الو
فهد:وينك انت انا صار لي ساعة انطرك تحت
نواف:جاي
سكر تلفونه ونزل لتحت
طلع من الفندق وركب السيارة مع فهد وراحوا على الجامعة
^
نوف طلعت من غرفتها وناضرت غرفة نواف لكن بسرعة شالت عينها وراحت لغرفة شهد
طقت الباب وفتحت لها
نوف:يلا ساعة تجهزين
شهد:فيني نومة وقعدت متأخر
نوف:لو ماقعدتج جان راحت عليج نومة ..ابي اعرف بس شلون تقعدين كل يوم
شهد:اقعد من وقت بس امس سهرت من جدي قعدت متأخر
نوف:وليش سهرانة
شهد:ماجاني نوم
نوف:يلا نروح
شهد:اوك
^
وصلوا الجامعة وراح فهد ونواف قعدوا في الكفتريا
فهد:جبت المشروع الثاني للدكتور
نواف:تصدق نسيت
فهد:احلف
نواف:والله
فهد:الله يعينك اليوم بيخليك تنظف المخزن بسبب تأخرك
نواف:وانت ليش ماتذكرني
فهد:عبالي سويته مو انت دافور يااخي
نواف:بس هالمادة مو دافور لان صعب
فهد:الحمدالله ان سبوع الجاي امتحانات
نواف:وليش مستانس
فهد:علشان انخلص وارجع الكويت
نواف:اي تصدق حتى مادقيت على اهلي من فترة
فهد:ماعلي عاذرينك الدارسة شاغلة بالك
نواف:الحين شنو اسوي مع هذا الدكتور
فهد:مابي امل تحصل عذر
^
شهد:سمعتي الاشاعة الجديدة الي انتشرت
نوف:شنو
شهد:يقولون مها قاطة روحها على نواف ورفض حبها بعد الي صار في الكفتريا
نوف:مو شي جديد
شهد:المحاضرة بتبدي بعد 5 دقايق ..ماودي احضر هالمحاضرة لان الدكتور وايد عصبي
نوف:امبيه تذكرت شغله
شهد:شنو
نوف:المشروع ماسويته
شهد:راحت عليج عجل
نوف:انتي سويتيه
شهد:اي
نوف:شنو اسوي
شهد:ماعندج حل خلاص فات الفوت
نوف:اي
شهد:تعالي ندخل المبنى
^
بدت المحاضرة ودخلوا الطلاب
وبدأ الدكتور ينادي على الطلاب ويتسلم المشروع
وصل لاسم نوف ونواف
نوف:I did not do
الترجمة:انا لم افعله
نواف: me too
الترجمة:انا ايضا
الدكتور:Ye will undertake tow clean store
الترجمة:ستقومان انتما الاثنان بتنظيف المخزن
نوف:Can you give me anther important
الترجمة:يمكن ان تعطيني مهمة اخرى
الدكتور:Why? I have that you will tow lovers
الترجمة:لماذا؟لقد سمعت بانكم حبيبان
نوف:No Invaild
الترجمة:لا غير صحيح
طلعوا اثنينهم من القاعة رايحين ينظفون المخزن
وكل واحد يمشي في صوب
^
وصلوا المخزن وفتح ليهم الحارس الباب
دخلوا وكان في الكراسي والطاولات
حمل نواف طاولة وطلعها برا
وراحت معاه نوف تحمل مع انهم ثقال بس تتحمل علشان عقاب لها
لاحظ نواف انها واجد ثقيلة ونوف بالغصب تحملها
راحت نوف بتحمل الطاولة سحبها من يدها نواف وحطها برا
نواف:روحي انا بنظف
ماردت عليه وراحت اخذت كرسي وحملته بتطلعه برا
نواف بغضب اخذ الكرسي منها ورماه على الارض
نواف بغضب:انا قلت لج روحي بسويه بروحي
نوف:ماله داعي وهذا عقاب لي مو بس لك
نواف:بس انتي مو قادرة تحملين روحي وانا بسوي هذا لحالي
نوف:ماله داعي شغلي واعرفه
نواف:ليش دايما ماتسمعين الكلام
نوف:ليش راح اسمع كلامك .وبعدين هالاشاعات الي تنتشر كلها بسببك
نواف:بسببي
نوف:اي
نواف:اي صح بسببي
نواف بكل غضب راح يحمل الطاولات من كلام نوف
صار يحملهم بقوة لدرجة ان يده صارت حمرة
نوف جافت نواف ويده بس ماحبت تهتم لامره
راحت بتاخذ طاولة وجافت دم على الارض
التفتت على نواف وجافت يده تنزف بس ابدا مو مهتم
راحت لعنده وقالت
نوف:يدك تنزف
نواف ماهتم لها وراح حمل الكرسي
نوف راحت له واخذت الكرسي من عنده وحطته على الارض
نواف التفت بيدور بس حس بيد ماسكته
التفت على نوف وهي ماسكة يده
نوف:ليش دايما ماتهتم لجروحك
نواف:اذا اهتميتي لكلامي راح اهتم بجروحي
نوف ماردت عليه
نوف راحت وفتحت شنطتها واخذت مرهم وصارت تحط لنواف على يده
نواف يناظر وجها مو قادر يشيل عينه من عليها
نوف حطت عليه لصقة الجروح وخلصت من تنظيف الجرح وطالعت نواف الي ماشال عينه من عليها
صاروا الاثنين يطالعون بعض وكل واحد يتمنى الوقت يوقف اهني ومايشيلون عينهم من بعضهم
رن تلفون نوف
حست على روحها وراحت طلعت تلفونها من الشنطة
نوف:الو هلا يمة
نواف راح يكمل التنظيف
**********************************
انتهى البارت