موضوع نقلته لكم من إحدى المنتديات...
أعجبني وحبيت أنقله ليعيونكم..
واتمنى من اعماق قلبي إنكم تستفيدوا||~
ويلا مع بعض لى بركة الله
موضوعي راح يكون شامل للعناية بالشعر من واقع تجاربي طبعآ ..
الشعر أساس الجمال ,..
ومثل الوردة يحتاج نعتني فيه عشان يتفتح بالجمال
ويصير مشرق
وناعم
ومسدول
قبل كل شي
الشعر مثل البشرة
يمكن فيه أمور تناسبك لكنها ما تناسب غيرك والعكس صحيح ..
يعني أي وحدة تطبق تجاربي لا تزعل إذا ما فادها شي ..
لكني متأكدة راح يفيد الكل إن شاء الله ..
لأن إهتمامي أساسه سنة الرسول صلى الله عليه وسلم ..
أي شي وصى عليه الرسول أو كان يستخدمه أحسه مثل الكنز وبدون تردد أستخدمه وكلي يقين إنه راح يفيدني ..
وبالمواضيع الجاية راح تلاحظون أشياء كثيرة وصى عليها الرسول دخلتها فعنايتي وإهتمامي ..
نجي للإهتمام ..
أولآ وقبل كل شي :
الشعر بطبيعته يحتاج وقت لينمو ,,
ويتكثف ,,
ويتعدل ,,
ونعالج أي مشكلة فيه ..
إذا كان الشعر أطرافة متعبة لازم نقصه شوي من الأطراف عشان يستفيد من الخلطات والعناية ..
والشعر حاله حال البشرة يحتاج إستمرار يعني صبر
كل حواء جميلة ..
والإهتمام بحد ذاته أنوثة ..
يعني أستغرب إلي تقول ما فيني أهتم ..
بالعكس الإهتمام يحسسك إنك مثل الفراشة
وتحسي نفسك خفيفة وتلمعي من النظافة وتحسي براحة نفسية ورضا .
كلنا عندنا أشغال ودراسة وأمور ..
بس الإهتمام لازم يكون من أولوياتنا ولازم نخصصله وقت ..
وإذا كنتي حدك مشغولة ..
حددي يوم بالأسبوع بفترة معينة تكون هالفترة لك وبس
تدلعي فيها نفسك
وتهتمي بحالك
وتزيدي من جمالك
ونعومتك وأنوثتك
مثلا يوم الجمعة فترة الصباح أحسه مناسب للإهتمام
وبعدها الإستعداد لأداء الشعائر الدينية وإنتي بكامل نظافتك ..
وضروري تحددي المشكلة إللي تعاني فيها أكثر بشعرك
وركزي على علاجها مع الإهتمام بالأمور الحلوة إللي بشعرك عشان ما تفقديها ..
الشعر محتاج للتغذية
والماسكات كثيرة وبإمكانك تبدعي فيها بنفسك ..
نجي للحمام الزيتي إلي أسويه للشعر ..
حبيته
يعطي الشعر نعومة ويعالجه ..
وتستخدميه بالأسبوع مرة وحدة كــــافي ..
المكونات : على حسب كثافة وطول شعرك ..
مقادير متساوية لكل من :
هلام الصبار
والطريقة نفتح الصبار ونشيل منه المادة الهلامية ..
ونخلطها بالخلاط وإذا زادت الكمية ضروري تحفظيها مغلقة بالثلاجة ..
والأفضل ما تطول معك
حمام زيتي مثل فاتيكا أو باراشوت أو أي شي يناسبك ومرتاحة عليه ..
عسل
مايونيز
تخلطيهم
تبللي شعرك وتوزعيه وتغطيه ربع او نصف ساعة وبعدها اغسليه بالماي بس ..
هالطريقة حلوة .. والأحلى إنا ما نريد نعتمد على البضائع الموجودة بالسوق
نحاول بقدر الإمكان ندخل معها مواد طبيعية راح نستفيد أكثر
صدقوني ماشي أحلى من الطبيعة والأهم الإستمرار
إذا كان شعرك قصير وحابة تطوليه
فأسرع وسيلة جربتها بنفسي لمدة شهر وفعلآ ما شاء الله طال ((ولكن ما تكثف)) ويمكن غيري تكثفلها شعرها ..
هي
زيت النارجيل مع ثوم نحطه عللى النار وبعده نتركه يبرد ونصفيه
أنا كنت أستخدمه قبل لا أنام وبالصباح أغسله
الريحة متعبة صراحة بس النتيجة ما شاء الله رااائعة ..
أمـــــــــــــــا
إذا كان الشعر خفيف فزيت الخروع كفيل بتكثيف الشعر ولكن يحتاج أيضآ وقت وإستمرار ..
وبخصوص الخلطة إلي انتشرت بالمنتديات وهي عبارة عن ثوم وبصل نحطهم مع ماي على النار وبعدها نعجن السدر بالماي ونضيف زيت زيتون وخروع
أنا جربتها وارتحتلها صراحة من ناحية النعومة وحسيت شعري متغذي ..
لكن ما لاحظتها أبدآ إنها كثفت شعري..وطبعآ قلنا طبيعة الشعر تقبله تختلف من شخص لآخر ..
نجي للماسك الأسبوعي
مثل ما تغذي بشرتك بماسك ,,
شعرك بعد محتاج للتغذية
بإمكانك استخدام طريقة السدر السابقة
أو أي ماسك مغذي للشعر
عن نفسي أستخدم
عسل
وبيض
النتيجة حلوة تحسي شعرك يتنفس ومرتااح
وصدقوني إذا اهتميتوا واستمريتوا راح تستغنوا عن السيشوار ..
نجي لنقطة غسل الشعر ..
بنات بقدر الإمكان ونصيحة مني ..
ما تضيع شعورنا غير هالشامبوهات إلي تنشف الشعر وتشيل منه الدهون الطبيعية وتخليه جاف ومتطاير ..
دايمآ وبكل شي .. حاولوا تدخلوا أشياء طبيعية بالمنتجات إللي تستخدموها ..
بعطيكم طريقتين تعودت أسويهم واعتمدتهم
ومهما أحد يمدح لي شامبو ما أغيرهم ..
أساسآ الشامبوهات آخر إهتمامي ..
أحسها كلها صناعية بحتة ..
أحيانآ اغسل شعري بسدر لوحده وعادي تعودت يعني لا متعب ولا شي ,,
بالعكس حلو وخفيف على الشعر ..
أما بالنسبة للطريقة الأولى
أخلط نص علبة شامبو جونسون
وباقي العلبة أضيفلها عسل ..
وإذا كان شعرك جاف ضيفي معاه شوي من زيت الزيتون ..
أمــــــــــا الطريقة الثانية :
نخلط علبة شامبو جونسون مع سدر وأخففه بماي ورد ..
جربي الطريقتين وإن شاء الله يعجبوك
نقلته لكم مباشره من صاحبة الموضوع..
وهي عن تجربتها الشخصيه..
أتمنى لكم التوفيق..والإستفاده..~
وآخر دعوانا أن الحمدلله رب العالمين..
إنتظروني بالجزء (2)..