السلام عليكم ورحمة الله وبركاته،،
امابعد....
مقارنه بين اطفال الناس الهاي.... واطفال الناس ........
في الصباح حيث يبداء يوم اطفال الهاي عندما يستيقظ على صوت
الكناري اللي بغرفته بعدها يتوجه للحمام يتروش ويفرش اسنانه ويطلع
من الحمام تستقبله المربيه بالمنشفه وتصبح عليه يروح يغير ملابسه a
وياخذ شنطته وينزل لغرفة الطعام ويصبح على امه وابوه واحلى
بوسه ياخذها منهم ويفطر ذاك الفطور طبعا عباره عن كرون فلكس
ابو الديك ذاك وبيضه وحده بس!! وكاس عصير وشويت زبده مع العسل
على خبزه ما عمري شفتها
بعدين يقوم يغسل فمه ويودع الماما والبابا ويتوجه للسياره يلقى قدامه
السواق مبتسم ويفتح له الباب ويوديه لمدرسته الخاصه
( ام الدراهم)
واطفال ......................
يقوم الصبح بعد ما يطلع عين اهله ولازم افراد العائله تمر عليه
عشان تصحيه وكل واحد وطريقته
الاب : قم جعلك الهزل
الأم : قم جعلك الجدري
الأخ : والله اذا ما تقوم لافقع وجهك
<أخته: < تسوي نفسها بتدلعه
يالله قوم وأعطيك شنطة أخوك تروح فيها للمدرسه
مادرت انه يروح بسير لزاق <====
بعد ما يقوم يمر الحمام على السريع ويغسل وجه شطف هذا اذا راح
وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ
انهم ما حطوه؟؟
بعد ما يجي الفطور وهو كالعاده : فول+ شكشوكه + حليب ابو وادي فاطمه
يبدأ الورع بالأكل وشوي الا وهو حاذف أخوه بعلبة الهندسه؟؟؟
عشانه سحب صحن الفول من عنده
مسكين ما يطوله وشوي الا وهو <====
مسدد بقس عنيف يمشي 200 لأخوه الثاني
لأنه سرق قلمه الرصاص
حال اخوه بعد البقس <=====
أبوه يتكلم معه يا ورع أركد وافطر وعين خير انت وش بلاك وراك مدرسه
يرد الورع عليه: انت ما تشوف سعيدان سارق قلمي؟؟
<< سعيدان اكبر سروق بالبيت >> ابوه على طول يصدق ويصـــــــك
سعيدان كف
المهم بعد ما يخلص الفلم اليومي يروح الولد للسياره يلقى اخوه فاتح
الكبوت ويصب ماء للرديتر المشقوق تقفل
اخلاق الورع وينقز للشارع ويأشر لأقرب سياره ويروح للمدرسه
أكيد حكوميه <<====
أطفال الناس الهاااااي
بعد المدرسه يرجع اطفال الهاي ويلقى المربيه في استقباله تاخذ
الشنطه وتوديها لغرفته بصحبته يغير ملابسه ويغسل وجهه ورجليه
ويستريح له ساعه في أنتظار افراد العائله عشان يتغدى وبعد الغداء
الرايق طبعا ما اعرف وشو بس اللي اعرفه انهم ياكلونه بشوكه
وسكين
يروح لغرفة الجلوس ويشرب شاهي للتهضيم ويحلي بقطعة كيك وبعدين
يروح لغرفته ينام له ساعه قبل العصر.
و..............................
اما الورع منهم يجي من المدرسه وثوبه قالب لونه بني ===>> تقول جدار مدرسه
ولا دخل البيت حذف الشنطه ===>> اسف السير اللزاق
بالصاله وفصخ ثوبه
ووينك يالشارع << اخوياه يحترونه>> وهاتك ياللعب
كوره بذا القايله وعادي الشارع مولع من الحراره وهم عادي مررره
ولا كأنه فيه شيء واهله ما يدرون ؟؟
في هذه الأثناء يرسل ابوه كتيبه من اخوانه للبحث عنه ولا لقوه وجابوه
للبيت قام يصيح طقوني وسحبوني قدام الناس
واهو نصاب والله محد لمسه <<<<<<<
المهم يحطون الغداء معروف يا كبسة لحم ولا مشخول دجاج
غيره ما فيه
يتغدى الورع الكريم ويصـــــــــــك بعدها لتر للبن
بعدها يجلس ساعه فاتح فمه تحاول تسكر بفمه أنسى
يحتري من يوديه يغسل له يديه!!!!!!!!!؟؟؟؟؟؟؟
اطفال الهاي
لا جاء العصر جابوا دروسهم وشافوا وش عليهم من
واجبات وحلوها وحضروا دروس بكره بمساعدة الماما والبابا.
بعدها يروح لغرفة الألعاب ويجلس على البلاي ستيشن تو يلعبون
لمدة ساعتين تقريبا يعني اللى وقت ما بين المغرب والعشاء
بعدها تطلبه امه مع بقية أخوانه عشان يجتمعون ويشربون العصير
ويسولفون سواليف مررررررره حلوه << أسألوني >>!!!!!!؟؟؟؟؟
....
والاطفال ..........
يجي وقت العصر وهو نايم
مفعول اللبن >> يقوم قبل المغرب >>
وياخذ دروسه وواجباته وأقلامه ناسيها في درج الطاوله اللي بالمدرسه
ويروح عند أخته ويتحايل عليها بكل ما أوتي من قوه على شان تحل له
الواجبات واذا قالت لا يا ويلها يا سواد ليلها
بعد كذا أنواع الدجه مع ورعان الحاره ومن هم على شاكلته ما يخلون
هندي الا وسرقوا سيكله
ولا دكان << خلوه دكان >> الا ولعبوا بحسبته
ولا رجع البيت << على الساعه 11 تقريبا >> تلقى راسه مفلق من
جميع الاتجاهات والشرطه تدوره وجارهم مسوي أعلان عليه مطلوب
<< حـــــــــي أو مــــــــــيت >>
وخذلك عاد مساكين اهله
أطفال الناس الهاااااي
...
أطفال الهاي بعد ما يتعشى ويمسي على اهله يروح لغرفته ويجلس
على النت ساعه أو ساعتين الى موعد نومه الساعه 10 تقريبا
بعدها يغير ملابسه وتجي المربيه وتحكي له قصه اللين ينام تغطيه وتطفي النور
والاطفال ......................
لا رجع البيت<< الساعه 11>> ما يدخل مع الباب لا ينط من
فوق السور على شان ابوه ما يمسكه ..
وعلى طول يزبن لغرفته ويسكر الباب ويطفي النور ويطل من الدريشه
الشباك يعني >> على باب الشارع الرئيسي يشوف وش صار على >>
مسلسل المشاكل المكسيكي اللي جابها معه للبيت وكيف بيحلها ابوه
مع الناس ومع جارهم ومع الشرطه>> يــبي يقيم ابوه ابو الشباب >>
وفي أثناء ذلك يستغل الفرصه ويدز للمطبخ وياخذ منه جبن جبنة البقره الضاحكه
وخبز ويرجع لووووووووووكره ===>> اسف غرفته
ويقفل باب الصندقه
<<اكرر أعتذاري الغرفه>>
ويتعشى من ذا الجبن والخبز
اللين يدوخ <<على الساعه 3>> لا وأزيدكم من الشعر بيت ما ينام
الا وهو متلطم!!!؟؟؟ على باله مراقب
ومشكوره ابي ردكم لاتخجلوني.......................
27-08-2005, 12:56 AM
مقارنه بين اطفال بس حلوه
رد : مقارنه بين اطفال بس حلوه
رد : مقارنه بين اطفال بس حلوه
المواضيع المتشابهه
منتديات بنات
انا بحاجه لردك
