( الــجــزء الــســادس )
وفي بيت الجده كل عائله راحت بيتها ..
وفي بيت العمه العنووود .. كانت سندس جالسه في غرفتها وطفشانه تبغى تجلس عالنت بس سلطان اخذه من غرفتها .. قامت سندس تدور على شاحن الجوال وشافت الرقم اللي اعطتها امل في الحفله وطبعاً " الشيطان شاطر " يوسوس لها عادي دقي واسمعي صوته بستانسين مره كلميه واتعرفي عليه عاادي مابيصير شي .. وجلست سندس تفكر وآخر شي اخذت الرقم وقررت تتصل عليه .. دقت لمى شافت " جاري الإتصال" على شاشة الجوال خافت وقفلت على طول .. ورجعت مره ثانيه واتصلت ولمى رد عليها خافت وارتبكت ماعرفت ايش تقول ؟؟
سندس بخوف وبتردد: الوو
..: هلااااا
سندس وبنفس الصوت: السلام عليكم
...: مرحبااا وعليكم السلام
سندس خايفه ومو عارفه ايش تقول: هذا جوال فرح؟؟
....: اصير فرح علشان خاطر عيوون القمر.
سندس بدلع: يلاا عاد هذا جوال فرح ولا لا ..
.....: اشفيك مستعجله ؟؟ خلينا ندردش شوي اذا القمر ماعنده مانع ..
سندس سكتت وماردت وهي تقول في خاطرها صوته يجنن .. وطبعاً الشيطان ماقصر .
......: يقولون السكوت علامة الرضاء , شخبارك؟
سندس: بخير الحمدلله , اخبارك انت؟
......: اكيد بخير دامني سامع هالصوت
سندس: مين معاايه؟؟
...: معاك بدوووري ويدلعوني بـدر .. والحلوه ايش اسمها؟
سندس: عاشت الأسامي يا بدر ..
بدر: عاشت ايامك , وانتي ايش اسمك؟
طبعاً سندس اول مره تكلم وماعندها أي خبره علشان كذا المسكينه غلطت وقالتله اسمها الحقيقي .
سندس: انا سندس.
بدر: ياهلااا سندوسه عاشت الأسامي يا قمر.. طبعاً هذا الأسم المستعار صح؟
سندس: عاشت ايامك يالغلا , لا وربي هذا اسمي الحقيقي .
بدر: يااااااي من قدي القمر يقولي يالغلاا .
سندس بدلع وغنج: هاهاهاهاهاهاهاهاهاهاهها
بدر: فديت الضحكه واهلها .
سندس وهي مستحيه: تسلم والله
بدر: الله يسلمك يا قلبي
وفي هالحظه سندس سمعت صوت امها تناديها ..
سندس وهي خايفه: اوكي بدر انا اكلمك بعدين امي تناديني .
بدر: اوكي حياتي بس لاتطولين على انتظرك
سندس: خلاص اوكي باي .
بدر: باي يا عمري
طبعاً سندس اول ماقفلت من بدر كانت فرحانه وتحس بشعور غريب اول مره احد يقلها كلاام حلوو زي كذا ويحس فيها .. وسجلت اسمه بالجوال البندري .. وراحت تكلم امها وهي مبتسمه ..
امى بدر اول ماقفل منها على طول جلس يضحك عليها وسجل اسمها بالجوال " الغبيه "
هذا بدر يطلع ولد خالة امل اللي اعطتها الرقم هوو طلب منها رقم بنت وهي مالقت غير سندس قدامها " الله يعينها المسكينه " ..
عند سندس راحت لأمها في الصاله ..
سندس: هلااا يمه ناديتيني .؟؟
ام سلطان : ايه ناديتك ايش كنتي تسوين ماتسمعين؟؟
سندس باست راس امها: معليش والله بس كنت اذاكر وماسمعت .. آمري
ام سلطان: ايوه تعالي اجلسي ابغاك بموضوع ..
سندس حست ان الموضوع مهم: آمري يمه
ام سلطان بجديه: مايامر عليك عدوو .. انتي يا بنيتي كبرتي خلااص وهذي السنه بتتخرجين من الثانوي وماشاءلله عليك حلووه ومؤدبه وكل واحد يتمناك .
سندس وكأنها فهمت ايش تقصد امها: يمه شسالفه؟؟
ام سلطان: في واحد جاء وخطبك من ابوك .. وابوك يمدح الرجال يقول انه محترم والنعم فيه والكل يمدح فيه.. هاااه ايش قلتي ؟؟
سندس: لا يمه انا بصراحه صغيره عالزواج وماابغى اتزوج الحين .. ابغى اكمل درااستي .
ام سلطان: لا يا بنتي انتي كبرتي ومو صغيره وشوفي حليمه بنت خالك عبدالرحمن متزوجه وتكمل دراستها ماصار شي ..
سندس: يمه بس انا ماافكر في الزواج الحين ..
ام سلطان: طيب والله حرام نرفض الرجال .
سندس: ماادري بفكر وبكره بردلك خبر .
ام سلطان: خلاص انشاءلله , وصدقيني اللي تبغينه بيصير وماراح نغصبك على شي انتي ماتبغينه ..
سندس ارتاحت من كلام امها وراحت باست راسها: تسلميلي يمه , ويلااا انا بطلع فوق تامرين على شي .
ام سلطان: لاسلامتك .
.................................................. .
في بيت عبدالعزيز " ابو تركي"
كانت مروى منسدحه عالسرير ومو جايها نوم وطفشانه مره , قالت خليني اتصل على مهاوي وازعجها , مها كانت جالسه عالسرير ومشغله اغنية عبدالمجيد عبدالله " قول آمين عساك تحبني وتموت فيني " وكانت تفكر بحبيب القلب .. وشويه قطع عليها افكارها صوت الجوال ..
" لك حب يا عيني من كثره قلبي مو قادر على حمله احتاج لحبك عشر قلوب ويمكن تكفي ويمكن لا "
طفت المسجل وردت عالجوال
مها بصوت مبحوح: هلا
مروى: هلابك
مها بنفس الصوت: هلا مروى
مروى: شخبارك؟
مها: تمام
مروى: اشفيه صوتك تعبانه؟؟
مها: احم .. احم لا عادي
مروى: اهااا ماجاني نوم وقلت ازعجك اذا كنتي نايمه..
مها: انتي دايماَ مزعجه .
مروى: بعض مما عندكم
مها: اقول يلا انقلعي ولا يكثر بس ابي انام
مروى: طرده يعني
مها: اقول افهميها زي ماتبغين .. باي
مروى: هيين يا مهاوي شغلك عندي بكره بالمدرسه يا دبه باي
وقفلت مروى وهي معصبه من مها
امى مها كانت تضحك على مروى وعلى طول انقلبت للجهه الثانيه ونامت .
.................................................. .............
في بيت عبدالرحمن , " ابو خالد" كان خالد جالس بغرفته ويفكر بمرام وما كان يتوقع انها حلوه لهذي الدرجه وكان يتذكر شكلها اول ماشافها كيف كانت خايفه ومستحيه ومتفشله .. وكيف نزلت القهوه وراحت تجري داخل , كان يحس بشعور تجاهها ماكن يدري هو شعور حب ولا اعجاب . من هذاك الوقت وهي ماغابت عن باله ولا دقيقه طول الوقت يفكر فيها , ونفس الشي عند مرام زي ما يقولون " القلوب عند بعضها"
مرام كانت طفشانه ومو جايها نوم وهي اليوم الثاني مابتروح الجامعه ماعندها محاضرات جلست تتقلب عالسرير وتفكر في خالد وتقول في نفسها " انا ليش افكر فيه ليش مو قادره انساه ؟! هو اكيد الحين مافكر فيني ولا جاب خبري وانا مشغله بالي وافكر فيه .. آآه ياربي " وقامت تبغى تروح تسولف مع اختها مها دقت عليها الباب ماردت فتحت الباب لقتها نايمه طفت النور وطلعت من الغرفه , نزلت تحت وجلست في الصاله وشغلت التلفزيون واخذت الريموت وجلست تقلب في القنوات مالقيت شي حلوو طفت التلفزيون , وطلعت فوق ودخلت غرفتها وشغلت الكمبيوتر , ودخلت المنتدى وكان اسمها " روح التسامح " سوت تسجيل دخول وجلست تتصفح المنتدى وتقرأ المواضيع الجديده وترد عليها .. وقفلت المنتدى وراحت انسدحت عالسرير وراحت في سابع نومه ..
.................................................. ..............
وفي بيت العمه العنود .. الساعه 12:30 .. كانت سندس جالسه بغرفتها وتذاكر طفشت من المذاكره واتصلت على بدر , بدر كان بأستراحه مع اصحابه وفالينها على الآخر بلوت ووناسه وشويه دق جواله
بدر: عن اذنكم شباب شوي .
وطلع برى ورد
بدر: هلا وغلا
سندس: الوو السلام
بدر: وعليكم السلام والرحمه
سندس بدلع: لا تكون نايم وازعجتك؟؟
بدر: لا عيوني بالعكس , انا كنت حاس انك بتتصلين
سندس: الحمدلله ريحتني , شخبارك؟!
بدر: بخير يا عيوني
سندس: دوووم انشاءلله
بدر: وياك يا قلبي
سندس: تسلم والله يالغلا
بدر: اقول سندوستي؟؟
سندس: آمر ..
بدر: مايامر عليك ظالم .. انتي كم عمرك؟!
سندس: 18 سنه << ماشاءلله عليها صريحه وبقوووووه
بدر: العمر كله يارب
سندس: وانت كم عمرك؟؟
بدر: 24 سنه
سندس: ماشاءلله العمر كله انشاءلله .
بدر: وياك يا حياتي .
سندس استحت وسكتت ماردت عليه .
بدر: فديت اللي يستحوون انا .
سندس بدلع وغنج: بدووري خلاص انا اذوب عالكلام الحلوو
بدر: تستاهلين يا حياتي
سندس: تصدق انا مره ارتحتلك .
بدر: وربي حتى انا ارتحت لك مره وحبيتك حتى اليوم اول ماقفلتي جلست افكر فيك وربي ماغبتي عن بالي >> كذاااااااااااب
سندس بفرحه: تسلم والله
بدر طفش منها ويبغى يصرفها: انتي تدرسين صح ؟1
سندس: ايوه ثانويه عامه .
بدر: ماشاءلله الله يوفقك يا حياتي
سندس: آمـيـن
بدر: شوفي يا عمري ابغاك تشدين حيلك وتجيبين نسبه ترفع الراس
سندس: انشاءلله
بدر: انتي عندك دوام بكره صح؟؟
سندس: صـح
بدر: وسهرانه لهذا الوقت وتكلميني بعد؟؟
سندس: ليش ماتبغاني اكلمك؟!
بدر: لا حياتي بالعكس لا تفهميني غلط, بس مو زين السهر واكيد بكره بتروحين الدوام وانتي تعبانه ومرهقه من السهر وانا السبب .. انا ابغاك تنامين بدري , اخاف عليك يا عمري ..
سندس وميته فرح: خلاص انشاءلله ولا يهمك كم بدر عندي انااااا ؟؟
بدر ويقلد الطفال: انا وبس سح ولا لا؟؟ >> ( يا ثقل دمه الغثيث يقهر )
سندس: اكيييد
بدر: يااي من قدي , يلااا يا حياتي روحي نامي ولا تسهرين مره ثانيه اذا لي خاطر عندك ؟
سندس: انشاءلله .. يلااا تامرني على شي
بدر: لاحياتي سلامتك وتصبحين على خير
سندس: الله يسلمك وانت من اهله , يلاا مع السلامه
بدر: امووووووواااااااااه مع السلامه
سندس ذابت مع البوسه واستحت مره ..
بدر قفل منها وهو يقول اعوذ بالله من هالغثه ..
امى سندس كانت فرحانه وومبسوطه مره وكانت تفكر ببدر .. لين ماراحت بسابع نومه ..
20-12-2006, 03:32 PM
رد : ♥乂♥ .. خــــلاص عــافــــكـ الـخـــاطــر.. ♥乂♥
منتديات بنات
انا بحاجه لردك
