علاج للطفش طريقة تحميل صور شرح حذف الكوكيز اسباب ظهور تحذير بالمنتدى

تنبيه هـآم : يمنع وضع الصور آلنسائيه و الآغـآني في المنتدى

:bnaatcom0153:

 
 
العودة   منتديات بنات > مجالس الادب والشعر > القصص والروايات > الروايات الكاملة
 
 

الروايات الكاملة خاص بعرض الروايات الكاملة والطويلة

إضافة رد
 
أدوات الموضوع
قديم 20-02-2009, 09:21 AM   رقم المشاركة : 16
معلومات العضو
مَآلے مِثَيِل © ~
مُشرفة سابقه
 
إحصائيات العضو








مَآلے مِثَيِل © ~ غير متواجد حالياً

 
إحصائية الترشيح

عدد النقاط : 81
مَآلے مِثَيِل © ~ will become famous soon enough

 

 

افتراضي إضافة رد: لاقلت أحبك إسكتي وإحضنيني / روايه كامله

زياد نزل من السياره : ما يكفي
لمياء بهمس لوتين: بموووووووووت
وتين كاتمه ضحكتها بس كتوفها تهزهز
وريف: يعني شلون؟؟
شيماء: يعني نتصل على واحد من هالكائنات الحيه اللي داخل ويودونا
زياد: طيب احد يكلمهم ذبحتنا الشمس
لميس: شوق طلبتك كلمي على فهد
وتين : لالالالالالالالا
لميس: ليش؟
وتين: ابي آخذ راحتي ما ابي استحي
البنات: هههههههههههههههههههههههههه
شوق: فهود طلبتك اطلع بسرعه
فهد: شسالفه؟؟
شوق: اطلع وتعرف
وقفلت بوجهه .. طلع فهد من غرفة عبد الرحمن وانحط امام الامر الواقع لأنه تفشل من زياد لايردهم
لمياء: انا ابركب مع فهد ما اقدر اركب مع زياد
شيماء: مانتيب صاحيه
فتح فهد سيارته بالريموت وراحو البنات يركضون يركبون بعد ما اتفقت معاهم لميس يورطون لمياء
ركبت شوق قدام
شروق: شواقه طلبتك ابركب قدام
شوق: لاااااااااااااا انا الكبيره
شروق ركبت ورا وهي تحلطم وركبو ميان وليان وشيماءمعاها ورا
لمياء بتبكي...
وريف اركبت قدام جنب زياد .. ولميس ووتين ركبو ورا
لميس فتحت القزاز : لمياء
لمياء: هاه
لميس: اركبي ولا تبين عزيمه
وريف تضحك وزياد متفشل انه يضحك
لمياء جات متفشله وركبت ورا وهي ساكته

بسيارة فهد
فهد: وين وتين؟؟؟؟
شيماء: وتين يقالها متفشله تركب معك
فهد: الله واكبر منين هالحيا؟
ميان: هههههههههههههههههاااااي ياويلنا من لمياء
ليان: هههههههههههههه اظنها بتذبحنا
شوق: ومن اللعانه راكبين فوق بعضكم عشان مايصير لها مكان
البنات: هههههههههههههههههههه
فهد: شفيها لمياء؟؟
شوق: آآآ ..آآممممم لا ولا شي
فهد: حمد لله والشكر

بسيارة زياد .. الكل يتكلم ماعدا لمياء اللي تحس قلبها بيطلع
زياد استانس على البنات حس انهم مثل خواته يسولف ويضحك معهم بس كان مستغرب من سكوت لمياء
وقف زياد عند محل ايسكريم ووقف فهد وراه..
زياد: هاه وش تبون.؟؟؟
لميس : ابي مطاريس

زياد طلعت عيونه: وشهو
وتين: ههههههههههه جدتي تقول على ايسكريم شوكلاته وفانيليا مطاريس
وريف: وييييع ربي يكرم النعمه
زياد: ههههه واحد مطاريس وبعد؟؟
وريف: انا فانيليا
وتين: وانا توفي
لمياء كانت ساكته قرر زياد يتكلم : وانتي يالمياء
لمياء صابتها رجفه: ما ابي شي
لميس بتحرجها : جيب لها على ذوقك
طلع زياد من السياره ولمياء قامت تصيح
وريف: لمو ياقلبي شفيك؟؟ تبين ترجعين؟؟
لميس: يوووووووه اسفه مادريت انك خبله كذا
وتين: وش هالحب الاقشر؟؟

لميس: هههههههههه اسكتو الرجال جاء
سكتت لمياء ودخل زياد
طلع من الكيس الفانيليا حقته والفراوله حقت اخته وباقي الكيس حطه ورا : تفضلو
لميس: شووووكرررراااان
أخذت لميس مطاريسها اقصد ايسكريمها ووتين اخذت اللي طلبته ولمياء ناظرت بالكيس يوووووه جاب لي نفس ايسكريمه فانيليا..أخذته وهي ساكته

بسيارة فهد دخل عليهم وهو جايب لهم كلهم شوكلاته
شيماء: يالنجس ماطلبنا شوكلاته
فهد: والله يوم رحت هناك نسيت وش طلبتو ... قلت أجيب لكم كلكم مثلي
البنات: اووووف
’,
’,

فيصل: انت ليش مشغول بالك عليها؟
عبد العزيز: عمرها ماغابت 4 ايام متواصله .. ياخي حتى المنتدى ماتدخله ..
فيصل: يمكن ظروف
عبد العزيز: اكيد ظروف والله يستر..

قام عبد العزيز يسوي له شاهي .. يارب استر عليها من زوجة خالها .. لايكون مضايقتها بشي والبنت منتحره ..آآآه لو اعرف طريقها ولا بيتها والله لا أروح .. انا حاس ان فيها شي .. اكيد فيها شي...

رجعو البنات وقبل تنزل وريف مسك زياد يدها عشان لاتنزل .. بعد مانزلو البنات من السياره
وريف: مشكور عالطلعه
زياد: العفو .. بس بسألك
وريف: امر
زياد: لمياء وش فيها؟؟
وريف: هههههههههههههههههههههههههه
زياد: وش فيك؟؟
وريف:اممممم ههههههههه انت السبب
زياد :انا؟؟
وريف: ههههههههههههههه
زياد: وش فيك؟؟ انا قلت شي غلط يعني ولا سويت شي؟؟
وريف: لالا ههههه واي بططططني هههههههههههههههه
نزلت وريف من السياره لحقت البنات وزياد مو فاهم شي
كانت وتين توصف شكل لمياء والبنات ميتين ضحك عليها
لمياء: لا تضحكون اقسم بالله حسيت ودي ارمي نفسي من السياره مرتين
وريف: ههههههههههههههههههه توه زياد يسأل عنك
لمياء: وااااااااااااااااي قولي قسم
شيماء: على اللي سوته اكيد بيقول هذي فيها حاله نفسيه
البنات: ههههههههههههههههههههههههههههههه
طلعو البنات لغرفة شيماء اللي على طول قعدت على كرسي الكمبيوتر وشغلته
شيماء: لي فتره عن النت من يوم جيتو عندنا
لمياء ووتين مرتزين على الطاقه يناظرون زياد وفهد يسولفون تحت .. ووريف ولميس وميان يسولفون
ميان: الا تعالي اليوم صديقتي تقول خواطر صارت مشرفه
وريف سمعت اسم خواطر وطلعت عيونها
وريف: من خواطر؟؟
ميان: خواطر مكسوره اللي بمنتدى الـ.....
وريف تبتسم : وش فيها؟؟
ميان: بس إنسحبت قبل كم يوم
وريف: تحبينها؟؟
وتين: ما افهم شي من كتاباتها بس ارحمها
وريف حزت بقلبها الكلمه: ليش ترحمينها؟؟
وتين: احسها حزينه
ميان : بالعكس احسها رومنسيه حاااااالمه
ابتسمت وريف
لميس : احسها تشبه أستاذة القواعد حقت المتوسط
البنات :ههههههههههههههههههههههههههههههههههههههههه
وريف: شيومه قلبي فتحتي المنتدى؟؟؟؟
شيماء: يس
قامت وريف قدام البنات وسجلت دخولها خواطر مكسوره
ميان مسكتها مع كتوفها : إحلفي
وريف تضحك: هههههههه والله انه انا
ميان تصرخ : وااااااااااااااااااااااااااااااااااااااااو
وحضنتها
وريف لقت رسالتين خاصه وحده من مدير المنتدى يهنيها بالإشراف والثانيه من أسيرة الذكريات
((خواطر شلونك؟؟ عسى خير لك كم يوم ماتدخلين الماسنجر ولا المنتدى شغلتيني عليك))
ميان : من هذي؟؟ ميب معنا بالمنتدى وآخر خاطره لك تكلمتي عنها
وريف : هذي ياطويلة العمر ماعرفتها الا بالماسنجر حتى إسمها ما اعرفه أصلا ماجاء في بالي أسألها عن اسمها وتدرس ببريطانيا وطيبه حيل وحبوبه
شيماء: اهاا ماتشارك بالمنتدى صح؟
وريف: ايه ماتشارك وبتنزل كتاب قريب
شيماء: ماشاء الله .. يعني كتاباتها حلوه
وريف: تجنن ماشاء الله
وتين : يالله عاد قفلو النت خلونا نسولف انتي فتره وبترجعين بيتكم خلينا نستانس
سجلت خروجها وريف وقفلو المنتدى .
عبد العزيز كان مسجل دخوله بكبرياء الجرح اول مالمح اسم خواطر مكسوره فتح ايميله ولالقاها وسجل دخوله بإسم اسيرة الذكريات بس كانت الصدمه ... دخلت وقرأت الرساله الخاصه وطلعت ولا ردت ...
ليش؟؟؟
انا وش غلطت فيه؟؟
وش زعلتها فيه؟؟؟
هين ياوريف .. مو عبد العزيز اللي تهمشينه .. مو عبد العزيز اللي تركنينه
سجل خروجه وقفل النت بكبره

وريف: آآآآآآآه الوقت عندكم يمر بسرعه من الوناسه .. ياليت فجر وشادن هنا
وتين: من فجر ومن شادن؟؟
وريف تبتسم: فجر توأم روحي وصديقتي وشادن بنت خالي
لمياء: اخت زياد؟؟
وريف: ههههههههههههههههههه ايه اخته
لمياء: وش فيك تضحكين
وريف: ههههههههه انتي نكته عمري ماشفت مثلك
ميان: وهـ جوعاااااااااانه
وتين: وانا بعد
شوق: وانا
وريف: وانا بعد .. بنات بغيت أسألكم
لميس: امري
وريف: رغد وصبا وينهم؟؟ خاطري اجلس معاهم
لميس: هالثنتين شياطين ماتدرين وين يروحون
وتين: بنات وش رايكم نروح نشوف شيسوون
وريف: انا ودي أقعد معاهم
ميان: ترى ذاك اليوم شفتهم بالمخزن اللي تحت يوم رحت ادور شغالة خالتي
لميس تشهق: الملاعين شيسوون
وتين: تكفون قومو نشوفهم
لميس: شرايك وريف
وريف: معاكم معاكم
قامو البنات يتسحبون من غرفة لمياء اللي صايره المقر الرسمي لهم فتحو غرفة صبا مالقوهم
ميان: أكيد بالمخزن
ليان: واااااااااي هناك حر يخرب استشواري
لميس: وش المهم نشبع فضولنا ولا شوشتك ؟؟ امشي بس
نزلو البنات الدور الاول توهقو كانت جدتهم جالسه بالصاله
لميس راحت بسرعه يم جدتها وصارت تبوسها على راسها : وشلون جدتي نجول الحبيبه
وتأشر من ورا ظهرها للبنات يعني انزلو .. نزلو البنات وهم ميتين من الضحك
الجده نجلاء: لميسوه غربلك الله عورتي راسي
لميس : افاا هذا وانا احب راسك .. يالله بروح انا زعلانه
الجده نجلاء تـأففت: والله ماغيرهم العيال يداوون العله ماهو مثلكم ماغير هرج
وطارت لميس عالمخزن اللي كان ظلام مافيه نور غير نور جوالها شافت البنات ينتظرونها بنص درج المخزن
وتين بهمس: يالخبله طفي نور جوالك تبين تفضحينا؟؟
لميس بهمس: زيييين انا كنت ابي اشوف
نزلو البنات شوي شوي وشافو نور طالع من المخزن
ميان: يمااااه خايفه
لميس: وجع اكيد هالسلق جايبين معهم كشاف
وطلع صوت رغد وصبا يضحكون
دخلو البنات المخزن شافو صبا ورغد معطين ظهورهم للباب ومجتمعين حول صندوق
لمياء شهقت بشويش: هذا صندوق عامر
قربو البنات لين صارو بالضبط ورا صبا ورغد ويوم انتبهو للي بالصندوق صرخه وحده : واااااااااااااااااااااااااااااااااااااااااااا
رغد وصبا تخرعو وصرخو : آآآآآآآآآآآآآآآآآآآآآآآآآآآآآآآآآآآآه
المخزن كان فاضي وصوت الصراخ سوى صدى .. الصراخ هز البيت كله
كانو توهم الشباب داخلين يقعدون مع جدتهم وكانو مدخلين زياد بالغصب لأنه بالبدايه رفض مستحي منهم بس بعد إصرار الجده دخل
سمعو الصراخ .. ووقف عبد الرحمن بيشوف شسالفه بس يسمع الصراخ يقترب ويقترب وفجأه البنات طلعو من درج المخزن أشكالهم تخرع وكلهم يبكون ..
وريف طاحت عالأرض ميان غطت وجهها وقعدت بالارض تصارخ لميس ماسكه شعر رغد وتبكي ليان ماقدرت تتوازن ولحقت وريف .. صبا واقفه تلهث من الركض .. وتين فصخت شبشبها وصفقت فيه صبا وشروق قامت تستفرغ((اكرمكم الله))
عبد الرحمن بصرخه : شفيكم؟
وتين ولميس وميان ورغد وصبا وشوق وشروق وشيماء ولمياء طارو على الدور الثاني بعد ما انتبهو للشباب
ليان ووريف للحين طايحين
راح هاشم مسك ميان مع كتوفها ويضربها على خدها
زياد وده يروح لوريف بس عيب مايصير
ميان : الجثه الجثه
هاشم طارت عيونه: من ذبحتو
عامر صفق جبهته : الجثه .. حسبي لله عليكم من بنات
وراح ركض للمخزن وفعلا توقعه صح شاف صندوق الجثه مفتوح.. حسبي الله عليهم انا ماقلت لأحد عشان مايخافون
(( موقف حقيقي بجامعة القصيم ))


’,
’,
ليان كانت تقرا اية الكرسي وميته خوف
لميس بعد ماهدت : اشكالنا نكته كانت
وتين ترتجف: لمن هالجثه اللي كانت شكلها اجنبي مو عربي
صبا بلا مبالاه: هذي الجثه لعامر وكل كم اسبوع يجيب جثه
جديده ودايم ننزل انا ورغد نشوفها
شيماء: لعامر!!!!!!!!
لمياء: الله يلعن الطب وايام الطب .. وصلت فيه المواصيل يجيب الجثث لبيتنا انا اعلم ابوي عليه
ميان شالها هاشم ودخلها داخل
وزياد شال اخته ولاهو فاهم شي وحطها عالدرج أقل شي يبعدها عن عيون الشباب شوي
لمياء اللي كانت طالعه تقول لابوها على سواة عامر شافت زياد ودبرته بإخته .. كان محتار وين يوديها وبنفس الوقت ماهو مخليها مرميه كذا
لمياء من ورا الدرج: خلاص اتركها انا انزل مع البنات ونطلعها
زياد : خلاص بس انتبهو لها ترى هي دايم ينخفض ضغطها
لمياء: طيب
راح زياد بس بخاطره يتطمن على اخته وقف ورا الدرج إلا ويشوف ذيك الملاك اللي تنزل كانت لابسه كت أخضر وشورت جنز فوق ركبتها بشوي ولامه شعرها الأشقر ذيل حصان وقذلتها جايه على جنب وجهها حاولت تشيل وريف بس ماقدرت آخر شي عطتها كف
وريف: آآآآه
وقامت وريف تبكي
لمياء: وريف لاتبكين خلاص طلعنا من المخزن
وريف وهي تبكي: لمياء ابي ارجع لأمي
زياد سمع إسم لمياء وتوقف التفكير عنده.... بسرعه طلع للصاله خاف أحد ينتبه له
عبد الرحمن: هاه بشر شلونها؟؟
زياد: خليتها وحده من البنات بتنزل تصعدها فوق
عبد الرحمن: لاتخاف على البنات هذولا يرعبون مو يرتعبون
فهد: حرام عليك
مالك: ههههههههههه ايه مدام وتين معهم حرام عليه
فهد: انت اصلا اسم على مسمى .. مالك دخل
الكل: هههههههههههههههههههههههههههههههههه


طلعت وريف واللي ساندتها لمياء دخلو الغرفه اللي ضحكهم واصل آخر البيت
وريف: لكم نفس تضحكون والله اني للحين ارتجف
لميس: هههههههههههههههههه والله خوش مغامره .. اشكالنا تموت من الضحك وحنا نتطارد مع درج المخزن هههههههههههههههههه
وريف تتذكر : ههههههههههههه فشيله قدام خلق الله كلهم طحت ههههههه
وتين: واااافشلتي.. راحت نعومتي قدام فهد
البنات: هههههههههههههههههههههههههههههههههههههه
شيماء: متحمسه وتينوه فاصخه الشبشب تصفق فيه صبا
ليان: ميان وينها؟؟
وريف: مع هاشم تحت
شوق : كنت جيعانه بس اللحين لاعت كبدي
لميس: بنات شفتو شلون الجثه مقسوم الراس نصين
البنات: وععععععععععععععععععععععععععع
لميس استانست: وريحة المحلول تلوع الكبد
شوق: وييييييييييييييييع الوسخه شروق قامت تستفرغ
شروق : والله ماقدرت استحمل

عامر قفل صندوق الجثه اللي كان يستخدمها بالتشريح وقفل المخزن وطلع يقعد مع الشباب ..
ابو عبد الرحمن : ياولدي وشوله ماقلت لنا أقل شي نقفل المخزن
عامر: يبه مانيب جايبها اتصور جنبها انا جايب الجثه اتدرب عليها وشاريها من دم قلبي وماتكلمت لان المخزن محد يدخله ولابغيت اروعكم

والبنات كملو سهرتهم بسواليف وضحك

الساعه 10 الصبح دخل ابو عبد الرحمن غرفة لمياء شاف الكل نايم فيها ماعدا رغد وصبا .. ابتسم على اشكالهم وحده نايمه على بطن الثانيه والثالثه رجل بالارض ورجل عالسرير
ابو عبد الرحمن: يابنات بنات
وريف اللي ماتعودت أحد يصحيها فزت على طول : هلا عمي
ابو عبد الرحمن : صحي بنات اعمامك
وريف كلها نوم: ليش؟؟؟
ابو عبد الرحمن: مو زين نوم النهار
وريف: ايه طيب
طلع ابو عبد الرحمن من هنا ... وكملت وريف نومها من هنا
على الساعه 12ونص دق جوال وريف
وريف للحين نايمه: الو
ام وريف: قوه يمه شلونك
وريف صحصحت : هلا هلا يمه انا بخير طمنيني عنك
ام وريف : افاا للحين نايمه قومي صلي انا بخير انتي طمنيني عنك
وريف التفت حولها شافت الكل نايم تكلمت بإرتياح: والله يايمه لو اقولك من هنا لبكره طيبين ما اوفيهم حقهم ..حتى جدتي نجلاء تسألني عنك .. وبنات اعمامي يمه عسل والله من اول دقيقه ماحسسوني اني غريبه
ام وريف بإرتياح: الحمد لله وعمتك مريم شلونها؟؟
وريف: من ذي بعد؟؟
ام وريف: اهاا شكلك ماتعرفينها .. هي عمتك الوحيده طيبه حيل
وريف: يمه انتي شخبارك؟؟ وشخبار شادن
ام وريف: شادن عساني ما افقدها كل يوم وهي قاعده معي
وريف: سلمي عليها الظاهر طولنا على جوالها
ام وريف: وانتي الصادقه يالله مع السلامه
قفلت وريف وصحت البنات ونزلو يفطرون وقعدو مع امهاتهم شوي
’,
’,
عبدالرحمن: شباب فيه احد يخبر لي مكان يبيع طراطيع((العاب ناريه))
ثامر: انا عندي
عبد الرحمن فز : احلف
ثامر : قسما بالله تبي فحم .. ولا ثوم .. ولا صاروخ .. متوفره جميع الانواع
عبد الرحمن: ابي فحم حبه وحده بس
مالك : وش ناوي عليه
عبد الرحمن: بتعرفون .. بس تكتمل الخطه اذا البنات قعدو برا
زياد: ياويلك من الله .. ماتشوفهم شلون خافو امس؟؟
عبد الرحمن: ياخوي وسع صدرك ترى وجيههم مو وجيه شفقه ترى النجاسه كلها مخلوقه فيهم
تركي اللي كان ياكل بليله : والله شي بس ياليت المقلب يكون بتميس
فهد: من تميس؟؟؟
تركي يضحك : تميس يعني لميس
عبد الرحمن: والله حاله .. حتى معاييرك بالاكل
الكل: ههههههههههههههههههههههههههههههههههههههه

كانت الساعه 5 ونص العصر
عبد الرحمن : تروكي بعد قلبي
تركي : هااااه
عبد الرحمن: هواه يالدب
تركي: نعم؟؟
عبد الرحمن: نعامه ترفسك لين تفش هالكرش
والتفت عبد الرحمن على سعد
عبد الرحمن: سعد طلبببببببببببببتك
سعد: وش تبي؟
عبد الرحمن: تكفى انت اعقل واحد فينا روح لجدتي ونفذ اللي اقولك عليه تكفففففففففففى
سعد: لا تدخلوني بمقالبكم
عبد الرحمن: لالا انت سوها بحسن نيه وكأنها صارت صدفه تكفففففى
سعد: زين وش اقول لجدتي؟؟

قام سعد وسوا له درب للبيت ومثل العاده جدته قاعده بالصاله
سعد اللي باس راس جدته : وشلونك يمه نجلاء
الجده نجلاء: بخير ياعلك بخير
سعد: يمه وشوله كاتمين انفسكم بالبيت وربي موسع عليكم
الجده نجلاء: وشلون؟؟؟
سعد: انا اقول ورا ما نطلع كلنا بالحديقه نشم هوا
الجده نجلاء: ايووو والله صدقت
سعد: وقولي للبنات بعد يعني كلنا نقعد
الجده نجلاء: زين زين بس اقولهم ونطلع بس انت افرش الفرش
طلع سعد يفرش الفرش واخذت الجده عكازتها وطلعت للبنات

ميان: يوووووه ياجده والله تنعدم البشره مع الشمس
لميس: روحي بس .. والله وناسه اش رايكم بنات
الكل: موافقين
ميان: ياشينكم خلاص موافقه
بعد ربع ساعه بالضبط كانو البنات كل وحده لابسه جلالها وقاعده
شوق: ياليت العيال مايجون وربي ارحم .. اقل شي ناخذ راحتنا
لمياء: عيالنا بكيفهم بس اللي خبركم ياربيييييييييه اخاف يوقف قلبي
البنات فهمو وضحكو : هههههههههههههههههه
الجده نجلاء: منهو اللي على خبرك؟؟ هاه
لمياء:آآآ قصدي قصدي السواق
فطسو البنات من الضحك
عبد الرحمن من طاقة غرفته : مهبوله ذي يوقف قلبها من السواق
زياد فهم ان الكلام له .. بس ليش يوقف قلبها
عبد الرحمن التفت لعامر : عموري انت متهاوش مع البنات وماراح يكلمونك يعني لما تقول لجدتي قومي بيتفشلون يكلمونك ويحسبون انك ماخذ جدتي لانك مو طايقهم
عامر: وربي ودي اشفي غليلي من هالبنات
عبد الرحمن: اجل هذي فرصتك اطلع وخذ جدتي

طلع عامر من الغرفه وهو حاط يدينه بجيوب بنطلونه :مساء الخير يمه نجلاء
الجده نجلاء: هلا ياوليدي تعالي تقهو معنا
عامر يعنني زعلان: قومي يمه مشتاق لسوالفك مابي اقعد مع هالسلق
قامت الجده نجلاء: الله يعيني عليكم اليوم كل واحد يجرني من جهه
عبد الرحمن ماصدق طلعت جدته طلع من الغرفه اللي كانت بنص الحديقه ووريف انتبهت له بس حط يده على فمه يترجاها تسكت وفعلا سكتت
قرب منهم وولع الطرطيعه ورماها بوسطهم البنات مندمجين بالسوالف ما انتبهو الا بالتفجير اللي صاير وسطهم وصرخه وحده : واااااااااااااااااااااااااااااااااااااااا
ماعدا وريف اللي مسكت بطنها ميته من الضحك
الجده سمعت الصراخ ورجعت : بلا يبليكم وش فيكم انتو
عبد الرحمن اللي طايح علارض : بس ياهاشم وقف تصوير
كان هاشم واقف يصورهم من الطاقه والشباب جنبه متفقعين ضحك على البنات
لمياء أخذت حصاه ورمتها على عبد الرحمن اللي انحاش
لمياء: نعنبوك انت بتشيب فيني؟؟
زياد عرفها من صوتها وابتسم .. يالله شلون عايشين بوناسه الله لايغير عليهم
طلعو الشباب من غرفة عبد الرحمن وقعدو عالفرش مع جدتهم ولمياء من يوم شافت زياد سكتت مره وحده
وتين: ههههههههههههه والله ياهو مستاثم فيك هالزياد
جلسو وقامت ميان تصب لهم القهوه
ميان: اييي حاره
مالك : يعنني ناعمه طسي بس هاتيها
اخذ مالك القهوه وقام يقهوي الشباب لين تعب
مالك: نعنبوكم ماتروون قهوه؟ تعبت دبرو لكم احد يصب لكم
عبد الرحمن: انقلع مانبي منتك .. لمياء قومي صبي لنا
لميس: ههههههههههههه لو تحلم ماتقوم
البنات: ههههههههههههههههههههههههه
عبد الرحمن: تقوم غصبن عنها
لمياء بتبكي: لا
عبد الرحمن: لمياء قومي
البنات ميتين من الضحك عارفين لمياء ماتبي تقوم عشان زياد
عبد الرحمن بدا يعصب: لمياء بتقومين ولا اعرف شغلي
لمياء بخوف : ماني قايمه
وريف: خلاص انا اقوم
عبد الرحمن : انا قلت لمياء يعني لمياء
قامت لمياء بتاخذ الدله
عبد الرحمن بلعانه : خلاص خلاص هونت
لمياء : ****
الكل: ههههههههههههههههههههههههههههههههههههه
أذن المغرب وقامو الشباب يصلون
وتين : بنات لازم نرد لهم المقلب
لميس: بس شلون؟؟ انا ماعندي أفكار أبد
ميان: ولا انا
ليان: ولا انا
شوق: ولا انا
شروق: ولا انا
وريف: ولا انا
وتين: مالت عليكم كلكم
لميس: طيب طلعي لنا فكره من بنات افكارك
وتين: امممممممممممممممم
شروق: بنات عندي فكره
الكل : وش هي؟؟
شروق: ماهي ذيك هي سيارة عبد الرحمن؟؟؟
لمياء: ايه
شروق: شرايكم نسوقها
شيماء: وريف تعرفين تسوقين؟؟
وريف: لايماااه اخاف
شروق: السياره اكيد توماتيك يعني نخلي السواق يشغلها وحنا بس علينا نلفلفها يمين ويسار
لميس نطت بحضن شروق وباستها :مشكوره عالفكره يا احلى بنات عمي
قامو البنات بعد مانادو السواق يشغل لهم السياره
كانو كلهم فوق بعض ورا
لميس اللي كانت بحضن وتين راكبين قدام
لميس: شوف راجو شغل السياره وانزل بسرعه
راجو شغل السياره ونزل وهي تمشي
لميس نطت بسرعه وصارت هي محل السواق وقفلت الباب وصارت تلف بالحديقه شافت باب الشارع مفتوح
وريف: تكفين اطلعي
لمياء: لاااااااااااااااااا الحي راقي ومحد موجود اللحين بننكشف
لميس: لا ماعليك بنرجع بسرعه بس انتو تغطو انا ما اقدر ابسوق
البنات : ههههههههههههههههههههههه
طلعت لميس مع باب الشارع وتحمد ربها انه كبير يعني قدرت تطلع منه بدون ماتحك بالباب صارت تلفلف بالشارع اللي حول البيت والبنات مهيصين ضحك ووناسه
وريف: لميسوه ارجعي البيت خلاص خايفه
لميس: ليش خايفه البيت ورا هالشارع
وريف: خلاص ارجعي والله لنا اكثر من نص ساعه خايفه انا
لميس: ياشين المبزره بس
لفت مع الشارع اللي كانت تعتقد انه شارعهم بس كانت الصدمه ماهو شارع بيتهم
وتين: يماااااااااااااااااااااااااااااااااااه ماهو الشارع
لميس مرتبكه بس ماتبين: يعني وين بيكون اكيد واحد من هالشوارع اسكتو انتو بس
وريف قامت تبكي
ميان: لاتبكين خلاص
صارت لميس تلف وتلف بس مافيه امل يلقونه
بدا التوتر على البنات وفجأه لميس بكت
لميس: والله مالقيته
هم سمعو لميس تبكي .. كلهم قامو يبكون
ولميس تلفلف : يدي عورتني ولا لقينا البيت
وريف: يمااااااااااه شوفو سياره تلاحقنا
ميان ناظرت بجيب المرتبه لقت شماغ عبد الرحمن اخذتها واعطتها لميس
ميان: خوذي تلثمي فيها عشان مايشكون انك بنت
اخذتها لميس وتلثمت فيها
والسياره تقرب منهم والبنات يزيدون بكا والسياره تزيد تقرب لين صارت جنبهم بالضبط ولميس ماتبي تناظر فيهم وتنهار ماسمعت الا صوت رجال يقول: وقفو السياره ترانا عارفين انكم بنات
وتين التفتت عليهم: تكفون لاتسوون لنا شي
لميس : يامجنونه ليش تكلمتي
الرجال: وقفو السياره ولا بتشوفون شي ماصار
لميس بتبكي: والله والله ما اعرف اوقفها
الرجال: وقفووووووووووووووووها
لميس عصبت: ماتفهم انت؟؟ اقولك ما اعرف
علمهم الرجال كيف يوقفونها ووقفت السياره بنص الشارع ونزل الرجال من السياره وهو متلطم


=============
إنتــــــــــــــــهى البـــــــــــــــــــــــــارت







   

رد مع اقتباس
قديم 20-02-2009, 09:22 AM   رقم المشاركة : 17
معلومات العضو
مَآلے مِثَيِل © ~
مُشرفة سابقه
 
إحصائيات العضو








مَآلے مِثَيِل © ~ غير متواجد حالياً

 
إحصائية الترشيح

عدد النقاط : 81
مَآلے مِثَيِل © ~ will become famous soon enough

 

 

افتراضي إضافة رد: لاقلت أحبك إسكتي وإحضنيني / روايه كامله

البنات ماتو رعب
وريف: الله يستر على خواتك لا تسوي لنا شي
لميس: حنا ماعندنا أخوان ورايحين نجيب لجدنا علاج طايح بالبيت مايقدر يسوق
هنا عبد الرحمن ماتحمل اكثر قعد بالارض وفطس ضحك
لميس طلعت راسها مع القزاز : عبد الرحمن يالحيواااااااااااااااااااان
وباقي الشباب بالسياره ماتو ضحك عليهم
عبد الرحمن وده يهاوشهم بس مو قادر من الضحك
وريف : وش دراكم انا هنا
فهد: راجو جاء وقال انكم اخذتو السياره وطلعنا ندوركم ياللي مالقيتو احد يربيكم
لمياء: لعنة الله عليك يا راجو
الشباب بالسياره: هههههههههههههههههههههههههههههه
عبد الرحمن بعد ماسكت : انتو ماتستحون على وجيهكم طالعين تلفلفون بالشوارع؟؟
شيماء: عبد الرحمن اولا حينا مافيه احد بالليل عشان كذا اخذين راحتنا ثانيا حنا متغطيات حتى لميس لابسه شماغك يعني ما احد بيشك اننا بنات
عامر : حتى ولو..... ابوي لازم يدري
لمياء: لالالالا واللي يسلم عمرك لا الا ابوي
فهد: حتى وتين معكم افااا بس
ميان: تكفون سامحونا والله مانعودها والله العظيم
زياد : اقول اركبو السيارات وتفاهمو بالبيت مو بالشارع
لمياء اللي من خوفها نست حتى زياد: وش اللي تفاهمو بالبيت لالا نتفاهم هنا .. تكفوووووون سامحونا
عبد الرحمن :أسامحكم بس بشرط
لمياء: شرط؟؟ الا شروط بس انت امر تدلل
عبد الرحمن: نجيب لكم خروف وتذبحونه
لمياء: موافقـ وشهووووووووووووووو ويييييييييييييييع
عبد الرحمن : هذا شرطي
لميس: عبد الرحمن والله انك نذل
عبد الرحمن : طيب نخفف الشرط نجيب الخروف وانا اذبحه بس الشرط انكم تحضرون الذبح
شوق: يالله اهون من الذبح موافقين
عبد الرحمن: يالله لميس ووتين انقلعو ورا ابي اسوق
ركبو وتين ولميس ورا ولمياء جات قدام
ورجعو البيت

لميس: اقسم بالله ما اكون لميس إذا مارديتها لك ياعبدالرحمن
وتين:ياويلي طحت من عين فهد ياربيييييييييييييييييه
وريف: انا اسفه انا السبب
ميان: لاتقولين اسفه حنا كلنا غلطانين ... حنا طلعنا مع بعض والمصيبه علينا كلنا ..
لميس: بس بس بس عرفت
البنات : وشهووووووووووووووو
لميس: عبدالرحمن اللي مسوي شخصيه علينا انا اجيب لكم خبره
البنات: وشلون؟؟
لميس: وريف انتي ماحد يعرف رقمك صح؟
وريف: لا
لميس: هاتي جوالك .. ان ما طيحت هيبته ما اكون لميس
ودقت على عبد الرحمن
عبد الرحمن: الو نعم
لميس بمياعه : الووو مرحباااا
عبد الرحمن: هلا من معي؟
لميس افاا من بدايتها من معي : هذا مو جوال منيره؟؟
عبدالرحمن: ماينفع انا؟؟؟؟
لميس بغت تقوم ترقص ماتوقعت عبد الرحمن سهل كذا
لميس: الا ينفع من معي؟؟
عبد الرحمن: احم معاك وليد
لميس ما استحملت وقفلت بوجهه وفطست ضحك
عبد الرحمن رجع اتصل
لمياء ردت وحاولت تغير صوتها : هلا
عبد الرحمن: وش فيك؟؟؟
لمياء: خلص رصيدي
عبد الرحمن: انتي مرسوله من احد؟؟
لمياء: من مين يعني؟؟
عبدالرحمن: من مها مثلا
لمياء رافعه حاجبها من اللي تسمعه : امممم وش دراك؟؟
عبد الرحمن مسوي ذكي: اكيد مرسلتك تختبريني؟؟
لميس: هههههههههههههههههااااي اجل وليد ياعبد الرحمن
عبد الرحمن طاااااااااااااااااااح وجهه وقفل بسرعه
البنات ماتو ضحك
’,
’,
عبد العزيز كان تعبان من التفكير .. انا ماقد قلت لها شي يزعلها .. ليش قطعتني فجأه ولا حاولت حتى تسأل علي أو تعتذر مني ... اصلا ليش تعتذر ... انا مجرد انسانه عرفتها بالماسنجر ولا يحق لي أزعل بعد.. بس حتى لو ماتعرفني .. اقل شي تحترمني.. حتى رد السلام مستكثرته علي؟؟؟ طيب انا وش سويت لها؟؟
’,
’,
بعد نص ساعه كان الخروف تحت بالحديقه
ابو سعد: ماشاء الله رجال ياعبد الرحمن بتذبحه؟؟
عبد الرحمن: ايه انا اعرف اذبحه بس انت روح ارتاح لاتشيل هم
دخل ابو سعد البيت وعبد الرحمن ارسل رساله للمياء
((خمس دقايق ان مانزلتو الحديقه الخبر بيوصل لابوي))
ردت لمياء((حاضر ياوليد ههههههههههههههههه))
وفعلا خمس دقايق ونزلو البنات وشافو الخروف
لميس: تكفى السموحه ..
لمياء: الله يخليك اذا مو عشانا عشان خاطر مها
عبد الرحمن: انكتمي لا أذبحك بداله
لمياء: هههههههههههههههههههههههههههههههههههه
عبد الرحمن صرخ: وبعدين
وريف: عبد الرحمن من جدك بتذبحه؟؟
عبد الرحمن: لا جايب السكين عشان ادغدغه انا .. اكيد ابذبحه ويمكن اذبحكم ورا
اتصل عبد الرحمن على الشباب يجون اول ماوصلو
لميس: تــــكــــــــــفـــــــــــــــــــى سامحنا
عبد الرحمن: لو أسامح الكل انتي ما أسامحك
لمياء: يعني انت مسامحنا؟؟؟
عبد الرحمن: لااااااااااااااااا
وريف: ياربيييييييييييييييه
زياد: وريف على فكره ترى بنرجع بكره
شهقو البنات
عبدالرحمن بدا يذبح الخروف والبنات يبكون يوم الخروف ينازع
لمياء تبكي: ياقلبيييييييييييييييي بتطلع الروح
الدم انتثر والبنات راحو يركضون تقرفو من الشكل
بعد ساعتين جهز العشاء .. نزلو البنات يتعشون
ميان: آآآآآآآآآآآآه ياكبدي .. هذا لحم الخروف اللي قبل شوي
لميس: وييييييييييييييييييييييييييييييييييييييع
ام سعد : يابناتي موب لازم تاكلون رز هذا هي العيشه قدامكم
لميس: انا اعتزلت العشاء
البنات: وانا بعد
الجده نجلاء: موب صاحيات ابد .. بنات أول كانن هن اللي يذبحن الذبيحه ويصلخنها ثمن يطبخنها
وتين : انا لو لحقت على زمانكم كان منتحره
البنات: هههههههههههههههههههههههههههه
’,
’,
كانت الساعه 5 الفجر
البنات كلهم نعسانين بس مو هاين عليهم يرقدون وهذي آخر ليله لوريف .. وريف كانت الدمعه بعينها
اتصل زياد على وريف بعد الصلاه
لمياء: حطيه عالسبيكر
وريف: ههههههههههههه طيب
حطته عالسبيكر
زياد: سلام ياجميل
وريف: هلا زياد
زياد: هاه شناطك جاهزه؟؟
وريف: كلش تمام يافندم
زياد: شخباركم بعد الخروف امس خخخخ
وريف: اوووص لاتذكرني احس كبدي لايعه للحين
زياد: وش اخبار بنات عمك ولمياء شخبارها؟
البنات طلعت عيونهم ولمياء بغت تجيها سكته قلبيه يسأل عني!!
وريف: وش معنى لمياء يعني؟؟
زياد: آآآ هي اللي كانت تصيح
وريف: اهاا.. بس كلنا كنا نصيح
زياد: اقول لا يكثر نزلي شناطك بسرعه

وقفل السماعه ولمياء للحين مصدومه : وااااااااااااااااااااااااااااااي ياقلبي يسأل عني
شيماء: هذي وش يرقدها اليوم ههههههههههههههههه
وريف ماحبت تعطي لمياء امل عشان لا تنصدم
وريف: لا هو عشان انا قلت له امس ان لمياء تخرعت
لمياء حست داخلها شي تحطم ابتسمت لوريف
يالله بنوتات ابسلم عليكم وانزل
لبست عباتها وتفقدت اشيائها وحضنت البنات اللي بكت وبكو معاها ونزلت ركبت السياره مع زياد وحركو عالبيت
وريف وصلت البيت عل الساعه 7 لقت الكل نايم ..
راحت تنام ..
’,
’,
صحت الساعه 5 العصر .. اووووه محد صحاها أكيد مادروا انها موجوده طلعت ولقت شادن تصب لأمها شاهي
شادن: ههههههههههه ياعمه لاتنشغلين تلاقين وريف تضحك وتسولف مع بنات عمها ومستانسه عالاخر
ام وريف: والله اني خايفه عليها من خالد
وريف من عند الباب: وهذاني رجعت
شادن تخرعت اول شي بس ضحكت وراحت حضنت وريف اللي طارت لحضن أمها سلمت عليها وقعدت معها تسولف وتخبرها عن حركات بنات عمها
أذن المغرب
وريف: طيب انا طالعه اصلي المغرب وانزل لكم على طول
شادن: بقول للشغاله تجهز القهوه على ماتجين
وريف: اوكي
طلعت وريف وبعد ماصلت طاحت عينها عاللاب توب .. اووووه لها كم يوم مادخلت النت .. اسيره كانت مشغول بالها علي ولا طمنتها .. قامت شبكت النت فتحت المنتدى لقت رساله من اسيره
((شفتك دخلتي وقريتي الرساله ولا طرا لك حتى تردين السلام .. عموما مانيب لايمك انك همشتيني .. بس الانسان له كرامه .. وكرامتي ماتسمح لي اتكلم معك ثاني سلام))
مانيب لايمك؟؟؟؟ وشلون تتكلم كذا وهي بنت؟؟؟ شكلها كانت معصبه وهي تكتبها
سوت إقتباس للرساله وارسلت الرد
((حياتي اسيره ..
بخبرك كل شي لما اشوفك عالماسن لأن هنا مايصلح .. اتمنى تشيلين البلوك عني وخليني أوضح لك لأني ما ارضى احد يكون زعلان مني .. خصوصا لما يكون أحد اغليه))
عبد العزيز كان كالعاده مسجل دخوله بكبرياء الجرح... قلبه يامره يسجل دخول اسيره.. وعقله يمنعه .. اخر شي سجل دخول أسيرة الذكريات وشاف الرساله وشال البلوك ودخلت عليه وريف
خـــــــــواطـــــــــــر مــــــــجـــــــــبـــــــــــورهـ:
هلااااااا مابغيتي
عبد العزيز اللي كان زعلان من قلب
الجرح.. ماتدري إنك أكبر أسبابه؟:
هلا
خـــــــــواطـــــــــــر مــــــــجـــــــــبـــــــــــورهـ:
شلونك؟؟ شخبارك واحشتني والله العظيم
الجرح.. ماتدري إنك أكبر أسبابه؟:
بخير
خـــــــــواطـــــــــــر مــــــــجـــــــــبـــــــــــورهـ:
قلبو زعلانه مني؟؟؟
الجرح.. ماتدري إنك أكبر أسبابه؟:
مايحق لي... اصلا انا من اكون؟؟ مجرد معرفة ماسنجر
خـــــــــواطـــــــــــر مــــــــجـــــــــبـــــــــــورهـ:
افااا عليك .. وانا اللي كنت اسولف بك لبنات عمي
الجرح.. ماتدري إنك أكبر أسبابه؟:
صدق؟شتقولين؟
خـــــــــواطـــــــــــر مــــــــجـــــــــبـــــــــــورهـ:
اولا خليني اقولك من البدايه .. انا رحت لأعمامي اللي عمري ما شفتهم .. واستقبلوني استقبال ولا اروع انا واخوي .. والبنات كثييييييييييييير ماشاء الله وكلهم خفيفات دم وعيال عمي يهبلوووون اخلاق وخفة دم ومقالب..
الجرح.. ماتدري إنك أكبر أسبابه؟:
عيال عمك؟؟؟؟؟؟؟
خـــــــــواطـــــــــــر مــــــــجـــــــــبـــــــــــورهـ:
ايه عيال عمي يجننوووووون هلكنا عبد الرحمن بالمقالب
((عبد العزيز حس سكين داخله مايدري وش هالشعور اللي جاه))
الجرح.. ماتدري إنك أكبر أسبابه؟:
ايه وبعدين؟؟؟
خـــــــــواطـــــــــــر مــــــــجـــــــــبـــــــــــورهـ:
وبعدين دخلت المنتدى من جهاز بنت عمي وقريت كلامك ولايمديني ارد عليك فقررت اتكلم معك بالبيت أحسن واخذ راحتي
الجرح.. ماتدري إنك أكبر أسبابه؟:
من جد؟؟؟انا احسبك مهمشتني
خـــــــــواطـــــــــــر مــــــــجـــــــــبـــــــــــورهـ:
ايو والله من جد ... وبعدين ضحكتيني .. شلون تكتبين مانيب لايمك وانتي بنت المفروض تقولين مانيب لايمتك
((عبدالعزيز صفق جبهته .. انا وين بتوديني آخر اغلاطي ذي))
الجرح.. ماتدري إنك أكبر أسبابه؟:
تعرفين الوحده لاصارت معصبه كل شي يطلع منها
خـــــــــواطـــــــــــر مــــــــجـــــــــبـــــــــــورهـ:
هههههههههههههههههههه ايه انا قلت كذا بعد
الجرح.. ماتدري إنك أكبر أسبابه؟:
وبعدين شي وش هالنك المتفائل؟؟ ماشاء الله دوم
خـــــــــواطـــــــــــر مــــــــجـــــــــبـــــــــــورهـ:
ايييييييييه والله حسيت حياتهم حلوه ليتنا سكنا عندهم مو عند خالي جد روووعه حياتهم
الجرح.. ماتدري إنك أكبر أسبابه؟:
ماشاء الله
خـــــــــواطـــــــــــر مــــــــجـــــــــبـــــــــــورهـ:
يعني هم صح أغنياء اكثر مننا بس تحس انهم جدا عاديين .. انا يوم دخلت البيت وشفت حديقة بيت عمي حسيت انهم بيحذفوني بطماط
الجرح.. ماتدري إنك أكبر أسبابه؟:
هههههههههههههههههههههههههههههههههههههههههههههههههه ههه حلوووووه.. طيب وشلون استقبالهم لك؟
خـــــــــواطـــــــــــر مــــــــجـــــــــبـــــــــــورهـ:
هم مايدرون ان ابوي عنده بنت الله يرحمه ورحبو فيني
الجرح.. ماتدري إنك أكبر أسبابه؟:
تستاهلين كل خير
خـــــــــواطـــــــــــر مــــــــجـــــــــبـــــــــــورهـ:
تسلمين قلبووو.. ههههههههههههههه فاتك عمي يحسب اخوي زوجي كككككككككككك
الجرح.. ماتدري إنك أكبر أسبابه؟:
ههههههههههههههههههههههههههههههههههههههههههه الا على هالطاري هم يعرفون عن سالفتك ؟؟
خـــــــــواطـــــــــــر مــــــــجـــــــــبـــــــــــورهـ:
الصراحه لا...مو عارفه وش بتكون ردة فعلهم .. اخاف يظنون فيني الشينه عشان كذا ماقلت لهم
الجرح.. ماتدري إنك أكبر أسبابه؟:
ماعاش من يظن فيك الشينه.. انتي اكبر من الكلام
(((وريف استغربت هالدفاع ))))
خـــــــــواطـــــــــــر مــــــــجـــــــــبـــــــــــورهـ:
تعالي ماقلت لك
الجرح.. ماتدري إنك أكبر أسبابه؟:
هلا
خـــــــــواطـــــــــــر مــــــــجـــــــــبـــــــــــورهـ:
كبرياء الجرح
((عبدالعزيز حص بغصه))
الجرح.. ماتدري إنك أكبر أسبابه؟:
وش فيه؟؟؟؟
خـــــــــواطـــــــــــر مــــــــجـــــــــبـــــــــــورهـ:
مدري وش يبي مني صرت اخاف منه
الجرح.. ماتدري إنك أكبر أسبابه؟:
ليش؟؟؟؟
خـــــــــواطـــــــــــر مــــــــجـــــــــبـــــــــــورهـ:
يعني انتي فكري معاي ..إنسان ولا عمره دخل قسم الخواطر وفي يوم وليله يدافع عني يوم إنسحبت وكلامه كأنه يعرفني من زمان ..ويجي بعدين ويرشحني للإشراف ويقنع الاداره انها تخليني مشرفه عشان ما أنسحب .. وفوق هذا كله ولاعمره كلمني ولا حتى برساله خاصه .. بصراحه خايفه
الجرح.. ماتدري إنك أكبر أسبابه؟:
خبله انتي؟؟ ليش تخافين يمكن انه يتابعك من ورا الكواليس وبعدين هذا بالذات لاتخافين منه
خـــــــــواطـــــــــــر مــــــــجـــــــــبـــــــــــورهـ:
وش معنى يعني هذا بالذات؟؟؟
((عبد العزيز: يلعن ام الوهقه ..انا شكلي بطب في بطن نفسي من هالأغلاط))
الجرح.. ماتدري إنك أكبر أسبابه؟:
يعني احسه مايخوف لانه يمزح دوم وينكت ماهوب راعي جد
خـــــــــواطـــــــــــر مــــــــجـــــــــبـــــــــــورهـ:
وهذا اللي مخوفني.. بس ماعليك طمنيني عليك شخبارك؟
’,
’,
سلمان: فجر.. شخبار صديقتك؟
فجر اللي كانت تتفرج عالتلفزيون قصرت عالصوت: نعم؟؟
سلمان: اممم اقول شخبار صديقتك؟؟
فجر: بخير الحمد لله وتوها رجعت من عند أعمامها .. تصدق اول مره اشوف وريف مستانسه بحياتها يعني تخيل انها تضحك من قلبها يوم كلمتها من يوم عرفت وريف ما ضحكت من قلبه
سلمان: وش سر هالسعاده؟
فجر: اكيد اعمامها .. هي ماقالت لي يوم كلمتها كانو عندها بنات اعمامها بس ضحكهم حولها حماس
سلمان: ليش ماتسكن عندهم؟
فجر: صعب.. لأن امها مشلوله وماتقدر تروح هناك وماعندها خدامه ترعاها
سلمان عقد حوجبه: يعني هم فقراء؟؟؟ بيتهم مايدل على كذا
فجر تضايقت من كلمة فقراء: لا ياسلمان مو فقراء .. الا خالها من أغنى عوائل الرياض بس هي تصرف على نفسها وعلى أمها من مكافئتها الجامعيه ..ماتبي منة احد
سلمان: ماشاء الله عليها .. ليش ماتتزوج ماتستاهل هالتعب
فجر: بيني وبينك ياسلمان مافيه رجال بيقبل في بنت مطلقه ليلة عرسها ..
سلمان: هذا وانتي صديقتها تقولين عنها كذا
فجر دمعتها بعينها : ينقطع لساني اذا قصدت اللي انت فهمته .. انا قصدي ان مجتمعنا مايسمح للبنت والولد يتعرفون على أخلاق بعض قبل العرس
سلمان: مو مجتمعنا اللي يقول كذا .. هذا ديننا الاسلامي
فجر: اوووكي يبه ديننا ولا يهمك .. يعني مايقدر الولد يحكم عليها الا من خلال كلام الناس صح ولا لا؟؟
سلمان : صح
فجر: يعني الناس بيقولون وريف اللي تطلقت ليلة عرسها
سلمان: صدقتي... بس هي ماتستاهل تتعذب بهالشكل.. هي مالها ذنب ان نصيبها متردي بالعرس .. ولا لها ذنب ان ابوها توفى ...الا وشلون خالها معها؟؟
فجر: خالها طيب .. واخوها طيب .. وبنت خالها صارت هالايام طيبه .. بس مرة خالها الله لايبارك فيها يااااارب
سلمان: ليش؟؟؟؟
فجر: منكده عليها عيشتها .. كل ماشافت وجهها تذلها انها لمتهم من الشارع على قولها
سلمان يهز راسه بأسف : لا حول ولا قوة الا بالله

سرح سلمان يفكر .... فجر تتكلم وتتكلم وهو ولا هنا آخر شي صرخت فجر
فجر: سلماااااااااااااااني
سلمان: هاا وشهووو؟؟
فجر: وش تفكر فيه لي ساعه اتكلم وانت ولا انت معي
سلمان: اللي افكر فيه... بتعرفينه قريب ... تامريني بشي؟؟؟
فجر بإستغرراب: سلامتك
سلمان قام من عندها : تصبحين على خير
أخذ جواله وطلع..
فجر وهي قايمه بتطع لغرفتها : وش فيه سلمان يسوي مثل المسلسلات


عبد العزيز بعد تفكير طويل... حسم قراره .. وحدد موقفه وقرر يعترف لوريف .. وان شاء الله انها هي تعلقت فيني .. يعني خلاص انا ما اقدر اصبر على كذبتي اكثر
أخذ نفس ...
وفتح ايميله ولا لقاها ..
قرر ينتظرها لين تدخل ..
اليوم لازم اقولها واريح نفسي من هالهم ..
وبإذن الله انها ترضى تكلمني .. او اقل شي اعرف هي من هي بنته عشان لا رجعت المملكه اسأل عنها وأخطبها

يتبـــــع ..







   

رد مع اقتباس
قديم 20-02-2009, 09:24 AM   رقم المشاركة : 18
معلومات العضو
مَآلے مِثَيِل © ~
مُشرفة سابقه
 
إحصائيات العضو








مَآلے مِثَيِل © ~ غير متواجد حالياً

 
إحصائية الترشيح

عدد النقاط : 81
مَآلے مِثَيِل © ~ will become famous soon enough

 

 

افتراضي إضافة رد: لاقلت أحبك إسكتي وإحضنيني / روايه كامله

’,
’,
وريف: ههههههههههههه والله يايمه ولد عمي عبد الرحمن يجنن يجنن .. رغم انه طير عقلي بهالصراصير بس رهيب
شادن: انا مدري شلون استحملتيه .. لو أنا كان ذبحته
ام وريف: ااااااااااااااااااااه امنية ابوك يوديك لبنات عمك كانت
وريف تاثرت: خلاص يمه .. وهذا انا حققت امنيته .. بسك يايمه من النكد .. والله بنات عمي عايشين احسن عيشه طول اليوم ضحك بضحك الايام تمنيتها تطول وانا عندهم
شادن: يعني قصدك بيتنا نكد بنكد؟؟
وريف: انا ماقصدت كذا .. بس والله تمنيتك تكونين معي عشان تنبسطين ..((وابتسمت وريف)) تراهم يسلمون عليك
شادن استانست: يعرفوني؟؟
وريف: ايه يعرفونك((((والتفتت على امها)))) الا يمه وش سالفة عمتي مريم؟؟؟
ام وريف ابتسمت حتى بانت لمعة أسنانها : ايييييييييييه يابنتي هذي اختي اللي ربي مارزقني اياها ..
وريف: والله؟؟ علميني عنها ماشفتها
قامت ام وريف تحكي عن مواقف مريم عمة وريف مع ام وريف الحلوه .. وكيف كانت مريم دلوعة ابو وريف.. راحت ساعتين وام وريف تسولف وشادن ووريف مستمتعين بالسالفه
وريف: ياحبي لها .. لازم آخذ رقمها من بنات اعمامي .. حبيتها قبل اعرفها
ام وريف: ايو والله نفسي اكلمها
وريف صفقة جبهتها : يوووه على طاري بنات عمي اميلاتهم عندي لازم اضيفهم اللحين
شادن: اهاا اجل اطلعي ضيفيهم وسلمي عليهم
وريف : من عيوني... يمه بس عطيني ربع ساعه اضيفهم وآخذ لك رقم عمه مريم واجيك نتصل عليها سوا
ام وريف: زين يابنيتي

طلعت وريف تركض فتحت شنطتها لقت ايميلاتهم مسجله بورقه...اضافتهم كلهم وطلعت اون لاين ودخلت عليها أسيره


’,أعـــــــــــــــــــــــــتـــــــــــــــــــر ف لـــــــــــــــــك’,:
السلام عليكم
للسعاده وطن ... ووطنها بين أضلعي .. في قلبي:
هلا وغلا وعليكم السلام
’,أعـــــــــــــــــــــــــتـــــــــــــــــــر ف لـــــــــــــــــك’,:
ماشاء الله وش النك .. وريف ماشاء الله عليك من يوم رجعتي من عند اعمامك وانتي مبسوطه
((وريف: هذي من وين عرفت اسمي؟؟؟؟ غريبه))
للسعاده وطن ... ووطنها بين أضلعي .. في قلبي:
ايه الحمد لله حسيت ان الحياه حلوه .. الا من وين عرفتي اسمي؟؟
((عبد العزيز : انا داااااري اني بجيب العيد .. اففففف))
’,أعـــــــــــــــــــــــــتـــــــــــــــــــر ف لـــــــــــــــــك’,:
اممممم مدري شقولك بس اتمنى تسمعين القصه كامله
للسعاده وطن ... ووطنها بين أضلعي .. في قلبي:
قصه؟؟؟ أي قصه؟؟؟ شسالفه أسيره؟؟؟
’,أعـــــــــــــــــــــــــتـــــــــــــــــــر ف لـــــــــــــــــك’,:
طالعي نكي.. اعترف لك ..
للسعاده وطن ... ووطنها بين أضلعي .. في قلبي:
حلو .. اش فيه؟؟
’,أعـــــــــــــــــــــــــتـــــــــــــــــــر ف لـــــــــــــــــك’,:
انا .. ابعترف بشي بس اوعديني انك تسمعيني للأخير
((وريف خافت ...))
للسعاده وطن ... ووطنها بين أضلعي .. في قلبي:
شسالفه ترى اقلقتيني
’,أعـــــــــــــــــــــــــتـــــــــــــــــــر ف لـــــــــــــــــك’,:
اول اوعديني تسمعيني للأخير
للسعاده وطن ... ووطنها بين أضلعي .. في قلبي:
وعد أسمعك للأخير ((وحاطه وجه مصدوم))
’,أعـــــــــــــــــــــــــتـــــــــــــــــــر ف لـــــــــــــــــك’,:
أول شي ابعترف لك فيه إني ماني أسيرة الذكريات
للسعاده وطن ... ووطنها بين أضلعي .. في قلبي:
اجل من؟؟؟
’,أعـــــــــــــــــــــــــتـــــــــــــــــــر ف لـــــــــــــــــك’,:
انا...كبرياء الجرح
(((الصدمه غيمت على عيون وريف .. وشلون أنخدع كل هالفتره من واحد وقح....))
’,أعـــــــــــــــــــــــــتـــــــــــــــــــر ف لـــــــــــــــــك’,:
وينك؟؟؟تسمعيني؟؟؟ ولا طلعتي
للسعاده وطن ... ووطنها بين أضلعي .. في قلبي:
انا مانيب قاعده احتراما لك.. انا ابقعد احتراما لكلمتي ووعدي...
’,أعـــــــــــــــــــــــــتـــــــــــــــــــر ف لـــــــــــــــــك’,:
المهم تقعدين وتسمعيني.. الاعتراف الثاني .. انا عمري ما كتبت خاطره بس يوم تعرفت عليك إقتحمت عالم الكلمه وانتي السبب بكذا
((وريف دموعها على خدودها اربع اربع ))
((عبد العزيز انتظر رد .. بس ماردت قرر يكمل كلامه))
’,أعـــــــــــــــــــــــــتـــــــــــــــــــر ف لـــــــــــــــــك’,:
الاعتراف الثالث .. عرفت اسمك من مره كنتي حاطه مسج تلقائي تقولين فيه انك تحت واللي تبيك تتصل على جوالك واخر شي وريف
((وريف تلوم غبائها .. وسذاجتها))
’,أعـــــــــــــــــــــــــتـــــــــــــــــــر ف لـــــــــــــــــك’,:
الاعتراف الرابع وهو المهم ...
((وريف تنتظر هالاعتراف بس ماتبي تتكلم معاه))
’,أعـــــــــــــــــــــــــتـــــــــــــــــــر ف لـــــــــــــــــك’,:
اني حبيتك .. بكل ماخلقني اياه من مشاعر حبيتك .. صرتي عايشه بتفكيري طول اليوم .. اتمنى ما تقاطعيني او اقل شي اعرف انتي بنت من عشان اخطبك من اهلك

وريف سوت اللي كانت ناويه عليه من اول ماعرفت حقيقته .. بلوك وديليت ...مسكت راسها وصرخت : لييييييييييييييييييييش ياربي وش معنى انا؟؟؟ ما اقدر أثق في أحد آآآآه انسان حقير ... من غبائي رحت افضفض له همومي على بالي بنت ..عرف مشكلتي اللي اعمامي ماعرفوها ... عرف عن حياتي الخاصه اشياء حتى فجر ماتعرفها آآآآآآآآآآه ليش حظي كذا ... حظي رماني بدنيا وحوووووش كل من يبي يستفيد .. هذا موب بعيده يهددني بالكلام والمحادثات اللي عنده .. الله يلعن المنتدى
مرت ربع ساعه .. ونص ساعه ... وساعه ... وساعتين.. ووريف مانزلت مثل ماوعدت أمها ...
شادن: عمه .. اروح انادي وريف شكلها لهت بالسوالف مع بنات عمها
ام وريف: ههههههههه الله يقرب قلوبهم على بعض..روحي ناديها خاطري اكلم مريم
قامت شادن وطلعت للدور الثاني كانت غرفة وريف مقابله الدرج على طول .. راحت شادن وحاولت تفتح الغرفه بس ما انفتحت .. دقت الباب بس ما احد رد .. قلقت .. قامت تطق الباب بقوه أكبر بس ماسمعت الا صرخة وريف: روحو عنييييييييييييييييي ما ابيكم ما ابي احد
شادن : وريف .. افتحي اش فيك؟؟
وريف وصون بكاها مايتخبى : والله اذا مارحتي عن الباب اذبح نفسي ارتاح من هالدنيا
شادن تخرعت .. وش فيها البنت توها كانت اش زينها ...
شادن: لالالالا خلاص ابنزل

نزلت شادن وجهها مخطوف
ام وريف: هاه يمه نايمه؟؟
شادن تتكلم بشرود: هاا .. ايه طقيت عليها ولقيتها نايمه
ام وريف: هههههههههه صايره كيس نوم
قعدت شادن وهي مو عارفه وش تسوي خايفه ان وريف تسوي بنفسها شي ...

وريف بعد 7 ساعات متواصله من البكا والدموع .. ما تقدر تشتكي همها لفجر .. لأن فجر من البدايه حذرتها من هالاسيره ..اللحين بتلومني زياده ..
بعد ماهدت فتحت المنتدى وراحت لقسم النقاش الجاد.. اول مره تدخل قسم غير قسم الخواطر..
فتحت موضوع جديد وكتبت..
((مساء جدية الشعور.. مساء الكلمه الفاصله .. مساء الحرف الصريح .. لا مكان هنا للمشاعر ..
الليله سأسمح لنفسي بالتبعثر خارج وطن الخواطر والنثر .. اعلم أن عودتي لوطني ستكون قريبه .. ولكن لا يمنع هذا من السياحه لقسم النقاش الجاد..
لدي الرغبه اليوم بالحديث عن السذاجه التي تسكن بعضنا وننعتها بالطيبه..
لدي الرغبه اليوم بمواجهة الحقاره التي تقبع بكبريائهم ..
لدي الرغبه لكسر الطموح الذي يستحوذ على تفكيرهم ..
طموح أن يصبحو شئ.. وهم في الواقع لا شئ ..
حينما تواجهك ورقه تستمع برؤية بياضها لتكتشف بأن هناك سوادا يلطخها .. ولكن اكتشافك هذا كان في الوقت ((بدل الضائع))
ماذا تعمل بهذا الانسان .. أقصد .. ماذا تعمل بهذه الورقه ..
هل ستمزقها وتلقي بها في سلة المهملات وتكمل طريقك بكل شموخ .. أم أنك ستبقى مكانك حيث الصدمه تعطل تفكيرك .. ؟؟
ارجو من الجميع لمشاركه بالنقاش الاول والاخير لي..
ورده لكل من كان هنا ...
خواطر مكسوره))

نرجع لعبدالعزيز شوي..
طلعت وريف من عنده .. عرف انها مسويه له بلوك .. ومايستبعد الديليت ..أكيد خسرت احترامها لي... طيب انا شسوي .. لازم يجيها يوم وتعرف الحقيقه ..إذا مو مني ..أكيد من اغلاطي الغبيه ..بخليها يومين واذا ماشالت البلوك ابرسل لها عالايميل ... او عالمنتدى اذا اضطريت ..آآه ياوريف وش سويتي فيني
راح عبد العزيز يتمشى في المنتدى من ضيقته يقرا المواضيع ولا يدري هو وش يقرا .. يحاول يسلي نفسه عن همه .. بس كان الهم مسيطر عليه .. وريف موب عنيده واكيد بعد كم يوم بتسامحني وأنا مابقي لي كثير كلها شهر وأرجع السعوديه وأخطبها من أهلها
فجأه شاف موضوع بالنقاش الجاد بعنوان ((سذاجه وحقاره)).. ماهمه العنوان كثر مالفت انتباهه الاسم اللي تحت العنوان ... خواطر مكسوره .. هذي وش جايبها هنا؟؟
فتح الموضوع وبدا يقرا .. ياربيييييييييييييه وش هالكلمات .. وش هالألفاظ .. لو جابت سكين وغرستها بقلبي أرحم من هالكلام ... اكيد تقصدني أنا ... الا مليون بالميه ..هذي تستخف برجولتي..
بس اللي انا سويته مو شويه.. ضحكت عليها ... وعلى مشاعرها فتره موب قصيره .. عرفت اسمها وحاولت اعرف عائلتها مستغل طيبتها اللي فعلا بهالمواقف تكون سذاجه.. حتى لو غلطتي كبيره أنا ما أستاهل هالكلام القوي الجارح ..
فتح عبد العزيز على رد جديد وكتب
((أختي خواطر..
شكرا لعبق حروفك التي عطرت القسم ..لا أنكر ان للقسم جماله .. ولكن وجودك فيه زاده جمالا وروعه..
تساؤلك واضح .. وصريح وأعتقد أن الرساله وصلت..
سأجيب على تساؤلك..
لماذا لا أضع نفسي في كرسي الطرف الاخر .. أي بمعنى .. مالذي جعل هذه الورقه تتلوث بسواد الزمن.. ربما لا حول لها ولا قوه.. ربما غلطه لوثتها .. ربما هذا السواد جاء لأن لا كامل الا وجهه تعالى ..
ربما .. وربما .. وربما .. وشكوك كثيره ... وإحتمالات أكثر .. ولقطع الشك باليقين سأجلس مع الطرف الاخر .. وأستمع له حتى أقتنع بطهارته ..أو أقنعه بنجاسته
شكرا لرحابة صدرك..
اخوك ..كبرياء الجرح))

بعد ما كتبت وريف موضوعها نامت .. حست انها طلعت شوي من اللي بقلبها ...

عبد العزيز كان رده ثالث رد .. ياربيه انا داخل الموضوع مافيه الا انا أمداهم يدخلون ويردون الناس..
جاء المشتكي حبه وقرا الموضوع ...
استانس.. حس انها كتبت هالكلام والمشاعر معميتها .. وعشان كذا ما انتبهت للي قاعده تكتبه
فتح رد جديد وأول شي سواه حط ابتسامه بأول سطر وثم

((

اختي خواطر
سمعنا بالأزل ..أن الاعتراف بالحق فضيله .. حينما تنحني الهامه أمام الملايين لنعلن بأننا خُدعنا .. بأننا في لحظة ضعف كنا غايه بالسذاجه.. هذا بحد ذاته إنجاز ..لأن الشجاعه بتطبيق ((قل الحق ولو على نفسك))
اختي عزائي لك بموت مشاعرك حينما أعلنتي لا مكان للمشاعر هنا ..
هنيئا لمن قتل تلك المشاعر .. ليس كرها مني لك.. بل بالعكس لأنه أثار قلمك ليكتب في النقاش لنستمتع بكتاباتك
أظن بأن طريقة القتل كانت محترفه للغايه لأنه جعلك تتخلين عن طريقك بعالم النت الذي طالما كنتي تتباهين به
اخوك.. المشتكي حبه))


عبد العزيز كان مداوم على الموضوع .. خاف أحد يفهم إنه المقصود .. قرا رد المشتكي وجن جنونه هالحقير هالوقح شلون يتكلم عنها كذا .. هذا لازم ينحذف رده .. وريف مو ناقصه .. لازم ينحذف الرد قبل تشوفه وريف لاااااااازم
كتب عبد العزيز رساله خاصه لمشرف النقاش عشان يحذف رد المشتكي .. بس كان رد المشرف ان المشتكي ماقال شي غلط .. هي بنفسها كاتبه عن السذاجه بالموضوع ... وبعدين اذا صاحبة الموضوع طلبت الحذف راح أحذفه لها
عبد العزيز مسك راسه :آآآآآآآآآآآآآآآآخ بينفجر راسي .. كل هذا بسببي... بس صادق المشتكي.. انا قدرت اغير طريقة وريف بالكتابه .. يعني انا قتلت مشاعرها؟؟؟آآآآآآآآآآآآآخ شهالحاله والله ماقصدت

بعد ساعتين فتحت وريف السجن اللي حبست نفسها فيه ...
راحت لأمها : سلام يمه
امها كانت تتفرج عالتلفزيون : هلالالالا وغلالالالا حبيبتي وش هالنوم
وريف عيونها منفخه من البكا :شفتي عاد.. وشلونك انتي
ام وريف بإستغراب : يمه وش فيها عيونك .. إنتي باكيه؟؟
يووووه كيف قلب الام يحس:لالا يمه مافيني شي
شادن توها داخله الصاله تناظر وريف بزعل
وريف: شدوووون ياشينك وانتي ماخذه بخاطرك
شادن ابتسمت لها وقامت جلست جنبها : اموت واعرف وش فيك؟
وريف: انا دايم كذا نفسيه ههههههههههههههه

وريف صح كانت تتغصب عالضحك .. بس هي من توفى أبوها ماخلت أحد يشوف ضعفها .. من توفى أبوها ماسمحت لأحد إنه يتشمت بدموعها

بعد ما تأكدت وريف ان شادن مو زعلانه عليها .. وبعد ما سولفت مع أمها شوي طلعت تشوف أصداء المناقشه .. هذا أول نقاش لها ..
فتحت المنتدى وقرت الرد الاول وردت عليه كان رده عادي..
الرد الثاني.. وكان من مشرف النقاش يرحب بطلتها بالقسم وردت عليه..
الرد الثالث من كبرياء الجرح..قرته .. وله وجه يرتز بمواضيعي بعد .. انا لو مو خايفه احد يشك من المنتدى كان قلت للمشرف يحذف الرد .. حسبي الله عليه ونعم الوكيل .. وانا اشوفه كل شوي غلطان بكلمه ... كل شوي قاط كلمه طلع ولد .. الله يوريه بإخته عشان يعرف يقدر بنات الناس..سوت إقتباس لرده وردت عليه..
((هلا اخوي
اتمنى ان الرساله من جد تكون وصلت للي ابيها توصل لهم ..
مشكور على مرورك وردك .. وردي بالعامي لأني اعرف ان مالك خبره بالفصحى..))
مشت بالردود الرابع .. الخامس.. السادس..
.. الســـابـــــع..
السابع كان رد المشتكي .. قرته وانصدمت .. هذا وشلون يكتب كذا؟؟ انا مشاعري مقتوله .. ومن قتلها ؟؟؟ انسان تافه ضفته عالماسنجر ... الا والله تخسي انت واياه... انا غبيه تسرعي بالكتابه بهالنقاش فضحني .. اللحين كبرياء الجرح على باله انه غالي عندي .. حسبي الله عليك من رجال يالمشتكي..وانا انحت هامتي يال***...
أخذت نفس لين هدت وسوت اقتباس وردت عليه..
((لا أعلم هل أحادثك بلغة المشاعر التي تمت تنحيتك من حمل لوائها لسبب تعرفه..
أم أحادثك بلغة الذكاء التي لا أظنك تجيدها ..
أم أحادثك بلغة الشموخ الذي لا أعتقد بأنك تعرفه ..
ولو كنت تعرفه .. لآمنت بأن من يحمل صفة الشموخ أمثالي .. لا ينحني .. بل يقف صامدا لتصطدم به كل عقبات الحياه وتنحني هي ليعبر فوقها متخطيا اصعب المواقف للوصول الى الغايه وتحقيق الهدف ..
فـ كيف تنعتني بالإنحناء.. لا يقع اللوم عليك .. فمن لايعرف صفة الشموخ يجهلها ...
اما عن حديثك عن قتل مشاعري... فمن تكون لتحلل مشاعري .. أو لأسمح لك بالتطاول عليها .. اتمنى أن تعزي نفسك لشيئا لك قد كُسر في هذه الصفحه بأعين الناس..
الشئ الوحيد الذي إكتسبته من ردك هو بأنني إقتنعت بأن لكل بياض سواد يخدشه .. وبياض نقاشي لا يهزه سواد ردك ..
خواطر))







   

رد مع اقتباس
قديم 20-02-2009, 09:24 AM   رقم المشاركة : 19
معلومات العضو
مَآلے مِثَيِل © ~
مُشرفة سابقه
 
إحصائيات العضو








مَآلے مِثَيِل © ~ غير متواجد حالياً

 
إحصائية الترشيح

عدد النقاط : 81
مَآلے مِثَيِل © ~ will become famous soon enough

 

 

افتراضي إضافة رد: لاقلت أحبك إسكتي وإحضنيني / روايه كامله

كلامها كان قوي .. وباين إنها ما تأثرت بكلام هالتافه المشتكي.. بس إن كان اعتراف كبرياء حطمها مره.. فـ رد المشتكي .. حطمها ألف مره.. الحقير يعرف لعبة الشعور وفاهمها ..فهم قصدي .. عرف اني انقتلت .. عرف اني متحطمه من موقف.. يااااااااااارب كبرياء مايكون فهم اللي يقصده المشتكي..
قرت الرد اللي بعد المشتكي.. كان من وحده إسمها ((حولا بس مركزه))
اسمها يضحك .. بس مالي نفس أضحك
الرد كان
((صاحبة السمو الشعوري..
خواطر مكسوره..
شعورك مهيمن على كلماتك التي تعتبرينها صريحه ومواجهه.
صفاء روحك رأيتها بموضوعك الذي تعمدتي فيه الجديه..
يالروعة جديتك.. تشبهك تماما..
فـ هي صافيه كصفاء روحك ..
حازمه كعقدة حاجبيك..
بريئه كإبتسامتك..
شــامــخـــه..
كحزنك..
....
<<اعرف أصف حكي بنت عمو؟؟؟
ههههههههههههه يلاا هذا اللي طلع معي نص ساعه وأنا اعصر مخي..
بنت عمك الحلوه اللي تبدا بحرف اللام وبين قوسين راعية الدبابيس<<وجه يغمز ))

وريف قرت الرد وتفجرت ضحك .. هالخبله وش مخبصه هههههههههههههههههههههههههههه أجل بنت عمك الحلوه اللي تبدا بحرف اللام راعية الدبابيس آآآآآآآآآآآآه يابطني لميس ذي موب صاحيه .. الله يسعدها مثل ماضحكتني هههههههههههههههههههههههههههههههههههههههههههههه
ذي فضيحه .. ليتني ماعلمتهم اني خواطر آآه يابطني هههههههههههههههههههههههههههههههههههههههه
فكرت وريف شوي
وريف:بس حلو.. حلو مررره.. اللحين إذا قرو رد لميس بيحسون إن فيه جانب مشرق بحياتي .. وإني انا ماسمحت لهم يعرفون هالجانب..يعني جملة قتل الشعور اللي تكلم فيها هالبهيمه المشتكي .. بتتبخر من أذهان الناس بعد رد لميس..

إقتبست رد لميس وكتبت
((حبيبتي .. كنت ناويه اذا شفتك أمردغك بعقال اللي خبرك عشان تعرفين تردين زين أجل راعية الدبابيس..ههههههههه الله يرجك..
بس عشان خاطر الكلام الحلو اللي كتبتيه بسامحك بس بشرط انك تردين رد ثاني تجاوبين فيه على تساؤلي
سلمتي ياقلبي عالرد))
ارسلت الرد وهي حاسه ان الجمهور بينصدم من ردها ...

لميس قرت رد وريف وماتت من الضحك واتصلت على وريف
وريف: الله يرج ابليسك
لميس: ههههههههههههههههههههههههههه طيحت هيبتك يقولون عندها بنت عم مخفه
وريف: يالدبببببببببببه اصلا من النك نيم أغسل يدي منك ههههههههههههه
لميس: ههههههههههههههه فديتك بس موضوعك جنان .. يالله عاد وش رايك بردي تحسيني مثقفه؟؟
وريف: الصراحه ايه
لميس: بلاك ماتدرين
وريف: وشهو؟؟
لميس: انا وأمة لا اله الا الله متجمعين عشان نكتب رد مثقف مثلك
وريف: هههههههههههههههههههههههههههههههههههههههه الا على هالطاري بسألك
لميس: سمي ؟؟
وريف : وين عمتي مريم ؟؟
لميس: هاااه ؟؟
وريف : عمتي مريم وش فيك؟؟
لميس: من قال لك عليهااا"؟
وريف : لمييييس علامك؟؟ امي قالت لي
لميس صوتها تغير : توفت من كم سنه بالخبيث
وريف دمعت عينها : الله يرحمها ويغفر لها يارب

عبد العزيز قرا رد وريف عليه .. وجرحته انها تتكلم معاه بالعامي .. ليش انا جاهل؟؟؟
وصل رد وريف على المشتكي حبه .. كان هذا الرد الوحيد اللي خفف عنه ضيقته .. حس وريف انها ماتأثرت ولا انجرحت منه .. بس وريف تكابر
وصل رد حولا ومركزه وانصدم ان هذي بنت عمها ... خخخخ صدق مرجوجه .. ماتنلام فيكم وريف ..
قرا رد وريف على بنت عمها بس إنصدم من كلمة ((أمردغك بعقال اللي خبرك))
اكيد تقصد ولد عمها عبد الرحمن... اكيييييييييد هو .. معقوله حبته عشان خفة دمه؟؟؟ وانا وش دخلني؟؟؟
دخلني اني احبها .. احبها وابي اتزوجها .. حتى لو ماكانت حلوه يكفيني طيبتها .. اسلوبها .. تحملها للظلم اللي عايشته طول هالسنين
’,
’,
مرت يومين والردود عالنقاش كانت تتزايد ماشاء الله .. وعبد العزيز مدوام عالموضوع أكثر من صاحبة الموضوع..
راح يطل عالمتواجدين.. شاف خواطر مكسوره تنزل خاطره بقسم الخواطر
بـــــــــــــــــــــــــس!!!
هذي الخاطره هي اللي تحدد موقف وريف مني أكيد هدت ثورة مشاعرها اللحين ..
كان على نار .. ربع ساعه هي المده المستغرقه بكتابة الخاطره نزلت الخاطره كان عبد العزيز يسوي تحديث لقسم الخواطر لين شافها نازله كانت بعنوان
((لماذا ياهذا))
عبد العزيز:أكيد تقصدني ...

فتحها وقراها
(( لماذا ...
لماذا يحدث بي هذا؟؟
منذ فراقنا ..
وأنت تسكن هنا ..((بالقلب))
من فراقنا .. وملامحك تسكن كل وجه أصادفه..
منذ فراقنا.. وكلماتك تسكن كل صوتا أسمعه ..
منذ فراقنا .. ونظراتك تقبع بكل عين أراها..
منذ فراقنا .. وإسمك مرتبط بكل اغنية حب أسمعها..
نعم إستعمرتني ..إستوطنني عشقك .. لم أعد قادره على العيش من دونك..
أحبك .. أحبك .. أحبك ..
نعم فأنا أعني ما تقرأه ..
رغم خذلانك .. رغم جفاف صدك .. رغم إبتعادك القاسي .. رغما عني أحبك
فهل تسمعني يا هذا ؟؟

خواطر))

عبد العزيز قراها والصدمه غيمت على ملامحه الجذابه... خاطره في زوجها ... مو فيني .. هالخاطره يعني انها نفذت اللي قالته .. اني مجرد ورقه رمتني بسلة المهملات وتعدتني... تقول احبه....تحبه... يمكن تبي تقهرني؟؟
لااااااااااااا طموحي كبير انا.. وش انا بالنسبه لها عشان تقهرني..
انا اللي طيحت نفسي بهالورطه ليتني ماعرفتك ياوريف ... الله يلعن التحدي اللي طيحك بدربي.. مدري طيحني بدربك
كان ناوي يرد عليها بس جاته فكره..
... ليش ما ارد عليها بخاطره بدل رد بالموضوع عشان تكون هي الوحيده اللي تفهم ان هالكلام لها ولا تقدر تحرجني اصلا..
فتح موضوع جديد وكتب خاطره بعنوان ((لأني أحبك))
((لأني أحبك..
يقتلني مجرد التفكير بأنه يحبك .. وتحبينه..
أحبك.. أعلم بأنك لستِ قدري .. ولست قدرك..
ولكنك كنتِ إختياري..
إليك يامن علمتني أبجدية الحب ..
إليك أيتها المسيطره على أحلامي.. الساطيه على خيالاتي .. إليك أفجر حرفا لغمتيه بقلبي .. إليك اكتب كلمة تسببتي بوجودها .. إليك أسطر جملة لولاك لما عرفتها ..
إليك حروفي ... وكلماتي ..... وجملي ..... فهي منك ...وإليك..
عرفتك فأحببتك ...أحببتك فأدركت بأنه قدري أن أظل على قارعة الطريق انتظر قافلة الحب التي تحملك إلي.. قدري أن انتظر تلك القافله رغم إيماني بعدم مرورها وإستحالة أن يحدث هذا ..
إحساسي بإنتظارك يكفيني يا wحبيبتيw
كبرياء الجرح..))

كتب الخاطره وبدون مايراجعها ارسل الموضوع ..وقفل الاب توب بكبره ..
راح لغرفة فيصل اللي كان يسوي بحثه على لاب توبه .
عبد العزيز : فيصل ممكن؟؟
فيصل: هلا عزوز تفضل
عبد العزيز :أحس اني مخنوق.... ممكن نطلع





فيصل: وبعدين؟؟؟ لك ربع ساعه ساكت شسالفه؟؟
عبد العزيز حاط يدينه عند دقنه وساكت:........................
فيصل: نعنبو ابليسك جايبني من الشقه لهالمطعم عشان تسكت؟؟ وش السالفه .. محتاج شي؟؟؟؟
عبد العزيز هز راسه بالنفي وهو ساكت
فيصل: عزوز.. اهلك فيهم شي؟؟؟
تكلم اخيرا عبد العزيز : مو اهلي اللي فيهم هذا اللي فيه شي ((ويأشر على قلبه))
فيصل: قلبك؟؟؟ سلامتك
عبدالعزيز :حبيتها
فيصل: من هي؟
عبدالعزيز بتعب: ورررررررررررررررريف
فيصل: خواطر؟؟؟؟
عبدالعزيز:ياليتني ماقبلت التحدي.. ليت ربي أخذ عمري قبل أرسل لها ايميلي
فيصل مو فاهم اللي يسمعه: بسم الله عليك
عبدالعزيز: فيصل..أنا وصلت مرحلة اني عشقتها .. تتخيل اني بنومي أحلم بها ... ما اقدر اذاكر الا بعد ما أكلمها
فيصل: ياخي فهمني
عبدالعزيز: بعد ما تأكدت من مشاعري لها اعترفت لها اني ولد واني كبرياء الجرح
فيصل طارت عيونه: ووش سوت؟
عبدالعزيز: ماردت علي وطلعت ..أظنه بلوك وديليت
فيصل: اوف
عبدالعزيز: لقيتها كاتبه موضوع بالنقاش الجاد
فيصل: احلى وش هالتطور
عبد العزيز: والنقاش كله كلام جارح فيني
فيصل: كتبت انه لك؟؟
عبدالعزيز: لا بس تقول حقاره تسكن بكبريائهم .. والكلام سكاكين
فيصل: تعلمني فيها ذي ملسونه ..
عبدالعزيز ابتسم : ورديت عليها قلت لازم تسمعين الطرف الثاني.. وردت علي بالعامي يعنني جاهل ....عورت قلبي
فيصل: طيب
عبدالعزيز: واليوم نزلت خاطره بزوجها
فيصل طارت عيونه: منهو زوجها؟؟؟؟؟؟؟؟ هي متزوجه؟؟ وش دراك ياللعين
عبدالعزيز تذكر انه عطاها وعد مايقول لأحد عن مشكلتها
عبدالعزيز: اممممم انسى السالفه
فيصل انصدم : وش اللي انسى السالفه تكلم وحده متزوجه .. وتحبها افاااا ياعبدالعزيز ... ماترضاها على نفسك ولا هقيتها منك
عبدالعزيز توهق .. فيصل فهمني غلط ياربي .. وريف سامحيني بس لازم افهمه
عبدالعزيز: فيصلوه ماني ناقصك تراي.. البنت كانت متزوجه وتطلقت عرفت؟؟
فيصل: اهااا على بالي
عبدالعزيز: تو الناس تفهم.. المهم الخاطره في زوجها يعني عبدالعزيز ماغير ولا نتفه بشعورها تجاه زوجها
فيصل: طيب وش ردة فعل عبد العزيز؟؟
عبدالعزيز: عبد العزيز يحس انه **** .. وغبي .. ومغفل .. بس يحبها
فيصل: هههههههههههههههههههههههه
عبدالعزيز: والله اني صادق
فيصل: وش سويت؟؟ اكيد رديت عليها
عبدالعزيز: ايه بس هي خاطرتها بعنوان لماذا ياهذا.. وانا خاطرتي بعنوان لأني أحبك
فيصل: اهاا رديت عليها بخاطره؟
عبدالعزيز: بالضبط كذا
’,
’,
الشي اللي مايعرفه عبد العزيز .. ان هالخاطره قديمه لوريف .. حاولت تكتب شي جديد عشان تثبت لعبدالعزيز اولا ثم الناس انها ما تأثرت بالموقف . بس ماقدرت الحروف ما طاعت تطبع ..إضطرت انها تكتب هالخاطره القديمه عندها..قرت عنوان خاطرة كبرياء الجرح لأني أحبك.. هذا يرد علي .. مسوي ذكي يعني.. ماني قاريتها وخليه يولي..
بس اللقافه كانت تلح على وريف ايلين قرت الخاطره وانصدمت من الكلام...
حست بشي غريب.. وكاتب حرفي بعد جنب حبيبتي.. مسوي لي فيها عنتر زمانه.. يعنني حبيتك.. أي حب هذا اللي يجي من الانترنت .... هي مشرفة قسم الخواطر ولازم ترد عليه افففف ال**** عرف يلعبها صح .. هو متأكد اني راح اقرى الرد وراح افهمه ...
تكتب الرد.. وترجع تمسحه .. تكتب وتمسح .. تمسح وتكتب.. ياربيه ليش يصير معي كذا..
آخر شي رست على بر وكتبت
((مساء الكبرياء ..
بما إنها أول خاطره ترسو بها على شاطئ الخواطر..
سأعتبرها محاوله جيده.. بل ممتازه ..
القسم ينتظر منك المزيد..
خواطر))
عبدالعزيز اول ماشاف آخر مشاركه خواطر مكسوره .. فرح .. بس أنا متأكد ان الرد شي يعور القلب ويجرح.. بس المهم كلامي وصل لها .. واللي طالع من القلب.. مقره القلب
قرا الرد اول شي مساء الكبرياء
لحووووول عارف قصدها الكبرياء اللي تسكنه حقاره على قولتها يعني بالعربي انا حقير.......
انا خاطرتي محاوله؟؟ هين ياوريفوه اوريك انا
اقتبس ردها وكتب
((يكفيني نسج حروفك على متصفحي..
وان كنتي قد اعتبرتيها محاوله مني..
فأنا لا أعتبرها محاوله ...
هي فقط مشاعر سطرتها لمن أحب..
وعندما أثنيتو عليها ليس لجمال حروفها .. او لروعة كلماتها .. بل لأنها حروف صادقه سطرها قلب ينبض بالحب..))
قرت وريف رده .. ياشينه يتميلح هو ووجهه ...
’,
’,
سلمان بعد تفكير وبعد مادرس الموضوع من كل الجهات..
انا اللحين بعد ماتعبت اداوم دوام واحد.. وصار وقت فراغي كثير ..
وهذي بنت مسكينه .. هذا اولا . وثانيا صديقة فجر. وثالثا جوري تحبها. رابعا امي مرتاحه لها ولأمها
خامسا انا كبرت ومحتاج أحد يرعاني
سادسا .. هي بنت كانت ضحية ظروف عيشتها حاله نفسيه
سابعا: مستحيل القى مثلها .. جمال على قول جوري .. وأخلاق على قول امي .. وطيبه على قول فجر
وش ابي اكثر من كذا

نزل سلمان للصاله شاف أمه وخواته جالسين بالصاله
سلمان: السلام عليكم
الكل: وعليكم السلام
سلمان: بدون مقدمات .. وش رايكم لو أتزوج
الجمله كانت صدمه عالكل .. الام فرحت .. بس استغربت .. فجر استانست بس خافت تفقد حنان اخوها.. جوري للحين ما استوعبت
سلمان: اوكي ولا يهمكم خلاص ما ابي اعرس
جوري استوعبت : لااااااااااااااااااااااا
سلمان: ادري يا بابا خلاص
جوري: الاااا اعرس ابي اشوف عيالك
سلمان انصدم: وشهو؟؟
جوري: هههههههههه هذا رد امي اما رد فجر ((وتقلد صوت فجر)) الله يسعدك ياخوي بس انتبه لاتغيرك علينا الحرمه
سلمان: هههههههههههههههههه والاميره جوري وش ردها؟؟
جوري: اممم جوري تقول موافقه بس بشرط
سلمان: بس شرط؟؟ الا شروط قولي
جوري: تطلعها مع عيالك للملاهي
سلمان ضحك وحضن اخته : هههههههههههههههههههههههههههههه
فجر: ايه اشوف الدلع للاخت جوري بس
سلمان: كلكم حبايبي يالغاليه
جوري بدلع: افاا من اللحين؟؟
سلمان: وشهو؟؟
جوري: زمان تقولنا كلكم عيالي .. واللحين كلكم حبايبي
فجر: ههههههههههههههه ايه صح
سلمان:هههههههههههههههههههههههههههه ماعرفنا رايك يالغاليه
ام سلمان: والله انه منى عيني بس من هي سعيدة الحظ؟؟؟
سلمان يناظر بفجر ويبتسم :وحده من صديقات فجر
جوري: هييييييييييييييييييييييييييييييييه
سلمان ضحك وطلع وخلاهم
فجر: من؟؟؟
جوري: يالخبله اكيد وريف
فجر انصدمت بس استانست : وناااااااااااااااااسه تصير وريف معي دوم واااااااااااااااو







   

رد مع اقتباس
قديم 20-02-2009, 09:25 AM   رقم المشاركة : 20
معلومات العضو
مَآلے مِثَيِل © ~
مُشرفة سابقه
 
إحصائيات العضو








مَآلے مِثَيِل © ~ غير متواجد حالياً

 
إحصائية الترشيح

عدد النقاط : 81
مَآلے مِثَيِل © ~ will become famous soon enough

 

 

افتراضي إضافة رد: لاقلت أحبك إسكتي وإحضنيني / روايه كامله

...زياد ...
كان شكل لمياء مسيطر عليه بصحوته وبنومه .. كان شكلها نعوم غير عن اسلوبها مع اخوانها ... ويوم ركبت معي كانت ساكته ووريف تقول لي اني السبب..
وقالت لبنات عمها اني اذا جيت يوقف قلبها
ليش؟؟
غريبه هالبنت
’,
’,
اليوم الخميس التاريخ 4/10
عبدالعزيز ينتظر هاليوم بفارغ الصبر بعد اسبوعين طيارته للسعوديه ..ومن عقب الخاطره ماصار أي نقاش بينه وبين وريف هو يبيها تهدا لين يجي يوم عيد ميلادها ..
مايقدر يتوقع ردة فعل وريف على اللي بيسويه 100% بيكون موقفها سلبي..
الله يعينك ياقلبي
سمى بالله وارسل لها عالايميل.. وارسل لها عالمنتدى
((مرحبا وريف شلونك..
اسمحيلي اقولك وحشتيني..
لأن هذا الصدق..
اذا مارجعت للسعوديه بالشهاده انتي السبب.. لاني بسببك مو قادر اركز بالدراسه
عموما مو هذا موضوعنا..
اتمنى تزورين قسم التصاميم فيه اهداء مني لك))

قرت الرساله مره واثنين وثلاث .. هذا مره قاطه الميانه قليل الحيا .. بروح اشوف وش هالإهداء..

الاهداء كان عباره عن كلمات لقاها عبدالعزيز بوحده من المجلات وطلب من واحد من اصحابه اللي يعرفون للفوتوشوب انه يصممها له كبطاقة معايده ..

فتحت وريف قسم التصاميم .. اول مره تدخله لقت موضوع بإسم كبرياء الجرح .. عنوان الموضوع
((لأغلى من عشق قلبي))
وريف: خبل ذا؟؟ الظاهر واجد يشوف افلام افففف ينرفز لازم أحط له حد واحطه بقائمة التجاهل عشان مايقدر يرسل لي رسالة خاصه
فتحت الموضوع لقت تصميم .....
باللونين الرصاصي والاحمر


وكان كاتب بالتصميم القصيده اللي لقاها بالمجله تقول
تواريخك تمر وتلتقي بي
وتنساني وتذكرك الليالي
تخيّر من هدايا الورد طيبي
ولا تختار لأعيادك بدالي
أحسك حيل من قلبي قريبي
تدلل لك علي كل الدلالي
يسافر بي غلاك وينتحي بي
عن الدنيا ويجنح بي خيالي
صباحي خير وجروحي تطيبي
صباحك ياصباح العمر غالي
عسى ظني بنورك مايخيبي
وعساني ما أنحرم شوفك قبالي
شموعك يوم حبك تحتفي بي
لقلبي ضي ولعمري ظلالي
حبيبي كل سنه وانته حبيبي
حبيب الحب ياحبي((لحالي))

وكاتب بأسفل التصميم حرف وريف بالانجليزي.. وأعلى التصميم كاتب اسمه بالمنتدى كبرياء الجرح
وريف لا شعوريا بكت..حست بقوه داخلها تحركت.. ليش بكت.. ماتدري .. بس محتاجه تبكي.. اقرب لناس لي اللي هي فجر ماتذكرت هاليوم.. وش يقصد هالرجال .. وش يبي مني؟؟؟ ياربي والله مو عارفه شسوي
آآآآآآآآآآآآآآآآخ ياقلبي

بسيطرة الشعور عليها كتبت له برساله خاصه
مشكور انك تذكرتني
بعد ما ارسلت الرساله انتبهت للي هي تسويه وش اللي خبصته ذا .. مو هذا نفسه اللي ضحك علي وطقطق علي .. مو هذا اللي كذب علي؟؟
حقدت وريف على عبد العزيز اكثر يوم نست نفسها وارسلت له هالمسج..

عبد العزيز فتح مسج وريف وهو متوقع ارقى كلمات الشتم موجوده بس طارت عيونه باللي قراه..
مشكور انك تذكرتني .. ياقلبي قلبها محد تذكرها اكيد... فرحت اني متذكرها.. متى .. متى ياوريف يلين راسك وتعلميني منهم اهلك؟؟ الظاهر انه بدا يلين راسها ..
بإذن الله من يوم اعرف اهلك اني اليوم الثاني عندهم عشان أخطبك
ابتسم عبدالعزيز وغفى على احلامه ..كلها خمس دقايق الا ويسمع صراخ فيصل: عبدالعزيز يامال الفتره
عبدالعزيز: هااااااااااااااااااااااااااااااااه وش تبي؟
فيصل: قوم ذاكر لا اتصل على سلمان اللحين
عبدالعزيز : ماتشوفني طول اليوم اذاكر
فيصل: نعنبوو ابليسك وش صار لك انت؟؟؟ ماعاد تهتم بدراستك ياخوي كلها اسبوعين وتفتك
عبدالعزيز ابتسم لفيصل واعطاه بوسه بالهوا
فيصل: نعنبو بليسك وش متحلم فيه انت؟؟
عبدالعزيز ضحك على تفكير فيصل واعطاه بوسه ثانيه بالهوا
فيصل: انت الصراحه الغلطان من يجلس معك.. اخاف تخرب اخلاقي
لملم فيصل اغراضه وراح الغرفه الثانيه يدرس
عبدالعزيز ضحك من قلبه على حركات صديق عمره وقام يذاكر بكل تركيز .. يكفي ان وريف حسستني اني أسعدتها بشي..
ماكان هامته الردود عالتصميم أصلا طنش اللي ردو عليه .. اهم شي وريف وعرفت رايها

فيصل كان ماخذ فترة راحه ويطقطق بالمنتدى شوي شاف تصميم عبدالعزيز .. ياشين اللي يسمعون بالحب وطاحو فيه ههههههههههههههه
شاف وحده من الردود وحده اسمها ((بحضنك دفيني))
((هااااي حبيبي
بصراحه انت طالع مررره رومنسي هالايام..
ربي يحفظك تسلم لي يالغالي
وتصميمك مررره روعه))
فيصل: هههههههههههههههههههههههههههههههه مو صاحيه ذي
كان ناوي يزهم على عبد العزيز يشوف هالخبله وش كاتبه بس عبد العزيز يذاكر وانا ما أصدق انه يمسك كتابه
’,
’,
لميس: بنات
البنات: هاه؟
لميس: هوا ياخذكم كلكم .. العالم تقول هلا مو هاه
وتين: ياربييييييييييييه عالإتكيت .. خلصيني وش المقلب اللي بتسوينه
ميان: هههههههههههههههه مسكين عبدالرحمن شكله بيذبحك بعد هالمقالب صايره قويه يابنت
لميس: لااااااااااااع مو مقلب
شوق : اجل؟
لميس: وش رايكم نسويها مفاجأه لوريف ونزورها ببيت خالها
شيماء: كلنا؟؟
لميس: ايه اجل بعضنا
شيماء: ههههههههه اخاف يشوفون هالسيارات اللي جايه عندهم ويحسبونها قبيله غازيه عليهم
البنات: هههههههههههههههههههههههههههههههههه
ليان: والله حلوووو وحشتني الدوووبا
لميس: الله يعين ويقتنعون الشيبان
وتين: وجع هذولا ابوك واعمامك
لميس: وانا وش قلت؟؟؟ سبيتهم لا سمح الله
شروق: بنات عندي خطه تخليهم يوافقون
لميس: انجدينا بها
’,
’,
عبد العزيز بعد يومين حس انه مشتاق لأي كلام منها حتى لو سب .. مع انه مايتوقع انه تسبه بعد آخر رساله ارسلتها له..
ارسل لها عالخاص
((سلام..
غصبن علي وحشتيني..
والله مو بيدي..
ادعيلي بالتوفيق... اختباراتي بعد كم يوم..
طمنيني عنك))

وريف قرت الرساله خلاااااص هذا ما ينعطى وجه ... يحسب اني من هالبنات اللي يكلمون شباب انا اوريك ياللي مسوي نفسك محترم .. كتبت له

((هيه انت.. ترى عطيتك وجه بزياده..
انت ماتستحي على وجهك؟؟
قلت لك بالفصحى .. وبالتلميح وعييت تفهم
اللحين بقولك اياها بالعامي
ياخي طس عن طريقي ..
الله يلعنه من يوم يوم عرفت ايميلك فيه
وعلى فكره بحطك بقائمة التجاهل اففف))

الرساله هذي كانت مثل الكفوف على وجه عبدالعزيز..
هذي من تكون تتكلم معاي كذا؟؟؟
عشاني اعترفت بمشاعري واستحملت اللي تقوله .. تحسبني ماني رجال.. تهين كرامتي..
أدوس قلبي .. واذبح مشاعري ولا تنهان كرامتي..
هين ياوريف .. ما اكون رجال اذا ماعلمتك منهو عبدالعزيز

صفعة الاهانه كانت قويه على عبدالعزيز.. رجال ماقدرو يهزون كرامته تجي بنت وتهينه..... كان يفرفر كعادته بالمنتدى طاحت عينه عالموضوع اللي هو مسويه اهداء لها .. قرا ردود الناس وقرا رد ((بحضنك دفيني))
ابتسم ..
انا اوريك منهو عبد العزيز
اقتبس رد البنت وكتب
((هلا حبيبتي..
تسلمين على رايك الغالي على قلبي..
جد جد افرحني ردك ومرورك يالغلا .. الله لايحرمني من هالطله))
ارسل الرد .. حس انه يتصرف بمنطق طفولي .. بس لازم يسوي كذا

صار اسلوبه مع البنات قاط الميانه.. صندوق الرسايل عنده صار مليان من هالمايعات اللي يبون يتعرفون .. بس هو عالخاص مهمشهم .. بس عالعام كأنه خاق ..
هو ليش يسوي كذا؟؟؟ مايدري
اهم شي انه اذا سوا كذا يستريح
له يومين ما مسك ولا كتاب.. فيصل حاول .. بس عبدالعزيز ماله مزاج بالدراسه..
اتصل فيصل على سلمان عشان يشجعه يدرس.. بس ابد مافيه أمل
اختباره قريب .. ونهائي وعلى الشهاده .. ولا يذاكر
مافيه الا حل واحد
وفعلا تجرأ فيصل وسواها

وريف اللي كان كرهها لعبدالعزيز اضعاف واضعاف بعد ماشافت اسلوبه مع البنات ... ايه ماشاف مني ريق حلو راح يدور على وحده مثله..وكانت اكثر وحده رافعه ضغطها هي بحضنك دفيني..
فجأه طلعت لها نافذه رساله خاصه جديده = 1 من رفيق الجرح
وش عندهم العالم كلهم مجاريح
فتحتها
((السلام عليكم
انا ما ادري يحق لي اسوي اللي اسويه او لا
بس انا اشوفه يحق لي ..
لأني اشوف مستقبل صديقي اللي تعب عليها 7 سنين قاعد يضيع قدامي
يا اخت خواطر ..
انا صديق عبدالعزيز ..
عبدالعزيز اضاف ايميلك بتحدي بينه وبيني .. وفي يوم سألته وش اخبارك مع خواطر.. قال لي انا متعذب البنت قالت لي شي خطير وانا بمثابة الكذاب
ويشهد الله اني ما اعرف هالسر .. رغم اني سألته بس هو رفض يقول لي.
عبدالعزيز له يومين مو راضي يمسك كتابه... مو راضي يدرس ولا راضي يذاكر ..حتى اهله كلموه ولا فتح كتاب.. انا متأكد انه متضايق منك..
والدليل شروده من شعور الحب اللي يحس فيه تجاهك .. بإستهباله مع البنات اللي عمره مادق قلبه لبنت ولاهو راعي بنات..
ماطلبت منك تحبينه... كل اللي اطلبه انك لا تجرحينه لين ينتهي اختباراته.... اقل شي اطلبي منه يذاكر عشان يذاكر
واسف عالازعاج))
مسكييييييييييييييييييييييييييييييييييييييييييييييي ين.. اذا صديقه صادق فـ هو يعني يحبني..
يحبني؟؟؟؟ انا؟؟؟
اكيد صادق اليومين اللي راحو ماغير متسدح بالمنتدى .. مايطلع الا للنوم.. مسكييييييييييييين دراسته..
الا الدراسه ... ياربي سامحني لازم ارسل له هذي دراسه مو لعب..
حاولت ترسل له وريف بس انصدمت...... حاطها بقائمة التجاهل...
يمكن لاعبها هو وخويه علي؟؟؟؟
بس مستحيل يضحي بوقته اللي المفروض يذاكر به عشان يقنعني انه يحبني..
اكيد صادق....
طيب اللحين شسوي .. لازم اقول له يذاكر..لازم
حتى لو مو صادق اللي علي بسويه انا لا احبه ولا ابيه مجرد ماينجح ابغير ايميلي بكبره
توكلت على الله وأضافته من جديد
عبدالعزيز اللي كان يسولف مع فجر عالماسنجر اول ماشاف الإضافه إستغرب... اكيد باقي عندها اهانات ماقالتها .. بس والله لأقص لسانك قبل تتكلمين علي
كان نكه (( أحـــــــــــــــــــبـــــــك ولو تجــــــــــــافينـــــــــي))
غيره بسرعه وحطه((قلي شسوي فيك لا صرت واطي))
قلي شسوي فيك لا صرت واطي:
فجوره قلبي شوي وراجع لك عندي هوشه ادعيلي
إحــــــــــســــــــ((الوله))ـــــــــــــاس:
اصلا باين من النك اللي تغير .. هههههههه ربي ينصرك عليهم

قبل عبد العزيز الاضافه وقلبه يرقع .. من جد وحشتني.. لالالا ماوحشتني انا بس فقدتها لأني تعودت عليها .. اصلا انا ماحبيتها .. انا انبهرت بثاقفتها وكلامها بس.. ولأنها البنت الوحيده اللي بحياتي..

وريف شافت عبدالعزيز اون لاين حست بتسونامي صغيرون داخلها .. ناظرت بالنك وانصدمت اففف وش ذاااا؟
كان نكها ((جـــــــرحــــــــي نــــــســـــــانــــي الـــســــــمــــــــاح))
سمت بالله ودخلت عليه
جـــــــرحــــــــي نــــــســـــــانــــي الـــســــــمــــــــاح:
سلام عليكم
((عبدالعزيز حس كلامها يخلع القلب.. واقول ما احبها .. مالت علي ماعرف أكذب))
قلي شسوي فيك لا صرت واطي:
نعم؟؟؟
((وريف: يمه وش فيه ذا))
جـــــــرحــــــــي نــــــســـــــانــــي الـــســــــمــــــــاح:
إنت عبدالعزيز؟؟؟ ولا لا
((عبدالعزيز طلعت عيونه: شلون عرفت اسمي؟؟؟؟؟ كيييييييييييف ماعمري قلته لها ))
قلي شسوي فيك لا صرت واطي:
ايه نعم .. خير وش تبين.. وليش تجيبين اسمي على لسانك من وين عرفتيه؟؟
((وريف تحس الكلام قوي بحقها .. بس بتتحمل عشان يخلص درراسته ماهيب مستعده تتحمل فشل أي انسان))
جـــــــرحــــــــي نــــــســـــــانــــي الـــســــــمــــــــاح:
ليه نطقي للإسم يلوثه؟؟؟ عموما مو مهم شلون عرفته
((عبدالعزيز: ياعمررررررري انجرحت.. بس غصبن علي انا حلفت اعلمها منهو عبدالعزيز وهذاهي رجعت من نفسها))
قلي شسوي فيك لا صرت واطي:
اجل وش المهم
جـــــــرحــــــــي نــــــســـــــانــــي الـــســــــمــــــــاح:
المهم... اذا سمحت ممكن طلب؟؟؟
((عبدالعزيز: طلب؟؟؟ شسالفه؟؟))
قلي شسوي فيك لا صرت واطي:
طلب؟؟؟ نعم وش عندك خلصيني
((وريف: الله يعينني))
جـــــــرحــــــــي نــــــســـــــانــــي الـــســــــمــــــــاح:
انت ليش تتكلم معي كذا؟؟
قلي شسوي فيك لا صرت واطي:
إقري نكك وتعرفين الجواب
جـــــــرحــــــــي نــــــســـــــانــــي الـــســــــمــــــــاح:
ياربيييييييييييي طيب ممكن طلب ولا لا
قلي شسوي فيك لا صرت واطي:
اولا مابيننا ميانه .. ثانيا خلصيني لأني مو فاضي لك
((وريف: لاااا مو هذا اللي اعرفه))
جـــــــرحــــــــي نــــــســـــــانــــي الـــســــــمــــــــاح:
انا شسويت لك تعاملني كذا؟
قلي شسوي فيك لا صرت واطي:
والله ان ما تكلمتي بلوك وديليت
جـــــــرحــــــــي نــــــســـــــانــــي الـــســــــمــــــــاح:
ابتكلم مايحتاج بلوك ((وحطت وجه باكي)).. ممكن تذاكر لأنك طول الوقت بهالأيام قاعد بالمنتدى وانت اختباراتك عالأبواب
((عبدالعزيز شاف الوجه الباكي.. معقول تبكي؟؟؟؟؟ تبكي؟؟؟؟ مني انا تبكي؟؟؟؟ وخايفه على اختباراتي؟؟؟؟
قلي شسوي فيك لا صرت واطي:
احلفي انك ضايفتني عشان هالسالفه
جـــــــرحــــــــي نــــــســـــــانــــي الـــســــــمــــــــاح:
والله العظيم اني ضايفتك عشان سالفة دراستك ما ابيك تضيعها
((عبدالعزيز:فديـــــــــــــــــــتـــــــــــــــ ــ ــــــــــك والله أحبــــــــــــــك...........بس مانسيت حلفي اني اعلمك من اكون))
قلي شسوي فيك لا صرت واطي:
طيب وهذاهي وصلت رسالتك خلصتي؟؟ يالله مع السلامه


وريف انقهرت منه وصكته بلوك ...ليش يتكلم معاي كذا.. وربي ماسويت له شي .. يمكن زعل من اخر رساله..
اييييييييييييه هذيك كلامها كان جارح.. ياربي على لقافتي ابضيع مستقبل الولد بسبب غبائي..

عبدالعزيز قفل من وريف وطار لفيصل
عبدالعزيز: فييييييييييييييييييييييييييييييييييييييييصل
فيصل اللي كان يسوي اللمسات الاخيره للبحث
فيصل: هلا
عبدالعزيز: وريف ضافتني
فيصل((والله انها بنت اجواد))
فيصل: ليش؟؟
عبدالعزيز: تقولي اترك المنتدى وانتبه لدراستك
فيصل: وانتي بتسمع كلامها وانا واهلك لنا يومين نشحدك ما سمعت لنا كلمه
عبدالعزيز: ياشينك انت بس تنكد عالواحد
فيصل: ههههههههههههههههههه فديت قلبك.. عاد اثقل انت لا توريها انك فرحان برجعتها
عبدالعزيز: رجعت قالت لي ذاكر وصكتني بلوك
فيصل بقلبه((ماشاء الله عليك يا وريف الله يجزاك خير اضفتيه بس عشان يدرس... آآه ياعزوز لو تدري باللي من وراك الظاهر ماتكلمني طول عمرك..))
عبدالعزيز: يالله عن اذنك بروح اذاكر قبل ارقد..
فيصل: بالتوفيق

طار عبدالعزيز عالكتب وكان يذاكر بحماس
حلو الواحد اذا كان عنده هدف..
عبدالعزيز هدفه حاليا يرجع بالدكتوراه .. عشان يخطب وريف من اهلها .. دامها رجعت اضافته عشان يدرس اكيد إذا سألتها عن أهلها مابترفض بس المهم اني ماخذ الشهاده...

اما وريف ..أكلت نفسها بالحسايف .. ياربي اللي سويته صح .. ولا غلط..إحساسي يقول صح..
بس لو كان يكذب؟؟
اذا بيكذب على نفسه.. واذا كان صادق على نفسه .. مجرد ماياخذ الشهاده ابعترف له ان رجعتي كلها عشان دراسته مستقبله.. انا مالي دخل..

عبدالعزيز أكل الكتب أكال .. ما صكها بلوك.. وهو متأكد انها صاكته بلوك وديليت..
رجع من أول إختبار ...إختباره الثاني بعد ثلاث ايام
رجع الساعه 11 الصبح من الاختبار تقريبا الوقت بالرياض على المغرب
فتح الماسنجر غير نكه
((ليتني العيد وتفرح بي يوم أجيك))
وريف كانت اون لاين بس صاكته بلوك..اليوم إختباره.. ياربي نفسي اعرف وش سوى بإختباره.. يارب انه سوى زين.. ما ادري اللي أسويه صح أو غلط .. بس أنا معتبرته أخوي ..يعني مو اخوي بس انه مشاعر الاخوه .. ياربي مدري اش قاعده أخربط.. ابتطمن على اختباره واصكه بلوك على طول
شالت البلوك وعبدالعزيز يناظر بالاسم وده يقوم يبوس الشاشه
جـــــــرحــــــــي نــــــســـــــانــــي الـــســــــمــــــــاح:
سلام
ليتني العيد وتفرح بي يوم أجيك:
وعليكم
جـــــــرحــــــــي نــــــســـــــانــــي الـــســــــمــــــــاح:
وشلون إختبارك اليوم؟؟؟ هو اليوم صح؟
ليتني العيد وتفرح بي يوم أجيك:
ايه اليوم .. وزين الحمد لله
جـــــــرحــــــــي نــــــســـــــانــــي الـــســــــمــــــــاح:
وانت شخبارك؟
ليتني العيد وتفرح بي يوم أجيك:
عايش الحمد لله
((وريف: اوووووووف هذا ليش يتكلم كذا.. والله ما كان بهالوقاحه وش غيره؟؟))
جـــــــرحــــــــي نــــــســـــــانــــي الـــســــــمــــــــاح:
ممكن اعرف متى اختبارك الثاني؟؟
ليتني العيد وتفرح بي يوم أجيك:
بأي صفه ؟؟
جـــــــرحــــــــي نــــــســـــــانــــي الـــســــــمــــــــاح:
اعتبرني اختك
ليتني العيد وتفرح بي يوم أجيك:
والله انا خواتي مكفيني..... عموما إختباري بعد ثلاث ايام
((وريف: انا الغبيه اللي معطيته وجه))
جـــــــرحــــــــي نــــــســـــــانــــي الـــســــــمــــــــاح:
عن أذنك

وقبل يرد عليها صكته بلوك على طول .. وربي انه ينرفزززز
عبدالعزيز: يارب ارحمني من هالشعور اللي بيذبحني.. يارب انها ما تكون انتبهت اني قصدتها بالنك.. يعني هي ماسوت لي ديليت.. يعني اللحين تشوفني وتشوف نكي.. هين ياوريف.. وربي ما اكون عبدالعزيز اذا ماخليتك تهلوسين
بخليك تحسين اني احبك بس تصرفاتي اكرهك
غيّر نكه على طول
((للحين أحبها ولاني قادر أنساها))
وكتب رسالته الشخصيه
((حــــظ عيني لو تشوفك كل يوم))
وريف.. بعد ماصكته بلوك .. غبي.. وربي غبي.. ليش يسوي لي كذا .. انا عندي أحاسيس ومشاعر ليش يقعد يجرحني ويهينني..
فتحت صندوق الصادر بالمنتدى وقرت آخر رساله ارسلتها له.. وش هالكلمات.. من جد كان الغباء معميني ونسيت إن هذا رجال مايرضى بهالكلام..
طيب هو نرفزني خلاني اقول له هالحكي..
بس ولو عيب اللي انا سويته..
الولد لو مايحبني مابيضيع مستقبله عشاني..
اسمه عبدالعزيز .. كشخه هههههههههههه
طيب لو كانو كذابين ولا فيه سفره لبريطانيا ولا شي .. والله الظاهر انهم متبطحين بشوارع النسيم((النسيم حي متواضع بالرياض))
والله مدري.. انا مدري ليش ذابحه نفسي بالتفكير عشانه مالت عليه
رجعت وريف من تفكيرها للواقع تبي تقفل الماسنجر شافت نكه الجديد ..
قبل شوي كان نكه عن العيد.. وهو معايدني بعيدي قبل كم يوم.. معقول يقصدني؟؟؟ واللحين للحين احبها..
بس لو كان يقصدني .. اقل شي يتكلم معي زين..
الظاهر الرجال يحب وحده ثانيه .. ولا ليش يقول حظ عيني لو تشوفك كل يوم .. اكيد وحده من هالشقر اللي عنده..
يووووووووووه خلني اقوم احسن لي
طلعت وريف من غرفتها سمعت اصوات تحت .. مو معقول
هالصوت مو غريب ....
بنات عمي معقول!!!!!!
وقبل تكمل تفكيرها شافت الجيش طالع مع الدرج وقدامهم شادن تدلهم على غرفة وريف
وريف صرخت من الوناسه وراحت ركض لبنات اعمامها
وريف: والله أحلى مفاجئه
وتين: هذي فكرة لميس
وريف: فديت قلبك ياراعية الدبابيس
البنات: ههههههههههههههههههههههههههههههههههههههههه
وريف: من جاء معكم؟؟
لميس: تعرفين ان الاتحاد قوه
لمياء: والهلال أقوى
البنات: هههههههههههههههههههههههههههه
لميس : وجع لاتقاطعين ... تعرفين الاتحاد قوه ومانقدر نترك بعضنا فقررنا ان الجيش يجي مكتمل الصفوف
شادن كانت تناظر بعلاقتهم وتضحك .. ماشاء الله شلون ماعرفوها الا من فتره بسيطه وصارو معها كذا
وريف: قلبي انتي .. تنورون
إنفتح باب غرفة ام زياد.. وريف حست انها اختنقت... شادن عرفت ان فيه مصيبه جايه..
طلعت ام زياد .. ناظرت باللي واقفين كانو حول العشر .. عرفت انهم صديقات وريف .. لأنها شافتهم معها .. بس ما انتبهت لشادن
صارت تطالع بالبنات من فوق لتحت
ام زياد: انتي ياللي ماتربيتي
وريف تمنت الارض تنشق وتبلعها .. وش هالموقف اللي بصير فيه
ام زياد تصرخ: وش فيك انقطع لسانك؟؟ ورا ما تردين
وريف بدون نفس: خييييييييييير
ام زياد تبتسم بسخريه: لا والله؟؟؟ اشوف لسانك طال.. بس موو مشكله اعرف اربيك انا بعدين .. بس بغيت أٍسألك((وتناظر في البنات)) دفعة الخدامات الجديده وصلت؟؟
كانت تقصد بنات اعمامها انهم خدامات..

وش تتوقعون الأحداث عقب هالموقف من ام زياد ؟؟

وريف : بتسكت ؟؟ وهي لاويه ذراعها إنها شالتهم من الشارع ؟؟
شادن : بتدافع عنهم والعدو أمهااا ؟؟
بنات عم وريف : بيسوون شي أو بينسحبون من المكان ؟؟
ام زياد : بتستحي على وجهها وبتخاف منهم او انها بتستمر بحقارتهااا؟

ردة فعلكم لا هنتووو ..







   

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

منتديات بنات
الترحيب و الاجتماعيات - دردشة - فضفضة و تجارب - المنتدى الاسلامي - اناقة و موضة - ميك اب و تسريحات - العناية بالشعر - العناية بالبشرة - تزيين العروسة - منتدى الرشاقة - صحة المرأة - قصص وروايات - مسنجر وتوبيكات - كمبيوتر وانترنت - الاعشاب و الطب البديل - الطبخ - وصفات الطبخ - وصفات الحلويات - جاليري الفنون - الاسره - التدبير المنزلي - الاعمال اليدوية - قسم الديكور - صور و اخبار و طرائف - المنتدى الادبي - العاب و مسابقات - المكتبة
سيدات طبخ قمصان فساتين منتدى بنات تسريحات حلويات العناية بالبشرة المراة اسماء بنات العاب بنات كروشيه العاب موقع بنات ستائر قصات شعر 2009 مطابخ الموضة اعمال يدوية الديكور رجيم مطبخ العائلة العاب فلاش صور منتدي منتديات بنات انتريهات صور اطفال ملابس طرائف ميك اب bnaat مفارش الحياة الزوجية لفات طرح محجبات مطبخ منال لانجيري مسكات وصفات اكلات حواء خلفيات ورسائل للجوال حل مشاكل الكمبيوتر والانترنت صور مسنجر

الساعة الآن 08:52 AM.


privacy-policy

Powered by vBulletin Version 4.2.0
Copyright ©2000 - 2024, Jelsoft Enterprises Ltd .